spot_img
Homeຂ່າວພາຍ​ໃນປະສົບການຮັກສາມະເຮັງປາກມົດລູກ

ປະສົບການຮັກສາມະເຮັງປາກມົດລູກ

Published on

ຈາກການແບ່ງປັນເລື່ອງລາວຂອງຜູ້ນຳໃຊ້ເຟດບຸກທ່ານໜຶ່ງ ໄດ້ໂພສເລົ່າກ່ຽວກັບປະສົບການ ກວດພົບເຊື້ອມະເຮັງປາກມົດລູກ ແລະ ຂັ້ນຕອນ ຂະບວນການວິທີການປິ່ນປົວ ຈົນຫາຍດີເປັນປົກກະຕິ, ເຊິ່ງເນື້ອໃນໂພສໄດ້ເລົ່າວ່າ: ” ມື້ນີ້ຈະມາເລົ່າປະສົບການ ເພື່ອເປັນປະໂຫຍດແກ່ຜູ້ຍິງຫຼາຍໆຄົນ, ກຸ້ງນາງເປັນຄົນທີ່ໂຊກຮ້າຍກວດພົບເຊື້ອ(ເຊວ) ມະເຮັງປາກມົດລູກ ແຕ່ກະຍັງໂຊກດີທີ່ຂ້ອຍໄດ້ປິ່ນປົວແຕ່ເລີ່ມຕົ້ນ, ໝໍເພີ່ນເອີ້ນວ່າ: ເຊວກ່ອນເປັນມະເລັງໄລຍະທີ່ 3 ເລີຍໄດ້ຜ່າຕັດຍົກມົດລູກ.

ອາການເລີ່ມແລກຂ້ອຍເຈັບປີກມົດລູກຂ້າງຊ້າຍໜ້ອຍດຽວພໍແຕ່ຮູ້ສຶກ, ແລ້ວບາງທີກໍມີອາການເລຶອດອອກແຕ່ບໍ່ດຸ, ບໍ່ຫຼາຍ ສ່ຳເປັນປະຈຳເດືອນມື້ສຸດທ້າຍ, ແຕ່ບໍ່ໄດ້ຜິດປົກກະຕິຫຍັງຫຼາຍບໍ່ເຈັບ ບໍ່ມີຜົນຫຍັງຕໍ່ການໃຊ້ຊີວີດກະເລີຍບໍ່ຄ່ອຍສົນໃຈ, ຈົນມາຮອດມື້ໜື່ງມີອາຈານຜູ້ໜຶ່ງເພີ່ນທັກທ້ວງວ່າ: ຂ້ອຍເປັນພະຍາດກ່ຽວກັບມົດລູກເດີ້ໃຫ້ໄປປິ່ນປົວ, ຂ້ອຍກະປະເວລາມາດົນເຕີບ, ຈຶ່ງຄິດຊວດຈົນວັນທີ 11/04/2024 ໄປກວດທີ່ຄລີນິກ ເມຶອງທ່າແຂກ (ກວດພາຍໃນ) ແລ້ວໝໍກໍບອກວ່າ: ປາກມົດລູກຂ້ອຍອັບເສບແຮງ ໃຫ້ເລເຊີ້ດ່ວນ, ເພາະມັນກຽມເປັນມະເຮັງແລ້ວ ຂ້ອຍກະຕົກໃຈ, ເມືອປຶກສາກັບຜົວກັບຄອບຄົວວ່າຈະເຮັດແນວໃດ.

May be an image of water heater, hospital and text

ຂ້ອຍເລີຍຕັດສິນໃຈຂ້າມໄປໄທ 12/04/2024 ໄດ້ກວດຄັດກອງມະເຮັງກວດຄົບເລີຍ ແລ້ວກໍພົບວ່າຂ້ອຍມີຊີດໃນຮັງໄຂ່ (ຖົງນ້ຳ) ຈຶ່ງເຈັບປີກມົດລູກຂ້າງຊ້າຍ, ແລ້ວໝໍກໍນັດຖ້າຜົນກວດ 19/04/2024 ໝໍກໍສົ່ງຜົນກວດໃຫ້ວ່າ: ພົບເຊື້ອ HPV ສາຍພັນ16 ເປັນເຊື້ອໄວຣັດທີ່ເຮັດໃຫ້ເກີດເປັນມະເຮັງປາກມົດລູກ ໝໍກໍເລີຍນັດຂ້ອຍມາສ່ອງກ້ອງຕັດຊີ້ນເນື້ອໄປກວດເພີ່ມ. 16/05/2024 ຂ້ອຍກໍໄດ້ເຂົ້າຕັດຊີ້ນເນື້ອ ກະບໍ່ເຈັບປານໃດ ຕັດແລ້ວກັບບ້ານໄດ້ເລີຍ, ແລ້ວໝໍກໍໃຫ້ຖ້າຜົນກວດແລ້ວ 23/05/2024 ຜົນກວດກະອອກ ພົບວ່າປີກມົດລູກໄດ້ມີຄວາມຜິດປົກກະຕິ ກຽມເປັນມະເຮັງໄລຍະທີ່ 3, ໝໍບອກວ່າ ຕ້ອງໄດ້ສົ່ງໄປຕັດປາກມົດລູກຢູ່ສູນມະເຮັງທີ່ອຸດອນ. 24/05/2024 ຂ້ອຍກໍໄດ້ໄປປຶກສາຫາແນວທາງປິ່ນປົວ.

