spot_img
HomeນານາສາລະWHO ອອກມາເຕືອນ ສະຖານະການໂລກເບົາຫວານທົ່ວໂລກມີຜູ້ປ່ວຍເພີ່ມຂຶ້ນທຸກປີ

WHO ອອກມາເຕືອນ ສະຖານະການໂລກເບົາຫວານທົ່ວໂລກມີຜູ້ປ່ວຍເພີ່ມຂຶ້ນທຸກປີ

Published on

ເມື່ອບໍ່ດົນມານີ້, ອົງການອານະໄມໂລກ (World Health Organization ຫຼື WHO) ໄດ້ອອກລາຍງານສະຖານະການໂລກເບົາຫວານຈາກທົ່ວໂລກ ພົບວ່າມີອັດຕາຜູ້ປ່ວຍເພີ່ມຂຶ້ນທຸກປີ, ເຊິ່ງມີຜູ້ໃຫຍ່ (ອາຍຸ 18 ປີຂຶ້ນໄປ) ທີ່ປ່ວຍເປັນໂລກເບົາຫວານເພີ່ມຂຶ້ນເປັນ 800 ລ້ານຄົນໃນປີ 2022 ເຊິ່ງຫຼາຍກວ່າປີ 1990 ເຖິງ 4 ເທົ່າ, ອັດຕາການແຜ່ກະຈາຍຂອງໂລກເບົາຫວານໃນຜູ້ໃຫຍ່ເພີ່ມຈາກ 7% ໃນປີ 1990 ເປັນ 14% ໃນປີ 2022. ເຊິ່ງຈາກຕົວເລກທີ່ເພີ່ມຂຶ້ນນີ້ ມັນໄດ້ເຮັດໃຫ້ເຫັນເຖິງຄວາມເຫຼື່ອມລ້ຳ ໃນການຮັບການຮັກສາຂອງຜູ້ປ່ວຍ, ເພາະໃນປີ 2022 ພົບວ່າຜູ້ປ່ວຍໂລກເບົາຫວານເກືອບ 450 ລ້ານຄົນ ຫຼື 59% ຂອງຜູ້ປ່ວຍບໍ່ໄດ້ຮັບການຮັກສາ, ແລະ 90% ຂອງຜູ້ປ່ວຍທີ່ບໍ່ໄດ້ຮັບການຮັກສາ ແມ່ນອາໄສຢູ່ໃນປະເທດທີ່ມີລາຍໄດ້ຕ່ຳຫາປານກາງ(LMICs).

ໂດຍເຂດທີ່ມີອັດຕາເບົາຫວານສູງ ແມ່ນຢູ່ໃນເຂດອາຊີຕາເວັນອອກສ່ຽງໃຕ້ ແລະ ເມດິເຕີເຣເນຍຕາເວັນອອກ ແຜ່ກະຈາຍສູງຢູ່ທີ່ 20%, ການເຂົ້າເຖິງຢາຮັກສາໂລກເບົາຫວານຂອງຜູ້ປ່ວຍ ແມ່ນຖືວ່າຍັງຕ່ຳຫຼາຍ, ໂດຍມີພຽງ 4 ຈາກ 10 ຄົນ ທີ່ໄດ້ຮັບການຮັກສາ. ໂດຍປັດໄຈຫຼັກໆ ທີ່ເຮັດໃຫ້ອັດຕາການເກີດໂລກເບົາຫວານທົ່ວໂລກເພີ່ມຂຶ້ນ ກໍມາຈາກພຶດຕິກຳຂອງການໃຊ້ຊີວິດຂອງມະນຸດມີການປ່ຽນແປງ, ໂດຍສະເພາະເລື່ອງການກິນ ເຮັດໃຫ້ມີການເພີ່ມຂຶ້ນຂອງໂລກຕຸ້ຍ, ອາຫານທີ່ບໍ່ດີຕໍ່ສຸຂະພາບໄດ້ຮັບຄວາມນິຍົມສູງ, ການຂາດການອອກກຳລັງກາຍ ແລະ ຄວາມຍາກຈົນ.

ໃນຂະນະທີ່ WHO ໄດ້ອອກມາດຕະການຊ່ວຍເຫຼືອ ເຊິ່ງໄດ້ເປີດຕົວ “Global Diabetes Monitoring Framework” ເພື່ອຊ່ວຍປະເທດຕ່າງໆ ໃນການປະເມີນຜົນ, ປັບປຸງປ້ອງກັນ ແລະ ການຮັກສາໃນຂັ້ນຕອນຕ່າງໆ. ໂດຍຕັ້ງເປົ້າໝາຍປີ 2023 ໃຫ້ 80% ຂອງຜູ້ປ່ວຍເບົາຫວານທີ່ໄດ້ຮັບການບົ່ງມະຕິພະຍາດ ມີການຄວບຄຸມລະດັບນ້ຳຕານໄດ້ດີຂຶ້ນ. ນອກຈາກນີ້, ຍັງມີການສະໜັບສະໜຸນ ການປ້ອງກັນເບົາຫວານຊະນິດທີ 2 ທີ່ເກີດຈາກໂລກອ້ວນ, ການກິນອາຫານທີ່ບໍ່ເໝາະສົມ ແລະ ການຂາດກິດຈະກຳທາງກາຍ. ເຊິ່ງໃນປີ 2025 ນີ້ ຈະມີການປະຊຸມລະດັບສູງຂອງສະມັດຊາໃຫຍ່ ແຫ່ງສະຫະປະຊາຊາດ ເພື່ອຫຼຸດຜ່ານອັດຕາການແຜ່ກະຈາຍຂອງໂລກບໍ່ຕິດຕໍ່ (NCDs) ລວມເຖິງເບົາຫວານ, ຕັ້ງເປົ້າເສີມສ້າງລະບົບສຸຂະພາບທົ່ວໂລກ ແລະ ການເບິ່ງແຍງສຸຂະພາບຂັ້ນພື້ນຖານ.

