Homeຂ່າວພາຍ​ໃນພວມເລັ່ງແກ້ໄຂ ບັນຫາຫລາຍການລະເມີດລະບຽບການ ແລະ ກົດໝາຍ ຂອງກິດຈະການຂຸດຄົ້ນແຮ່ທາດ

ພວມເລັ່ງແກ້ໄຂ ບັນຫາຫລາຍການລະເມີດລະບຽບການ ແລະ ກົດໝາຍ ຂອງກິດຈະການຂຸດຄົ້ນແຮ່ທາດ

Published on

ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ໃນວັນທີ 13 ມິຖຸນາ 2024 ຜ່ານມາ, ທ່ານ ໂພໄຊ ໄຊຍະສອນ ລັດຖະມົນຕີກະຊວງພະລັງງານ ແລະ ບໍ່ແຮ່ (ພບ) ໄດ້ຊີ້ແຈງ ແລະ ຕອບຄໍາຊັກຖາມຂອງສະມາຊິກສະພາແຫ່ງຊາດ ຕໍ່ບັນຫາການດໍາເນີນກິດຈະການໃນເຂດຍອດນໍ້າ, ຕາມສາຍນໍ້າ ທີ່ພາໃຫ້ມີບັນຫານໍ້າຂຸນ ໂດຍທ່ານໄດ້ຊີ້ແຈງວ່າ: ບັນຫານີ້, ແມ່ນພົວພັນກັບການບໍ່ປະຕິບັດຕາມຂັ້ນຕອນຂອງລະບຽບການ ແລະ ກົດໝາຍ, ຂໍ້ຈໍາກັດໃນການເຂົ້າເຖິງເຂດທີ່ຢູ່ໃນເຂດຫ່າງໄກເຂົ້າເຖິງໄດ້ຍາກ ເພື່ອຕິດຕາມການຈັດຕັ້ງປະຕິບັດເຕັກນິກ, ວຽກລື່ນຄົນ, ການສວຍໃຊ້ ການອະນຸຍາດຄົນອື່ນມາຂຸດຄົ້ນ ແລະ ອື່ນໆ.

ແຕ່ເຖິງຢ່າງໃດກໍດີ, ວຽກນີ້ ກໍບໍ່ໄດ້ປະປ່ອຍ ຫລື ເມີນເສີຍໄດ້, ທັນທີທີ່ກະຊວງພະລັງງານ ແລະ ບໍ່ແຮ່ ໄດ້ຮັບຂໍ້ມູນ ກໍໄດ້ເອົາໃຈໃສ່ລົງຕິດຕາມ ເຄື່ອນໄຫວລົງສູ່ຈຸດບັນຫາໃຫ້ໄວເທົ່າທີ່ຈະໄວໄດ້. ໃນຊຸມປີຜ່ານມາ, ສາຍດ່ວນກະຊວງພະລັງງານ ແລະ ບໍ່ແຮ່ 1506 ກໍໄດ້ມີອັດຕາການນໍາໃຊ້ບໍລິການທີ່ສູງຂຶ້ນ ເຮັດໃຫ້ພະນັກງານກົມກວດກາຂອງກະຊວງ ມີວຽກງານທີ່ພົວພັນເພີ່ມຂຶ້ນຈໍານວນຫລາຍ. ແນ່ນອນວ່າຂະແໜງການ ພບ ກໍເອົາໃຈໃສ່ຢາກແກ້ໄຂບັນຫາໃຫ້ໄວ ເຊິ່ງກໍຕ້ອງການການຊ່ວຍເຫລືອ ຈາກຫລາຍພາກສ່ວນ ແລະ ການລາຍງານສົ່ງຂ່າວສະພາບຜົນກະທົບຕ່າງໆ. ເຊື່ອໝັ້ນວ່າການປັບປຸງແຜນການແບ່ງຄວາມຮັບຜິດຊອບ, ສ້າງໜ້າວຽກທີ່ຊັດເຈນພາຍໃນຂະແໜງການລະຫວ່າງສູນກາງ ແລະ ທ້ອງຖິ່ນທັງເປັນການສ້າງຄວາມເຂັ້ມແຂງ ໃນວຽກງານຄໍາຮ້ອງ-ຄໍາສະເໜີ ໃຫ້ແກ່ຂະແໜງການທ້ອງຖິ່ນ ຈະເປັນຕົວຊ່ວຍສໍາຄັນໃນການປ້ອງກັນບັນຫາ.

ສຳລັບ, ບັນຫາການຮັບປະກັນໃຫ້ຊຸມຊົນໄດ້ຮັບປະໂຫຍດ ແລະ ໃຫ້ໄດ້ມີສ່ວນຮ່ວມນັ້ນ ພວກເຮົາມີດໍາລັດກ່ຽວກັບທຶນພັດທະນາຊຸມຊົນໄດ້ຖືກຮັບຮອງໂດຍລັດຖະບານ ໃນເດືອນສິງຫາ ປີຜ່ານມາ ເຊິ່ງໄດ້ກໍານົດຫລັກການ ແລະ ກົນໄກໃນການນໍາໃຊ້ພັນທະທຶນພັດທະນາຊຸມຊົນຂອງໂຄງການ ແລະ ການມີສ່ວນຮ່ວມຂອງພາກລັດ ແລະ ພາກປະຊາຊົນໃນການຕິດຕາມ ແລະ ລາຍງານຜົນຂອງການນໍາໃຊ້ ແລະ ຈັດຕັ້ງປະຕິບັດແຜນພັດທະນາຊຸມຊົນທີ່ຕິດພັນກັບໂຄງການແຮ່ທາດ, ກະຊວງ ພບ ຍັງຈະໄດ້ລົງເລິກຕິດຕາມ; ການທົບທວນແນວຄິດ ແລະ ວິທີການ ເພື່ອກໍານົດເປັນເງື່ອນໄຂ ການອະນຸຍາດລົງທຶນໃນກິດຈະການແຮ່ທາດ ທີ່ພົວພັນກັບໜ້າທີ່ຂອງໂຄງການ ເປັນຫລັກໃນການພັດທະນາເຂດຊຸມຊົນ, ເຂດຈຸດສຸມ, ເຂດທຸກຍາກນັ້ນ ເປັນວຽກທີ່ຕ້ອງໄດ້ຮ່ວມກັນປຶກສາຫາລືຢ່າງລະອຽດ ແລະ ມີການຕີລາຄາເພາະເຫັນວ່າພົວພັນເຖິງຫລັກການ ແລະ ວິທີການລົງທຶນ ເຊິ່ງຍັງພົວພັນກັບການພິຈາລະນາຮັບຮອງບົດສຶກສາຄວາມເປັນໄປໄດ້ ທາງດ້ານເສດຖະກິດຂອງໂຄງການ.

ແຫຼ່ງຂ່າວ: ປະເທດລາວ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...