ລັດຖະທຳມະນູນ ຊຶ່ງແມ່ນກົດໝາຍພື້ນຖານຂອງຊາດຖືກນຳສະເໜີຕໍ່ກອງປະຊຸມສະໄໝ ສາມັນເທື່ອທີ 8 ຂອງສະພາ
ແຫ່ງຊາດຊຸດທີ VII ໃນວັນທີ 17 ທັນວາ 2014 ນີ້ ເພື່ອປັບປຸງ ແລະເພີ່ມເຕີມບາງເນື້ອໃນ, ມາດຕາໃຫ້ມີຄວາມຖືກຕ້ອງ
ຕາມຄວາມເປັນຈິງຂອງປະເທດເຮົາໃນປະຈຸ ບັນ, ສອດຄ່ອງກັບເງື່ອນໄຂການເຊື່ອມໂຍງທາງເສດຖະກິດ-ສັງຄົມເຂົ້າ
ກັບພາກພື້ນ-ສາກົນ ສາມາດໃຊ້ໄດ້ຍາວນານ ໂດຍສະເພາະແມ່ນເພື່ອຮອງຮັບຕໍ່ກອງປະຊຸມໃຫຍ່ຄັ້ງທີ X ຂອງພັກຕະ
ຫຼອດຮອດຍຸດທະສາດ ການພັດທະນາປະເທດຮອດປີ 2025.
ການນຳເອົາຮ່າງລັດຖະທຳມະນູນ ມາປັບປຸງເທື່ອນີ້ຖືເປັນຄັ້ງທີ 2 ນັບແຕ່ໄດ້ ປະກາດໃຊ້ຢ່າງເປັນທາງການໃນປີ 1991
ແລະ ເທື່ອທຳອິດແມ່ນມີຂຶ້ນເມື່ອ 10 ປີກ່ອນຄືປີ 2003.
ຕາມບົດສະເໜີການປັບປຸງລັດຖະທຳມະນູນລາຍງານໂດຍ ທ່ານ ສົມພັນ ແພງຄຳມີ ຮອງປະທານສະພາແຫ່ງຊາດຕໍ່ທີ່
ປະຊຸມໃຫ້ຮູ້ວ່າ: ຕະຫຼອດໄລຍະ 23 ປີ ແຫ່ງການຈັດຕັ້ງປະຕິບັດລັດຖະທຳມະ ນູນ ສາທາລະນະລັດ ປະຊາທິປະໄຕ ປະຊາ
ຊົນລາວ ໄດ້ຮັບການປົກປັກຮັກສາ ແລະ ສ້າງສາພັດທະນາໃຫ້ເຕີບໃຫຍ່ເຂັ້ມແຂງໃນທຸກດ້ານສະແດງອອກຄື ປະເທດ
ເຮົາແມ່ນມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ
ໂດຍພື້ນຖານ, ເສດຖະກິດ-ສັງຄົມ ມີການຂະຫຍາຍຕົວຢ່າງຕໍ່ເນື່ອງ, ການ ຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ
ດ້ວຍມະຕິຄຳສັ່ງໃນເມື່ອກ່ອນໄດ້ປ່ຽນແທນການຄຸ້ມຄອງດ້ວຍກົດໝາຍ ເປັນກ້າວໆ ຊຶ່ງລັດຖະທຳມະນູນໄດ້ເປັນພື້ນ
ຖານໃຫ້ປະເທດເຮົາສ້າງ ແລະ ປັບປຸງກົດໝາຍຈຳນວນ 107 ສະບັບ.
ແນວໃດກໍຕາມ ໄປຄຽງຄູ່ກັບຈຸດດີ ການຈັດຕັ້ງປະຕິບັດລັດຖະທຳມະນູນ ໄລຍະຜ່ານມາຍັງມີບາງຈຸດອ່ອນໃນ ພາກປະ
ຕິບັດຕົວຈິງເປັນຕົ້ນການສ້າງຕັ້ງ ແລະ ປັບປຸງກົງຈັກລັດ, ການອອກນິຕິກຳລຸ່ມກົດໝາຍລວມເຖິງສະຕິເຄົາລົບກົດ
ໝາຍ ແລະ ປະຕິບັດລັດຖະທຳມະນູນຂອງປະຊາຊົນລາວທຸກຖ້ວນໜ້າຍັງບໍ່ທັນ ເຂັ້ມງວດເທົ່າທີ່ຄວນ ດັ່ງນັ້ນ ເພື່ອເສີມ
ຂະຫຍາຍສິດເປັນເຈົ້າຂອງປະຊາຊົນເຂົ້າໃນສອງໜ້າທີ່ຍຸດ ທະສາດໃຫ້ເຂັ້ມແຂງກວ່າເກົ່າ ຈິ່ງຈຳເປັນຕ້ອງສ້າງຕັ້ງອົງ
ການສິດອຳນາດ ແລະ ຜົນປະໂຫຍດຂອງປະຊາຊົນໃຫ້ລົງເລິກເຖິງປະຊາຊົນຫຼາຍຂຶ້ນນັ້ນຄື ການສ້າງຕັ້ງສະພາທ້ອງຖິ່ນ
ຊຶ່ງຕ້ອງໄດ້ກຳນົດໄວ້ໃນລັດຖະທຳມະນູນ.
