ທີມຊາດ ສປປ ເກົາຫຼີ (ເກົາຫຼີເໜືອ) ຕົກລົງທີ່ຈະໃຊ້ສະໜາມກິລາເເຫ່ງຊາດລາວ ຫຼັກ 16 ທີ່ ນະຄອນຫຼວງວຽງຈັນ ເປັນສະໜາມເຍົ້າ, ເພື່ອເປັນສະຖານທີ່ໃນການເເຂ່ງຂັນບານເຕະໂລກ 2026 ຮອບຄັດເລືອກຮອບ 3 ທີ່ຈະຈັດຂຶ້ນໃນເດືອນກັນຍາ 2024 ນີ້ເປັນຕົ້ນໄປ.

ໂດຍ ສປປ ເກົາຫລີ ແມ່ນຢູ່ຮ່ວມກຸ່ມ A ຮ່ວມກັບ ທີມຊາດ ກາຕາ, ຢູເອອີ, ອຸສເບກິດສະຖານ, ກີກີດສະຖານ ແລະ ອີຣ່ານ ແລະ ຈະລົງແຂ່ງນັດທຳອິດຢູ່ ສະໜາມກິລາຫລັກ 16 ວັນທີ 10 ກັນຍາ 2014.

ເຊິ່ງກ່ອນໜ້ານີ້ ສະໜາມກິລາແຫ່ງຊາດ ຫຼັກ 16 ຂອງ ສປປ ລາວ ກໍໄດ້ຖືກເປັນເຈົ້າພາບ ຈັດການແຂ່ງຂັນເຕະບານຊາຍຊິງແຊ້ມໂລກ ຫຼື້ ບານໂລກ 2026 ຮອບຄັດເລືອກ ຮອບທີ 2 ຂົງເຂດອາຊີ 2 ນັດ ໃນກຸ່ມ B ລະຫວ່າງ ທີມຊາດ ສປປ ເກົາຫລີ (ເກົາຫລີເໜືອ) ພົບກັບ ທີມຊາດຊີເຣຍ (ຊີຣີ) ແລະ ສປປ ເກົາຫລີ ພົບກັບ ທີມຊາດມຽນມາ.