spot_img
Homeຂ່າວພາຍ​ໃນແຂວງຫຼວງພະບາງ ລົງສະກັດກັັ້ນ ແລະ ກໍານົດມາດຕະການປ້ອງກັນ ພາຍຫຼັງເກີດການເຄມີຮົ່ວໄຫຼ

ແຂວງຫຼວງພະບາງ ລົງສະກັດກັັ້ນ ແລະ ກໍານົດມາດຕະການປ້ອງກັນ ພາຍຫຼັງເກີດການເຄມີຮົ່ວໄຫຼ

Published on

ພາຍຫຼັງເກີດເຫດການເຄມີຮົ່ວໄຫຼ (Acid Sulfuric 98%) ໃນວັນທີ 03 ເມສາ 2024 ທີ່ບ້ານພູຊ້າງຄໍາ, ນະຄອນຫຼວງພະບາງ, ແຂວງຫຼວງພະບາງ. ຄະນະພັກ-ຄະນະນໍາກະຊວງອຸດສາຫະກໍາ ແລະ ການຄ້າ ໄດ້ຊີ້ນໍາກົມອຸດສາຫະກຳ ໃນນາມອົງການຄຸ້ມຄອງວຽກງານເຄມີ ແຕ່ງຕັ້ງພະນັກງານເພື່ອເຂົ້າຮ່ວມແກ້ໄຂເຄມີຮົ່ວໄຫຼ ໂດຍທາງຄະນະວິຊາການໄດ້ສົມທົບກັບ ພະແນກອຸດສາຫະກໍາ ແລະ ການຄ້າ, ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ, ປກສ (ຕໍາຫຼວດສິ່ງແວດລ້ອມ), ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ນະຄອນຫຼວງພະບາງ, ແຂວງຫຼວງພະບາງ ໄດ້ລົງໄປສະກັດກັັ້ນ ແລະ ກໍານົດມາດຕະການປ້ອງກັນການຮົ່ວໄຫຼເຄມີ ຢ່າງໄວວາ ດັ່ງນີ້:

1) ແຈ້ງໃຫ້ປະຊາຊົນບໍ່ໃຫ້ເຂົ້າໃກ້ຈຸດເກີດເຫດ ເພື່ອບໍ່ໃຫ້ສູບດົມອາຍຂອງທາດເຄມີດັ່ງກ່າວ.
2) ໃນໄລຍະທີ່ອາຊິດຮົ່ວໄຫຼ ເຈົ້າໜ້າທີ່ດັບເພີງໄດ້ນຳໃຊ້ລົດສີດນໍ້າ ຈໍານວນ 01 ຄັນ, ເພື່ອລ້າງ, ເຈືອຈາງອາຊິດໃຫ້ຄວາມເຂັ້ມຂຸ້ນຫຼຸດລົງ.
3) ສ້າງຄູກັ້ນນ້ຳ 3 ຈຸດທີ່ຫ້ວຍສ້ຽວ ເພື່ອບໍ່ໃຫ້ນ້ຳອາຊິດໄຫຼລົງສູ່ແມ່ນ້ຳຄານ ແລະ ບໍາບັດຄ່າຄວາມເປັນກົດ-ດັ່ງຂອງນໍ້າທີ່ມີອາຊິດປົນເປຶ້ອນ.
4) ຫຼັງຈາກການສ້າງຄູກັ້ນນ້ຳແລ້ວ ໄດ້ເອົາປູນຂາວມາໂຮຍໃສ່ບໍລິເວນທີ່ມີອາຊິດປົນເປຶ້ອນ ໂດຍໃຫ້ເໝາະສົມກັບປະລິມານຂອງນໍ້າ ເພື່ອເຈືອຈາງໃຫ້ຄ່າຄວາມເປັນກົດ-ດັ່ງຢູ່ໃນຄ່າມາດຕະຖານ ແລະ ໄດ້ເອົາລົດສະແຕັກມາດູດເອົານໍ້າຈາກຈຸດດັ່ງກ່າວອອກໄປຖີ້ມສະຖານທີ່ຖີ້ມຂີ້ເຫຍື້ອຂອງແຂວງ ຫຼວງພະບາງ (ຫຼັກ 8) ໂດຍໄດ້ແນະນໍາວິທີການການກໍາກັດທີ່ຖືກຕ້ອງຕາມເຕັກນິກວິຊາການ. ເພື່ອປ້ອງກັນບໍ່ໃຫ້ນໍ້າໄຫຼ ຫຼື ລົ້ນໃສ່ນໍ້າຄານ ໂດຍກົງ.