ລາຍງານນີ້ຊີ້ໃຫ້ເຫັນເຖິງຄວາມຮີບດ່ວນຂອງການແກ້ໄຂປັນຫາໂລກເບົາຫວານທົ່ວໂລກ, ໂດຍສະເພາະໃນປະເທດລາຍໄດ້ຕໍ່າ-ກາງ ຫຼື LMICs ທີ່ມີອັດຕາການຮັກສາຕ່ຳທີ່ສຸດໃນໂລກ. ທັງນີ້, WHO ແລະ ພັນທະມິດຕ່າງໆ ກຳລັງພະຍາຍາມຮີບຮ້ອນດຳເນີນການເພື່ອໃຫ້ບັນລຸເປົ້າໝາຍໃນປີ 2030 ແລະ ຫຼຸດຄວາມເຫຼື່ອມລ້ຳໃນການຮັກສາໃຫ້ໄວທີ່ສຸດ.

ຂໍ້ມູນ: who

ບົດຄວາມຫຼ້າສຸດ

ພະຍາກອນອາກາດ ແຕ່ເວລາ 07 ໂມງ ຂອງວັນທີ 28/03/2025 ຫາ ເວລາ 07 ໂມງ ຂອງວັນທີ 29/03/2025

ກົມອຸຕຸແຈ້ງເຕືອນສະພາບອາກາດ 28/3/25 ພາກເໜືອຈະມີອາກາດຮ້ອນ-ຮ້ອນເອົ້າ ສ່ວນພາກກາງມີເນື້ອທີ່ຝົນປົກຫຸ້ມ 50%. ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກ ຂອງປະເທດລາວ ດ້ວຍກໍາລັງອ່ອນ ຫາປານກາງ, ສົມທົບກັບກະແສລົມ ຕາເວັນຕົກພັດປົກຄຸມ, ຊຶ່ງຈະເຮັດໃຫ້ອາກາດຍັງສືບຕໍ່ຮ້ອນ ພ້ອມມີ ໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ລະພາກ...

ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ

ເພື່ອຍົກລະດັບການຂົນສົ່ງ ຂອງ ສປປ ລາວ ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ. ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ ເພື່ອຍົກລະດັບການຂົນສົ່ງ ຂອງ ສປປ ລາວ ຮອງຮັບການນໍາເຂົ້າ - ສົ່ງອອກ, ສົ່ງອອກຕໍ່ ແລະ ຜ່ານແດນ...

ພະຍາກອນອາກາດ ປະຈໍາວັນທີ 27 ມີນາ 2025, ເວລາ 12 ໂມງ 00

ຮ້ອນຈັດອາກາດຕອນສວາຍ ພາກເໜືອມີອຸນຫະພູມສູງສຸດ 40 ອົງສາ ສ່ວນພາກໃຕ້ມີເນື້ອທີ່ຝົນປົກຫຸ້ມ 50% ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນຕົກພັດປົກຄຸມ, ຊຶ່ງຈະເຮັດໃຫ້ ອາກາດຍັງສືບຕໍ່ຮ້ອນ ພ້ອມມີຫມອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ ລະພາກ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ...

ເກົາຫຼີໃຕ້ປະເຊີນກັບໄຟປ່າຄັ້ງທີ່ຮ້າຍແຮງທີ່ສຸດ ຫຼ້າສຸດເສຍຊີວິດແລ້ວ 24 ຄົນ

ສະຖານະການໄຟປ່າທາງພາກຕາເວັນອອກສຽງໃຕ້ ລຸກລາມຢ່າງໄວວາ ຫຼ້າສຸດເສຍຊີວິດທັງໝົດ 24 ຄົນ ແລະ ບາດເຈັບອີກຫຼາຍຄົນ. ສຳນັກຂ່າວຕ່າງປະເທດລາຍງານໃນວັນທີ 27 ມີນາ 2025 ກ່ຽວກັບສະຖານະການໄຟປ່າຄັ້ງຮ້າຍແຮງທີ່ສຸດໃນພາກຕາເວັນອອກສຽງໃຕ້ຂອງເກົາຫຼີໃຕ້ ທີ່ຍັງຄົງລຸກລາມເຜົາວັດເກົ່າແກ່ ແລະ ໄໝ້ອາຄານມໍລະດົກໂລກ...