ອີງຕາມການແບ່ງປັນຈາກຜູ້ໃຊ້ບັນຊີເຟສບຸກຊື່ວ່າ: ToYui Thammavong ໄດ້ໂພສລາຍງານໃນເວລາ 9:00 ໂມງຂອງວັນທີ 21 ພຶດສະພາ 2024 ກ່ຽວກັບອຸບັດຕິເຫດທີ່ຕົນເອງ ແລະ ລູກສາວພົບ ພ້ອມຂໍ້ຄວາມລະບຸວ່າ: ເປັນຈັ່ງບຸນດີແຕ່ຄໍບໍ່ຂາດ ເຕືອນໃຜສຳລັບຄົນໃດທີ່ຂີ່ລົດຈັກຍາມກາງຄືນໃຫ້ລະມັດລະວັງນຳກັນໂດຍສະເພາະຊ່ວງນີ້ ບໍ່ຮູ້ວ່າສາຍໄຟ ຫຼື ສາຍເຄເບີ້ນຂາດຕົກມາໃສ່ຢູ່ແຄມທາງຂ້ອຍ ແລະ ລູກສາວອອກມາຈາກຮ່ອມທາງ 3 ແຍກບ້ານວຽງສະຫວັນ ຊ່ວງ 7-8 ໂມງແລງກຳລັງສະລໍເບິ່ງລົດບໍ່ຮູ້ວ່າສາຍໄຟມາແຕ່ໃສຮັດຄໍບັງເອີນລູກສາວເຫັນລະຫລົບທັນໂຕເອງບໍ່ທັນໄດ້ຫລົບດີແຕ່ຍັງບໍ່ທັນເລັ່ງອອກໄປທາງກະມືດແນ່ຄິດສະພາບຖ້າລູກສາວບໍ່ເຫັນລົບບໍ່ທັນລະຂ້ອຍບໍ່ເຫັນລະເລັ່ງລົດອອກໄປຄິດພາບບໍ່ອອກເລີຍຄໍລູກສິເປັນແນວໃດ? ສາຍໄຟພັດມີແຕ່ເສັ້ນລວດຍາວເກືອບ 2 ເເມັດຢາງດຳຫຸ້ມ ແລະ ອີກຢ່າງຖ້າສາຍໄຟນັ້ນມີໄຟຂ້ອຍກັບລູກສາວຄືສິຖືກຊ໋ອດໄປນຳສາຍໄຟ

ຝາກເຕືອນເປັນອຸທາຫອນໃຫ້ທຸກຄົນຂັບຂີ່ດ້ວຍຄວາມລະມັດລະວັງ ແລະ ຝາກເຖິງໜ່ວຍງານທີ່ກ່ຽວຂ້ອງລົງກວດສອບ ແລະ ແກ້ໄຂເພາະອຸບັດຕິເຫດໃນລັກສະນະແບບນີ້ເກີດຂຶ້ນຫຼາຍເຮັດໃຫ້ປະຊາຊົນໄດ້ຮັບບາດເຈັບ ຫຼື ໂຊກຮ້າຍກໍເຖິງຂັ້ນເສຍຊີວິດກໍເປັນໄດ້.