ໂດຍເທື່ອນີ້ລວມແລ້ວໄດ້ປັບປຸງ 5 ໝວດຄື ໝວດສະພາແຫ່ງຊາດ, ປະທານປະເທດ, ລັດຖະບານ, ການປົກຄອງທ້ອງ
ຖິ່ນ, ສານປະຊາຊົນ, ອົງການໄອຍະການປະຊາຊົນ ແລະ ໄດ້ເພີ່ມເຂົ້າໃໝ່ອີກ 3 ໝວດເຊັ່ນ: ສະພາທ້ອງຖິ່ນ, ການກວດ
ສອບແຫ່ງລັດ, ຄະນະກຳມະການເລືອກຕັ້ງແຫ່ງຊາດ ແລະ ໄດ້ປັບປຸງເນື້ອໃນບາງມາດຕາທີ່ເຫັນວ່າມີຄວາມຈຳເປັນ.
ເຮັດໃຫ້ລັດຖະທຳມະນູນສະບັບປັບ ປຸງໃໝ່ນີ້ມີທັງໝົດ 14 ໝວດ, 119 ມາດຕາ ເພີ່ມຂຶ້ນ 4 ໝວດ ແລະ 21 ມາດຕາ
ເມື່ອທຽບໃສ່ສະບັບປີ 2003.
ແນວໃດກໍຕາມ ການປັບປຸງ ແລະ ເພີ່ມເຂົ້າໃໝ່ຂອງລັດຖະທຳມະນູນແມ່ນໄດ້ກຳນົດເນື້ອໃນກ່ຽວກັບ ທີ່ຕັ້ງ, ພາລະບົດ
ບາດ, ສິດ ແລະ ໜ້າທີ່ຂອງແຕ່ລະອົງການໃຫ້ຈະແຈ້ງຊັດເຈນກວ່າເກົ່າ.
ທ່ານຮອງປະທານສະພາແຫ່ງຊາດ ກ່າວວ່າ: ເມື່ອລັດຖະທຳມະນູນສະບັບນີ້ ໄດ້ຮັບການພິຈາລະນາຮັບຮອງຈາກສະພາ
ແຫ່ງຊາດອົງການອຳນາດແຫ່ງ ລັດ ຈະໄດ້ຮັບການປັບປຸງ, ບູລະນະໃຫ້ມີຄວາມເຂັ້ມແຂງ, ມີປະສິດທິຜົນ; ສິດເປັນເຈົ້າ
ຂອງປະຊາຊົນໄດ້ຮັບການເສີມຂະຫຍາຍ ແລະ ຈັດຕັ້ງປະຕິບັດໃຫ້ເລິກ ເຊິ່ງສຳຄັນໄປກວ່ານັ້ນເມື່ອຈັດຕັ້ງສະພາປະຊາ
ຊົນທ້ອງຖິ່ນຂຶ້ນ ການຕິດຕາມກວດກາການເຄົາລົບ, ປະຕິບັດລັດຖະທຳມະນູນ ແລະ ກົດໝາຍຂອງສະພາແຫ່ງຊາດ
ແລະ ສະພາປະຊາຊົນທ້ອງ ຖິ່ນຕໍ່ອົງການລັດລວມທັງອົງການຈັດຕັ້ງອື່ນໆກໍຈະໄດ້ປະຕິບັດ ໃຫ້ກວ້າງຂວາງກວ່າເກົ່າ
ສາມາດປະກອບສ່ວນຢ່າງຕັ້ງໜ້າໃນການຕ້ານ ແລະ ແກ້ໄຂປາກົດການຫຍໍ້ທໍ້ໃນສັງຄົມ ໂດຍສະເພາະແມ່ນການສໍ້
ລາດບັງຫຼວງຂອງພະນັກງານທີ່ມີສິດມີອຳນາດ.
ການປັບປຸງລັດຖະທຳມະນູນໄດ້ຕິດພັນຢ່າງສະໜິດແໜ້ນກັບການກະກຽມ ບົດລາຍງານການເມືອງຕໍ່ກອງປະຊຸມໃຫຍ່
ຄັ້ງທີ X ຂອງພັກ, ວິໄສທັດຮອດປີ 2030, ຍຸດທະສາດການພັດທະນາເສດຖະກິດ-ສັງຄົມໄລຍະ 10 ປີ (2016-2025) ໃນ
ຕໍ່ໜ້ານີ້, ສະນັ້ນ ເມື່ອຖືກຮັບຮອງຈາກສະພາແຫ່ງຊາດແລ້ວຈະເປັນການກະກຽມຮອງຮັບ ເອົາການຈັດຕັ້ງຜັນຂະຫຍາຍ
ມະຕິ X ຂອງພັກເຂົ້າສູ່ຕົວຈິງໄດ້ໂລດ, ທ່ານ ສົມພັນ ແພງຄຳມີ ກ່າວ.
ກອງປະຊຸມສະພາແຫ່ງຊາດຈະໃຊ້ເວລາສອງວັນ ເພື່ອຮີບໂຮມຄຳຄິດເຫັນທີ່ຫຼາກຫຼາຍ ແລະ ເປັນປະໂຫຍດ ຈາກບັນດາ
ສະມາຊິກສະພາແຫ່ງຊາດທີ່ປະຊາຊົນເລືອກເປັນຕົວແທນຂອງ ຕົນມານັ່ງໃນສະພາເຂົ້າໃສ່ໃນຮ່າງລັດ ຖະທຳມະນູນກ່ອນ
ພິຈາລະນາລົງຄະແນນສຽງຮັບຮອງເອົາ.
ແຫລ່ງຂ່າວ: ເສດຖະກິດ – ສັງຄົມ