May be an image of ticket stub and text

30/05/2024 ໝໍກໍນັດເຂົ້າໄປເອົາໃບນຳສົ່ງ ແລະ ປຶກສາການປິ່ນປົວມີ 2 ທາງເລຶອກຄື: ຕັດແຕ່ປາກມົດລູກບໍລິເວນທີ່ເປັນ ແລະ ບໍ່ສາມາດຈະບອກໄດ້ວ່າຕັດແລ້ວຈະເຊົາເລີຍບໍ, ຖ້າບໍ່ເຊົາກໍຈະໄດ້ເຂົ້າຕັດແບບນັ້ນຈົນເຊົາ, ອີກວິທີ 1 ຄື: ຍົກມົດລູກ ແຕ່ໝໍບໍ່ຄ່ອຍແນະນຳທາງນີ້ປານໃດ ເພາະວ່າອາຍຸຍັງນ້ອຍຢ້ານຢາກໄດ້ລູກອີກ ແລະ ກໍມີຜົນເສຍຫຼາຍໆດ້ານ, ແຕ່ຂ້ອຍກວດຄືນອີກຄືເຊວມັນກຳລັງແຜ່ ເລີຍຕ້ອງໄດ້ເລືອກການຍົກມົດລູກ, ແລ້ວໝໍນັດວັນຜ່າໃຫ້ເລີຍ.

May be an image of 2 people, hospital and text

03/06/2024 ເຂົ້າ admit ງົດນ້ຳງົດອາຫານ, 04/06/2024 13:00 ເຂົ້າຫ້ອງຜ່າຕັດ, 16:45 ອອກຈາກຫ້ອງຜ່າ ສຳເລັດໄປດ້ວຍດີ, ກັບມານອນພັກຟື້ນ ໝໍເຂົ້າມາຕິດຕາມອາການທຸກໆ 2ຊົ່ວໂມງ, 07/06/2024 ໝໍອະນຸຍາດກັບບ້ານໄດ້,14/06/2024 ໝໍນັດກວດແຜ ແລະ ຟັງຜົນກວດ. ສະຫຼຸບເຊວມະເຮັງໄດ້ໝົດແລ້ວ ຂ້ອຍດີໃຈສຸດຂີດ, ສິ່ງທີ່ຢ້ານທີ່ສຸດກະຢ້ານມັນລາມໄປສ່ວນອື່ນຈະໄດ້ສາຍແສງໃຊ້ເຄມີບຳບັດແຕ່ຂ້ອຍຮັກສາໄວເລີຍບໍ່ຮອດຂັ້ນນັ້ນ.

May be an image of 1 person and hospital

ໝໍກໍຈະນັດອີກໄປກວດຕິດຕາມອາທິດລະເທື່ອ, 2 ອາທິດເທື່ອແລະ ໄດ້ກວດມະເຮັງທຸກໆ 6 ເດືອນ ຫຼື 1 ປີ,ສຸດທ້າຍນີ້ຢາກບອກວ່າ:
ຕອນທີ່ມີໂອກາດໃຫ້ໄປກວດ ຢ່າອາຍ ຂ້ອຍເຂົ້າໃຈວ່າສ່ວນຫຼາຍຜູ້ຍິງລາວເຮົາບໍ່ຄ່ອຍມີໃຜຢາກກວດພາຍໃນເພາະວ່າອາຍ (ຂ້ອຍກໍບໍ່ເຄີຍກວດຈັກເທື່ອຈົນໄດ້ລູກ 2 ຄົນແລ້ວ ຫາກໍກວດເທື່ອທຳອິດກໍເຈິເລີຍ), ເປີດໃຈເພື່ອສຸຂະພາບຂອງເຮົາເອງ, ຮູ້ໄວປິ່ນປົວໄວ ການຮັກສາມີຫຼາຍທາງເລຶອກ ເອົາລົງໄວ້ເພື່ອມັນຈະເປັນປະໂຫຍດໃຫ້ຫຼາຍໆຄົນ.

May be an image of 1 person, hospital and text

ສຸດທ້າຍນີ້, ການເບິ່ງແຍງ ແລະ ໃສ່ໃຈສຸຂະພາບເປັນສິ່ງສຳຄັນເດີ້ທຸກຄົນ, ເຮົາຈະຕ້ອງໝັ່ນສັງເກດຮ່າງກາຍ ວ່າມີຄວາມຜິດປົກກະຕິອັນໃດບໍ? ເພາະຈະໄດ້ທຳການຮັກສາໄດ້ຢ່າງທັນການ.

ຂອບໃຈຂໍ້ມູນ: Soudalath Phoummasak

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...