ພະແນກຖະແຫລງຂ່າວ ວັດທະນະທຳ ແລະ ທ່ອງທ່ຽວ ນະຄອນຫລວງ ໃຫ້ຮູ້ວ່າ: ພາຍຫຼັງໄດ້ເປີດໂຄງການປະຕິສັງຂອນ
ພິພິທະພັນຫໍພະແກ້ວ ນັບແຕ່ວັນທີ 5 ທັນວາມານີ້ ທາງໂຄ ການດັ່ງກ່າວໄດ້ຮັບເງິນບໍລິຈາກປະມານ 600 ລ້ານກວ່າກີບ,
ໃນນັ້ນຜູ້ທີ່ໃຫ້ການບໍລິຈາກຫລາຍກວ່າໝູ່ແມ່ນ ທ່ານ ກິດສະໜາ ວົງໄຊ ປະທານບໍລິສັດເບຍລາວຈຳກັດ ໄດ້ບໍລິຈາກເງິນ
ສົດຈຳນວນ 200 ລ້ານກີບ, ບໍລິສັດເພັດບັນດິດກໍ່ສ້າງ 120 ລ້ານກີບ, ບໍລິສັດເພັດຖາວອນກໍ່ສ້າງ 80 ລ້ານກີບ, ບໍລິສັດ
ບຸນທະວີຊັບກໍ່ສ້າງ 50 ລ້ານກີບ, ບໍລິສັດທີເຄກຣຸບ 30 ລ້ານກີບ.
ນອກຈາກນັ້ນຍັງມີຫລາຍພາກສ່ວນທີ່ສົມທົບທຶນດັ່ງກ່າວ. ເຖິງຢ່າງໃດກໍດີ, ຄວາມຕ້ອງການທຶນຮອນເພື່ອປະຕິສັງ
ຂອນຫໍພະແກ້ວຄັ້ງທຳອິດນີ້ ອາດສູງເຖິງ 7 ຕື້ກີບ, ດັ່ງນັ້ນທາງໂຄງການຈຶ່ງຮຽກຮ້ອງໃຫ້ຜູ້ ມີຈິດໃຈ ເຫຼືອມໃສສັດທາ
ຈົ່ງຮ່ວມແຮງຮ່ວມໃຈກັນປະຕິສັງຂອນສະຖານບູຮານສະຖານສັກສິດດັ່ງກ່າວ ທີ່ມີສະພາບເກົ່າແກ່ຊຸດໂຊມ ແລະ ເພື່ອ
ເປັນການ ຈັດຕັ້ງຜັນຂະຫຍາຍກົດໝາຍມໍລະດົກແຫ່ງຊາດລົງສູ່ລວງເລິກ ກໍຄືການປະຕິບັດຕາມທິດຊີ້ນຳຂອງສະຫາຍ
ເລຂາທິການໃຫຍ່ ບົນພື້ນຖານການຮັກສາລັກສະນະຮູບຊົງພື້ນຖານດັ້ງເດີມຂອງຫໍໄວ້ຄືເກົ່າ ປ່ຽນຖ່າຍສິ່ງເກົ່າແກ່ເປ່
ເພຊຸດໂຊມຕ່າງໆອອກ. ພ້ອມດຽວກັນນັ້ນ ກໍຕ້ອງຮັກສາໄດ້ມູນເຊື້ອສິລະປະລວດລາຍດອກດວງອັນໂດດເດັ່ນ ແລະ ດັ້ງ
ເດີມຂອງລາວ ແລະ ເພື່ອເປັນການບູລະນະສະຖານບູຮານອັນເກົ່າແກ່ ໃຫ້ກັບມາມີສະພາບດີຢູ່ຄູ່ປະເທດລາວ ຈົນຮອດ
ເຊັ່ນລູກເຊັ່ນຫລານ, ດັ່ງນັ້ນຈຶ່ງ ຂໍຮຽກຮ້ອງມາຍັງທຸກພາກສ່ວນໃນທົ່ວສັງ ຄົມ, ອົງການຈັດຕັ້ງພັກ-ລັດ, ພາກສ່ວນທຸ
ລະກິດ ແລະ ນິຕິບຸກ ຄົນຈົ່ງຊ່ວຍປະກອບສ່ວນເຫື່ອແຮງສະຕິປັນຍາ ແລະ ທຶນຮອນເຂົ້າຮ່ວມເປັນອະນຸໂມທະນາໃນ
ການປະຕິສັງຂອນຄັ້ງນີ້ໃຫ້ສຳເລັດ ແລະ ເກີດຜົນປະໂຫຍດສູງສຸດ.
ແຫລ່ງຂ່າວ: ລາວພັດທະນາ