ເທສະການສະແຫວງບຸນ ກຸມພະເມລາ (Kumbh Mela) ຂອງຊາວຮິນດູ ເລີ່ມຕົ້ນຂຶ້ນຢ່າງເປັນທາງການແລ້ວໃນປີນີ້ ທີ່ເມືອງອາລາຮາບັດ ຂອງລັດອຸຕາລະປະເທດ ທາງຕອນເໜືອຂອງອິນເດຍ ເຊິ່ງເປັນເທສະການໜຶ່ງທີ່ມີຊື່ສຽງໄປທົ່ວໂລກວ່າເປັນງານຊຸມນຸມຜູ້ສະແຫວງບຸນຂະໜາດໃຫຍ່ທີ່ສຸດຂອງມວນມະນຸດ.
ເທສະການດັ່ງກ່າວໄດ້ຈັດຂຶ້ນເປັນເວລາທັງມົດ 45 ມື້ ໂດຍມື້ທຳອິດແມ່ນວັນຈັນທີ 13 ມັງກອນ 2025 ຜ່ານມາ, ໂດຍເປີດໃຫ້ເຮັດເປັນພິທີໃຫຍ່ເພື່ອອາບນ້ຳຊຳລະລ້າງບາບໃນແມ່ນ້ຳຄົງຄາໄດ້ ຕັ້ງແຕ່ວັນທີ 14 ມັງກອນເປັນຕົ້ນໄປ ຕະຫຼອດໄລຍະເວລາ 6 ອາທິດຂອງເທສະການ ກຸມພະເມລາມີຜູ້ນັບຖືສັດທາໃນສາດສະໜາຮິນດູ ຈະພາກັນລົງມາອາບນ້ຳໃນແມ່ນ້ຳສັກສິດ ຢູ່ບໍລິເວນທີ່ເອີ້ນວ່າ ສັງຂໍາ ເຊິ່ງເປັນຈຸດທີ່ແມ່ນ້ຳຫຼາຍສາຍນມາເຊື່ອມຕໍ່ກັນເຊັ່ນ: ແມ່ນ້ຳຄົງຄາ, ແມ່ນ້ຳຍາມຸນາ ແລະ ແມ່ນ້ຳສະຣັດສະວັດຕີ.
ຊາວຮິນດູເຊື່ອສ່າການເຮັດພິທີອາບນ້ຳສັກສິດໃນເທສະການນີ້ ຈະຊ່ວຍຫຼ້າງບາບ ມົນທິນ ແລະ ຊຳລະຈິດວິນຍານໃຫ້ບໍລິສຸດ ປົດປ່ອຍພວກເຂົາໃຫ້ຫຼຸດພົ້ນ ຈາກວົງຈອນການວຽນວ້າຍຕາຍເກີດ ອັນເປັນການບັນລຸເປົ້າໝາຍສູງສຸດຂອງສາດສະໜາຮິນດູ.
ທາງການອິນເດຍໄດ້ຄາດການວ່າ: ໃນມື້ທຳອິດຈະມີຜູ້ສັດທາລົງອາບໃນແມ່ນ້ຳຄົງຄາ ປະມານ 5-8 ລ້ານຄົນ ແຕ່ໃນມື້ທີ 2 ເຊິ່ງເປັນມື້ເລີ່ມມຕົ້ນພິທີໃຫຍ່ ຄາດວ່າໂຕເລກໜ້າຈະເພີ່ມຂຶ້ນໄປຮອດ 20 ລ້ານຄົນ ທແລະ ຄາດວ່າຈົບງານຈະມີຄົນມາຮ່ວມກວ່າ 400 ລ້ານຄົນ.
ທາງດ້ານລັດຖະບານອິນເດຍລະບຸວ່າ: ໄດ້ທຸ້ມງົບປະມານຈັດງານເທສະການນີ້ເຖິງ 70,000 ລ້ານລູປີ ແລະ ຄາດວ່າຈະໄດ້ກຳໄລຈາກຈັດງານຄັ້ງນີ້ທີ່ 250,000 ລ້ານລູປີ ສຳລັບເຂດຈັດພິທີ ແລະ ຄ້າຍພັກຜູ້ສະແຫວງບຸນ ຕັ້ງຢູ່ໃນພຶ້ນທີ່ກວ້າງໃຫຍ່ກວ່າ 4,000 ເຮັກຕາ ເຊິ່ງປະກອບໄປດ້ວຍເຕັ້ນທີ່ພັກ ແລະ ທາງການໃຊ້ເຈົສ້ານ້າທີ່ຕຳຫຼວດຫຼາຍກວ່າ 40,000 ຄົນເພື່ອຄອຍດູແລຄວາມເປັນລະບຍບຮຽບຮ້ອຍ.
ແຫຼ່ງຂ່າວ: BBC