spot_img
Homeຂ່າວເຫດການພົບ 25 ໂຄງການ ຂຸດຄົ້ນແຮ່ທາດ ລະເມີດຄຳສັ່ງ ດ້ານກະຊວງກ່ຽວຂ້ອງຊີ້ແຈງ ທັງໝົດຖືກຕ້ອງຕາມກົດໝາຍ!

ພົບ 25 ໂຄງການ ຂຸດຄົ້ນແຮ່ທາດ ລະເມີດຄຳສັ່ງ ດ້ານກະຊວງກ່ຽວຂ້ອງຊີ້ແຈງ ທັງໝົດຖືກຕ້ອງຕາມກົດໝາຍ!

Published on

81c3a730-8e7b-47c3-ba69-241cce09cb88
(ພາບປະກອບຂ່າວ)

 

ອົງ­ການ​ກວດ​ສອບ​ພົບ​ເຫັນ 25 ໂຄງ­ການ​ຊອກ​ຄົ້ນ-ສຳ​ຫຼວດ​ແຮ່​ທາດ ມູນ​ຄ່າ 6 ພັນ​ຕື້​ກວ່າ​ກີບ ​ອະ­ນຸ­ມັດ​ພາຍ­ຫຼັງ ລັດ­ຖະ­

ບານ​ອອກ​ຄຳ​ສັ່ງ​ເລກ​ທີ 13/ນຍ ທີ່​ເປັນ​ການ​ກະ­ທຳ​ສ້າງ​ຜົນ​ກະ­ທົບ​ຕໍ່​ການ​ຄຸ້ມ​ຄອງ​ສະ­ພາບ​ແວດ​ລ້ອມ​ ຕະ­ຫຼອດ​ຮອດ​ຊັບ​

ສິນ​ຂອງ​ລັດ ຂະ­ນະ​ທີ່​ກະ­ຊວງ​ກ່ຽວ­ຂ້ອງ​ ອອກ​ມາ​ຢືນ­ຢັນ​ໃນ​ຈຳ­ນວນ​ໂຄງ­ການ​ທັງ​ໝົດ​ແມ່ນ ​ໄດ້​ອະ­ນຸ­ມັດ​ຖືກ­ຕ້ອງ​ຕາມ​ລະ

­ບຽບ​ກົດ­ໝາຍ.

 

ວັນ​ທີ 12 ທັນ­ວາ​ຜ່ານ​ມາ​ ທີ່​ກອງ​ປະ­ຊຸມ​ສະ­ພາ ທ່ານ ນາງ ວຽງ​ທອງ ສີ​ພັນ​ດອນ ປະ­ທານ​ອົງ­ການ​ກວດ​ສອບ​ແຫ່ງ​ລັດ​ໄດ້​

ລາຍ​ງານ​ຜົນ​ການ​ກວດ​ສອບ​ບົດ​ສະ­ຫຼຸບ​ ຂາດ​ຕົວ​ການ­ຈັດ­ຕັ້ງ​ປະ­ຕິ­ບັດ​ແຜນ​ງົບ­ປະ­ມານ​ແຫ່ງ​ລັດປະ­ຈຳ​ສົກ​ປີ 2012-2013

ແລະ ການ­ຈັດ­ຕັ້ງ​ປະ­ຕິ­ບັດ​ມະ­ຕິ​ກອງ​ປະ­ຊຸມ​ສະ­ພາ​ແຫ່ງ​ຊາດ​ເຫັນ​ວ່າ: ກະ­ຊວງ​ແຜນ­ການ ແລະ ການ​ລົງ­ທຶນ ​ຍັງ​ສືບ­ຕໍ່​ອະ­ນຸ­

ມັດ​ໂຄງ­ການ​ຊອກ​ຄົ້ນ ແລະ ສຳ​ຫຼວດ​ແຮ່​ທາດ ​ຫຼັງ​ຄຳ​ສັ່ງ​ສະ­ບັບ​ເລກ​ທີ 13/ນຍ, ລົງ​ວັນ​ທີ 11 ມິ­ຖຸ­ນາ 2012 ລວມ​ທັງ​ໝົດ

25 ໂຄງ­ການ ​ຄິດ​ເປັນ​ມູນ​ຄ່າ 6.741,77 ຕື້​ກີບ, ຊຶ່ງ​ນັບ​ວ່າ​ຂັດ​ຕໍ່​ລະ­ບຽບ​ການ ແລະ ຄຳ​ສັ່ງ​ເຮັດ​ໃຫ້​ເປັນ​ຜົນ​ກະ­ທົບ​ຕໍ່​ການ​

ຄຸ້ມ​ຄອງ​ສະ­ພາບ​ແວດ​ລ້ອມ ແລະ ຊັບ​ສົມ­ບັດ​ຂອງ​ລັດ.

