ທຸກຄົນຮູ້ຫຼືບໍ່ວ່າ ອາການເຈັບຫຼັງແບບໃດທີ່ເປັນສັນຍານເຕືອນເຖິງຄວາມອັນຕະລາຍ, ເຊິ່ງຫຼາຍຄົນອາດຈະບໍ່ຮູ້ ຫຼື ເບິ່ງຂ້າມໄປ. ດັ່ງນັ້ນ, ລາວໂພສໄດ້ນຳເອົາວິທີການສັງເກດອາການເຈັບຫຼັງແບບໃດທີ່ເຂົ້າຄ່າຍອັນຕະລາຍ, ເຮົາມາເບິ່ງໄປນຳກັນເລີຍ.
1. ມີອາການເຈັບຫຼັງຢູ່ບ່ອນເກົ່າເປັນເວລາດົນຕໍ່ເນື່ອງກັນດົນຫຼາຍກວ່າ 6 ອາທິດ.
2. ຮູ້ສຶກປວດແຮງຈົນຮູ້ສຶກເຖິງຄວາມຜິດປົກກະຕິ ແລະ ອາການບໍ່ທຸເລົາລົງ
3. ອາການປວດແບບເຈັບຈີດໆ ຄືກັບຖືກເຂັມແທງ.
4. ອາການປວດລາມໄປຈົນຮອດກົກຂາ, ຈົນເກີດມີອາການຂາອ່ອນແຮງ, ປວດບີແຄ່ງ, ຈົນເຮັດໃຫ້ຍ່າງລຳບາກ ຫຼື ຍ່າງໄດ້ໄລຍະໜຶ່ງກໍຮູ້ສຶກປວດ.
5. ປວດບໍລິເວນກົ້ນກົບແບບບໍ່ມີສາເຫດ.
6. ມີອາການປວດປັດສະວະ, ມີອາການແສບເວລາປັດສະວະ, ປັດສະວະມີສີຂຸ່ນ ພ້ອມທັງມີອາການປວດບໍລິເວນແອວ (ອາດເປັນສັນຍານເລິ່ມຕົ້ນຂອງການເປັນໜິ້ວໃນໝາກໄຂ່ຫຼັງ ຫຼື ໝາກໄຂ່ຫຼັງອັກເສບ).
7. ປວດຂາ ຫຼື ຕີນຮຸນແຮງຈົນເກີດອາການມຶນ ຫຼື ຊາ
8. ເຄື່ອນໄຫວຕົວຍາກເຊັ່ນ: ການຍືດຕົວໃຫ້ຊື່ ແລະ ກົ້ມຕົວ.
9. ກັ້ນປັດສະວະ ຫຼື ອຸດຈະລະບໍ່ຄ່ອຍຢູ່.
ທັງໝົດນີ້ແມ່ນອາການປວດຫຼັງທີ່ເຂົ້າຄ່າຍອັນຕະລາຍທີ່ຈະກາຍເປັນພະຍາດຕ່າງໆໃນອະນາຄົດໄດ້.ດັ່ງນັ້ນ, ຫາກທ່ານໃດມີອາການຕາມນີ້ແມ່ນໃຫ້ຮີບໄປປຶກສາແພດໝໍເພື່ອທຳການກວດເຊັກຢ່າງຮີບດ່ວນ ແລະ ທຳການຮັກສາໂດຍທັນທີ.
ຂໍ້ມູນສາລະໜ້າຮູ້ຈາກ: ເວັບໄຊ້ສະນຸກ (sanook.com)