ຫຼາຍຄົນອາດບໍ່ຮູ້ວ່າຕົນເອງມີອາການສ່ຽງທີ່ຈະເປັນພະຍາດຊຶມເສົ້າຫຼືບໍ? ເພາະພະຍາດນີ້ບາງຄົນກໍເປັນໂດຍທີ່ບໍ່ຮູ້ຕົວ, ເຊິ່ງຈະຮູ້ໄດ້ແນວໃດວ່າເຮົາສ່ຽງເປັນພະຍາດຊຶມເສົ້າຫຼືບໍ? ມື້ນີ້ລາວໂພສໄດ້ເອົາວິທີສັງເກດມາບອກໃຫ້ທຸກຄົນຮູ້ໄປນຳກັນ.
1. ອາລົມປ່ຽນແປງໄປ: ຈະຮູ້ສຶກວ່າມີອາລົມທີ່ໂສກເສົ້າ, ຫົດຫູ່, ສະເທືອນໃຈງ່າຍ, ເສຍນໍ້າຕາກັບເລື່ອງເລັກໆນ້ອຍໆ ແລະ ຮູ້ສຶກເບື່ອໜ່າຍກັບສິ່ງທີ່ເຄີຍຮູ້ສຶກດີໃນເມື່ອກ່ອນ.
2. ຄວາມຄິດປ່ຽນໄປ: ຮູ້ສຶກວ່າຕົວເອງເຮັດສິ່ງໃດກໍຜິດພາດໄປໝົດ, ບໍ່ມີກຳລັງໃຈທີ່ຈະສູ້, ຮູ້ສຶກທໍ້ແທ້ສິ້ນຫວັງຕໍ່ກັບບັນຫາໃນຊີວິດ ແລະ ລັງເລຕັດສິນໃຈເອງບໍ່ໄດ້.
3. ສະມາທິສັ້ນ ແລະ ຄວາມຈື່ຈໍາບໍ່ດີ: ມີອາການມັກລືມ, ຈິດໃຈລອຍ, ບໍ່ສາມາດຈົດຈໍ່ກັບສິ່ງທີ່ກຳລັງເຮັດຢູ່ ແລະ ຄວາມສາມາດໃນການເຮັດວຽກຫຼຸດລົງ.
4. ຄວາມສຳພັນກັບຄົນອ້ອມຂ້າງປ່ຽນໄປ: ຄົນທີ່ເປັນພະຍາດຊຶມເສົ້າຈະບໍ່ສົດໃສລ່າເລີງ, ບໍ່ໂອ້ລົມກັບໃຜ ແລະ ເກັບຕົວບໍ່ສຸງສິງກັບໃຜ.
5. ອາການໂລກຈິດ: ມັກພົບໃນຜູ້ທີ່ເປັນເຖິງຂັ້ນຮຸນແຮງເຊັ່ນ: ມີອາການປະສາດຫຼອນ, ຄິດວ່າຈະມີຄົນມາທຳຮ້າຍ ຫຼື ມີອາການຫູແວ່ວ.
ເຖິງຢ່າງໃດກໍຕາມ, ຫຼັງຈາກທີ່ອ່ານໄປແລ້ວກໍຝາກໃຫ້ທຸກຄົນສັງເກດເບິ່ງຕົນເອງວ່າມີອາການຈັກຂໍ້, ຫາກວ່າຮູ້ສຶກວ່າຕົນເອງ ຫຼື ຄົນອ້ອມຂ້າງທ້ວງວ່າປ່ຽນໄປ ໃຫ້ໄປພົບແພດເພື່ອຮີບຮັກສາໃຫ້ທ່ວງທັນເວລາ.
ຂໍ້ມູນຈາກ: Thaihealth