 

ແນວ­ໃດ​ກໍ​ດີ ຕໍ່​ບັນ­ຫາ​ດັ່ງ­ກ່າວ​ໃນ​ວັນ ທີ 15 ທັນ­ວາ ທ່ານ ດຣ. ກິ​ແກ້ວ ຈັນ­ທະ​ບູ​ລີ ລັດ­ຖະ­ມົນ­ຕີ​ຊ່ວຍ​ວ່າ­ການ​ກະ­ຊວງ​ແຜນ

­ການ ແລະ ການ​ລົງ­ທຶນ​ ກໍ​ໄດ້​ມາ​ຊີ້​ແຈງ ພ້ອມ​ຢືນ­ຢັນ​ຕໍ່​ບັນ­ດາ​ສະ­ມາ­ຊິກ​ສະ­ພາ​ແຫ່ງ​ຊາດ​ວ່າ: ໃນ​ຈຳ­ນວນ​ໂຄງ­ການ​ທັງ​ໝົດ

​ທີ່​ອົງ­ການ​ກວດ​ສອບ​ລາຍ​ງານ​ນັ້ນ​ ທາງ​ກະ­ຊວງ​ແມ່ນ​ໄດ້​ອະ­ນຸ­ມັດ​ຖືກ­ຕ້ອງ​ຕາມ​ລະ­ບຽບ​ກົດ­ໝາຍ​ທຸກ​ຢ່າງ ໃນ​ນັ້ນ ມີ 13

ໂຄງ­ການ​ແມ່ນ​ໄດ້​ຮັບ​ອະ­ນຸ­ມັດ​ກ່ອນ​ຄຳ​ສັ່ງ​ເລກ​ທີ 13/ນຍ, 5 ໂຄງ­ການ​ເປັນ​ການ​ສືບ­ຕໍ່​ຂຸດ​ຄົ້ນ, 4 ໂຄງ­ການ​ແມ່ນ​ລັດ­ຖະ­

ບານ​ໄດ້​ພິ­ຈາ­ລະ­ນາເປັນ​ກໍ­ລະ­ນີ​ພິ­ເສດ, 2 ໂຄງ­ການ​ແມ່ນ​ບໍ່​ນອນ​ໃນ​ຄຳ​ສັ່ງ​ເລກ​ທີ 13 ເນື່ອງ​ຈາກ​ເປັນ​ໂຄງ­ການ​ສຳ​ຫຼວດ

​ຖ່ານ​ຫີນ ແລະ ກໍ່­ສ້າງ​ໂຮງ­ງານ​ປຸງ​ແຕ່ງ​ແຮ່​ທອງ ແລະ ອີກ​ໂຄງ­ການ​ແມ່ນ​ໄດ້​ປະ­ຕິ­ບັດ​ກ່ອນ​ແລ້ວ​ຈິ່ງ​ມາ​ເຊັນ​ຕາມ​ຫຼັງ​ຄຳ

​ສັ່ງ.

 

ໂດຍ 25 ບໍ­ລິ­ສັດ​ທີ່​ມີ​ບັນ­ຫາ​ນີ້​ປະ­ກອບ​ມີ​ບໍ­ລິ­ສັດ​ທຽນ​ຈີນ​ຫົວ​ຄານ (ລາວ) ຈຳ­ກັດ, ລົງ­ທຶນ​ກວາງ​ຈຸງ​ລາວ, ໜອງຊືນ​ມາຍ​

ນິ່ງ, ເອັດ​ເຈ​ເຄ​ລາວ, ອຸດ­ສາ­ຫະ­ກຳ​ແຮ່​ທາດ​ຄົບ​ວົງ​ຈອນ, ບໍ­ລິ­ສັດ​ເຊິ່ງ ຊ່າງ​ບໍ່​ແຮ່​ອຸ­ດົມ​ໄຊ, ຢວນ​ຊີນ​ພັດ­ທະ­ນາ​ແຮ່​ທາດ,

