spot_img
Homeຂ່າວພາຍ​ໃນແຈ້ງການ ກ່ຽວກັບການເຄື່ອນໄຫວສະແດງເຊີດສິງໂຕ ໃນຊ່ວງບຸນປີໃຫມ່ຂອງພີ່ນ້ອງຊາວຫວຽດນາມ ແລະ ຈີນ

ແຈ້ງການ ກ່ຽວກັບການເຄື່ອນໄຫວສະແດງເຊີດສິງໂຕ ໃນຊ່ວງບຸນປີໃຫມ່ຂອງພີ່ນ້ອງຊາວຫວຽດນາມ ແລະ ຈີນ

Published on

ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ອອກແຈ້ງການ ກ່ຽວກັບການເຄື່ອນໄຫວສະແດງເຊີດສິງໂຕ ໃນຊ່ວງບຸນປີໃຫມ່ຂອງພີ່ນ້ອງຊາວຫວຽດນາມ ແລະ ຈີນ ທີ່ນະຄອນຫຼວງວຽງຈັນ.

ອີງຕາມ ກົດຫມາຍວ່າດ້ວຍສິລະປະການສະແດງ ສະບັບເລກທີ 16/ສພຊ, ລົງວັນທີ 04 ພຶດສະພາ ປີ 2017. ອີງຕາມ ຫນັງສືທາງລັດຖະການ ຂອງຫ້ອງວ່າການ ນະຄອນຫຼວງວຽງຈັນ ສະບັບເລກທີ 61/ຫວນວ, ລົງວັນທີ 12 ມັງກອນ 2023.
ອີງຕາມ ບົດບັນທຶກກອງປະຊຸມ ປຶກສາຫາລື ການຈັດກິດຈະກໍາການສະແດງ ເຊີດສິງໂຕ ໃນຊ່ວງບຸນປີໃຫມ່ ຂອງພີ່ນ້ອງຊາວຫວຽດນາມ ແລະ ຈີນ ທີ່ນະຄອນຫຼວງວຽງຈັນ ສະບັບລົງວັນທີ 8 ມັງກອນ 2024.

ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນ ຂໍຖືເປັນກຽດແຈ້ງມາຍັງ ຄະນະສິລະ ປະ, ບໍລິສັດ, ບຸກຄົນ ແລະ ນິຕິບຸກຄົນ ທີ່ເຄື່ອນໄຫວສະແດງເຊີດສິງໂຕ ຢູ່ນະຄອນຫຼວງວຽງຈັນ ໃນຊ່ວງບຸນປີໃຫມ່ຂອງ ພີ່ນ້ອງຊາວຫວຽດນາມ ແລະ ຈີນ ເພື່ອເປັນການຮັກສາຄວາມເປັນລະບຽບຮຽບຮ້ອຍ, ຮັກສາໄດ້ຮີດຄອງປະເພນີ ແລະ ວັດທະນະທໍາ, ແກ້ໄຂບັນຫາຫາງສຽງສັງຄົມ ແລະ ປະກົດການຫຍໍ້ທໍ້ຕ່າງໆ ທີ່ເກີດຂື້ນໃນນະຄອນຫຼວງວຽງຈັນ ຖ້າຫາກມີ ຄວາມຕ້ອງການໃນການເຄື່ອນໄຫວຈັດງານສະແດງ ເຊີດສິງໂຕ ເພື່ອອວຍພອນ ພີ່ນ້ອງຊາວຫວຽດນາມ ແລະ ຈີນ ໃນງານ ບຸນປີໃຫມ່ 2024 ນີ້ ແມ່ນໃຫ້ນໍາລາຍການເຄື່ອນໄຫວສະແດງໄປຜ່ານທາງ ສະມາຄົມ ຫວຽດນາມ ຫຼື ສະມາຄົມ ຈີນ ເພື່ອ ຢັ້ງຢືນຄວາມຖືກຕ້ອງທາງດ້ານຮີດຄອງປະເພນີ ໃນການເຄື່ອນໄຫວ ເຊີດສິງໂຕ ແລ້ວຈຶ່ງນໍາລາຍການສະແດງ ມາຜ່ານພະ ແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຖ້າໄດ້ຮັບອະນຸຍາດຈຶ່ງສາມາດເຄື່ອນໄຫວສະແດງໄດ້ ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດຕາມຫນັງສືແຈ້ງການສະບັບນີ້ຢ່າງເຂັ້ມງວດ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...