5) ໄດ້ໂຮຍປູນຂາວໃສ່ບໍລິເວນແຄມຫ້ວຍທີ່ອາຊິດປົນເປື້ອນ ແລະ ໄດ້ອະນາໄມສອງຟາກຂອງຫ້ວຍດ້ວຍການນໍາໃຊ້ລົດຈົກດິນ (ບ່ອນທີ່ລົດເຂົ້າໄດ້) ແລະ ນໍາໃຊ້ແຮງງານຂອງ ປກຊ ຈໍານວນ 30 ນາຍ ຕັກເອົາດິນທີ່ປົນເປຶ້ອນດັ່ງກ່າວ ໃສ່ກະສອບ ແລະ ຖົງຢາງມັດແໜ້ນ ຈາກນັ້ນນຳໄປຖິ້ມສະຖານທີ່ຖີ້ມຂີ້ເຫຍື້ອຂອງແຂວງຫຼວງພະບາງ (ຫຼັກ 8) ໂດຍໄດ້ແນະນໍາວິທີການການກໍາກັດທີ່ຖືກຕ້ອງຕາມເຕັກນິກວິຊາການ.

6) ນັບຕັ້ງແຕ່ ວັນທີ 04 -08 ເມສາ 2023 ຄະນະກຳມະການໄດ້ກວດກາ, ວັດແທກຄຸນນະພາບນໍ້າໃນແຕ່ລະວັນ ເພື່ອຕິດຕາມການປ່ຽນແປງຂອງນໍ້າ ໂດຍໄດ້ນໍາໃຊ້ເຄື່ອງມືວັດແທກຄຸນນະພາບນໍ້າທີ່ໄດ້ມາດຕະຖານສາກົນ ຍີ່ຫໍ້ HANNA ລຸ້ນ HI98194 ຊຶ່ງໄດ້ລົງຕິດຕາມວັດແທກຄຸນນະພາບນໍ້າຄານ ຈໍານວນ 10 ຈຸດ ( ຈາກຈຸດປາກຫ້ວຍ ຫາ ປາກນໍ້າຄານ ເປັນໄລຍະທາງ 06 Km) ຊຶ່ງຄ່າສະເລ່ຍຄວາມເປັນກົດ-ດັ່ງ ຊຶ່ງຄ່າສະເລ່ຍຄວາມເປັນກົດ-ດັ່ງ ຢູ່ໃນລະດັບ pH= 7,7 ແລະ ລົງຕິດຕາມວັດແທກຄຸນນະພາບນໍ້າຂອງ ຈໍານວນ 08 ຈຸດ (ຈາກປາກນໍ້າຄານຕົກໃສ່ນໍ້າຂອງລົງໄປ 06 Km) ຊຶ່ງຄ່າສະເລ່ຍຄວາມເປັນກົດ-ດັ່ງ ຢູ່ໃນລະດັບ pH= 8.18; ສໍາລັບນໍ້າທີ່ກັກໄວ້ 3 ຈຸດທີ່ຫ້ວຍສ້ຽວ ເພື່ອບໍາບັດຄ່າຄວາມເປັນກົດ-ດັ່ງ ມີຄ່າສະເລ່ຍ pH= 6,55. ປະຈຸບັນຖືວ່າຄຸນນະພາບນໍ້າແມ່ນຢູ່ໃນປົກກະຕິດີ.

ສະນັ້ນ ກົມອຸດສາຫະກໍາ, ກະຊວງອຸດສາຫະກໍາ ແລະ ການຄ້າ ຈິ່ງໄດ້ມອບໃຫ້ພະແນກອຸດສາຫະກໍາ ແລະ ການຄ້າ ແຂວງຫຼວງພະບາງ ສົມທົບກັບ ພະແນກການທີ່ກ່ຽວຂ້ອງຂອງແຂວງສືບຕໍ່ຕິດຕາມຄຸນນະພາບນໍ້າເປັນແຕ່ລະໄລຍະຕື່ມ.

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...