ໄຊ​ຍະ​ສຸກ​ບໍ່​ແຮ່, ເຕີ​ຊານ​ລາວ ມານ​ນິ້ງ, ລາວ​ລີ້​ຕູ້​ມາຍ​ນິ້ງ, ແສງ​ຈັນບໍ່​ແຮ່, ຢຸນ​ນານ​ຈົງ​ເຊີນ​ມາຍ​ນິ້ງ​ລາວ, ຢູ​ໄນ​ເຕັດ​ມາຍ

​ນີ້ງ​ແອນ​ເມ​ເນ​ຣອນລາວ, ພັດ­ທະ­ນາ​ແຮ່​ຖ່ານ​ຫີນ, ວິ­ລາ​ຊານ​ແຮ່​ທາດ, ສະ​ໂຕນ​ຮິ້ວ ມາຍ​ນິ້ງ, ຊີ​ໂນ​ນາ ພັດ­ທະ­ນາ​ບໍ່​ແຮ່,

ບໍ­ລິ­ສັດ​ຫຸ້ນ​ສ່ວນ​ລາວ-ຫວຽດ​ບໍ່​ແຮ່, ສັນ­ຕິ­ພາບ​ຂຽວ​ບໍ່​ແຮ່, ທີ​ເອ​ສ​ບີ​ພີ​ເຊ​ກອງ​ພະ­ລັງ­ງານ​ໄຟ­ຟ້າ ແລະ ແຮ່​ທາດ, ບໍ­ລິ­ສັດ​

ແຮ່​ທາດ COECCO, ວີງ​ຟາດ​ບໍ່​ແຮ່, ກາ​ວີ​ໂກ​ລາວ, ບໍ­ລິ­ສັດ K.K.Lao Mining ແລະ ບໍ­ລິ­ສັດ​ແຮ່ ທາດ ແລະ ຫຼອມ​ໂລ­ຫະ​

ວຽງ​ຈັນ ຈຳ­ກັດ.

 

ສຳ­ລັບ​ຄຳ​ສັ່ງ​ເລກ​ທີ 13/ນຍ ວ່າ ດ້ວຍ​ການ​ໂຈະ​ການ​ພິ­ຈາ­ລະ­ນາ ແລະ ອະ­ນຸ­ມັດ​ໂຄງ­ການ​ລົງ­ທຶນ​ໃໝ່ ສຳ­ລັບ​ການ​ຊອກ​ຄົ້ນ

ແລະ ສຳ​ຫຼວດ​ແຮ່​ທາດ, ການ​ປູກ​ຢາງ­ພາ­ລາ ແລະ ໄມ້​ວິກ​ໃນ​ຂອບ​ເຂດ​ທົ່ວ​ປະ­ເທດ ​ແມ່ນ​ໄດ້​ຈັດ​ຕັ້ງ​ປະ­ຕິ­ບັດ​ນັບ​ແຕ່​ວັນ​

ທີ 11 ມິ­ຖຸ­ນາ 2012 ແລະ ຈະ​ມີ​ຜົນ​ບັງ­ຄັບ​ໃຊ້​ໄປ​ຈົນ​ກວ່າ​ຈະ​ມີ​ຄຳ​ສັ່ງ​ປ່ຽນ­ແປງ​ໃໝ່ ຫຼື ວັນ​ທີ 31 ທັນ­ວາ 2015 ທັງ​ນີ້ ກໍ​ເພື່ອ​

ຮັບ­ປະ­ກັນ​ການ​ພັດ­ທະ­ນາ​ທີ່​ຍືນ​ຍົງ, ນຳ​ໃຊ້​ຊັບ­ພະ­ຍາ­ກອນ​ທຳ​ມະ​ຊາດ​ຢ່າງ​ມີ​ປະ​ສິດ­ທິ​ຜົນ, ປົກ​ປັກ​ຮັກ­ສາ​ສິ່ງ­ແວ­ດລ້ອມ

​ສອດ­ຄ່ອງ​ກັບ​ທິດ​ທາງ​ຂອງ​ພັກ ແລະ ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ລັດ​ເປັນ​ແຕ່​ລະ​ໄລ­ຍະ.

 

ແຫລ່ງຂ່າວ: ເສດຖະກິດ – ສັງຄົມ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...