ໂປະແຕກ! ນ້ຳຕົກທີ່ສູງທີ່ສຸດໃນອາຊີ ໃຊ້ທໍ່ຕໍ່ເພື່ອປ່ອຍນ້ຳປະປາ

0
622

ສຳນັກຂ່າວຕ່າງປະເທດລາຍງານໃນວັນທີ 6 ມິຖຸນາ 2024 ກ່ຽວກັບປະເດັນຮ້ອນທີ່ເກີດຂຶ້ນຫຼັງຈາກມີນັກທ່ອງທ່ຽວໄດ້ປີນຂຶ້ນໄປເທິງນໍ້າຕົກຫຍຸນໄຖຊານ ເຊິ່ງເປັນນໍ້າຕົກຊື່ດັງໃນອຸດທະຍານແຫ່ງຊາດຂອງຈີນ ແລ້ວພົບວ່າມີການໃຊ້ທໍ່ເພື່ອປ່ອຍນ້ຳປະປາ ຂະນະທີ່ຜູ້ຈັດການອຸດທະຍານຍອມຮັບ ປັບປຸງປະລິມານນ້ຳຕົກເລັກນ້ອຍໃນຊ່ວງລະດູແລ້ງ.

ນ້ຳຕົກຫຍຸນໄຖ ເປັນນ້ຳຕົກຊື່ດັ່ງໃນມົນທົນເຫີໜານ ທາງພາກກາງຂອງປະເທດຈີນ ໄດ້ກາຍເປັນກະແສວິພາກວິຈານຈາກສັງຄົມຫຼັງຈາກມີຄລິບທີ່ໄດ້ຮັບຄວາມນິຍົມ ແລະ ໄດ້ແຊຣອອກໄປຢ່າງຫຼວງຫຼາຍນັບຕັ້ງແຕ່ວັນຈັນທີ 3 ມິຖຸນາ 2024 ຜ່ານມາ, ເນື່ອງຈາກມີນັກທ່ອງທ່ຍວໄດ້ບັນທຶກພາບ ແລະ ເຜີຍໃຫ້ເຫັນວ່າ: ນ້ຳຕົກຫຍຸນໄຖຊານ ທີ່ທາງກະຊງວັດທະນະທຳ ແລະ ການທ່ອງທ່ຽວຂອງຈີນຈັດໃຫ້ເປັນອຸດທະຍານແຫ່ງຊາດລະດັບເກດ AAAAA ປາກົດວ່າມີນ້ຳໄຫຼອອກມາຈາກທໍ່ສົ່ງນ້ຳ ທີ່ບໍ່ແມ່ນມາຈາກແຫຼ່ງທຳມະຊາດ.

ທາງດ້ານຜູ້ຈັດການອຸດທະຍານແຫ່ງຊາດຫຍຸນໄຖ ໄດ້ອອກມາສະແດງຄວາມຄິດເຫັນໂດຍລະບຸວ່າ: ການປ່ຽນແປງທີ່ເກີດຂຶ້ນໃນຊ່ວງລະດູແລ້ງ ເຮັດໃຫ້ມີຄວາມຈຳເປັນຕ້ອງເສີມປະລິມານນ້ຳ ເຊິ່ງນ້ຳຕົກບໍ່ສາມາດຮັບປະກັນຕໍ່ນັກທ່ອງທ່ຽວໄດ້ວ່າຈະສວຍງາມທີ່ສຸດໃນທຸກລະດູ ເຊິ່ງເຈົ້າໜ້າທີ່ອຸດທະຍານແຫ່ງຊາດນ້ຳຕົກຫຍຸນໄຖຍອມຮັບວ່າມີການປັບປຸງເລັກນ້ອຍໃນຊ່ວງໜ້າແລ້ງ.

ແຫຼ່ງຂ່າວ: CNN