spot_img
Homeຂ່າວພາຍ​ໃນທ່ານ ຄໍາພັນ ພົມມະທັດ ລົງຕິດຕາມ ໂຄງການເຂດພັດທະນາເສດຖະກິດໃໝ່ສີທັນດອນ

ທ່ານ ຄໍາພັນ ພົມມະທັດ ລົງຕິດຕາມ ໂຄງການເຂດພັດທະນາເສດຖະກິດໃໝ່ສີທັນດອນ

Published on

ໃນໂອກາດລາຍງານສະພາບ ການກໍ່ສ້າງໂຄງການເຂດພັດທະນາເສດຖະກິດໃໝ່ສີທັນດອນທີ່ເມືອງໂຂງແຂວງຈຳປາສັກຕໍ່ທ່ານ ຄໍາພັນ ພົມມະທັດ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງໃນວັນທີ 13 ມັງກອນ, ທ່ານ ຈາງສີ ( Zhang Qi ) ຮອງປະທານບໍລິສັດຮ່ວມພັດທະນາສີທັນດອນ ຈໍາກັດໄດ້ໃຫ້ຮູ້ວ່າ: ປັດຈຸບັນແຜນການດຳເນີນໂຄງການດັ່ງກ່າວກຳລັງຢູ່ໃນໄລຍະທີ 1 ມີການສ້າງໂຮງແຮມແຄນຄູ່ ຫຼື ຕຶກອະເນກປະສົງແຄນຄູ່ ລວມທັງກິດຈະກຳການບັນເທີງຄົບວົງຈອນ, ເຂດບ້ານຈັດສັນ, ການກໍ່ສ້າງພື້ນຖານໂຄງລ່າງເສັ້ນທາງສະຖານທີ່ຈອດລົດ, ນໍ້າປະປາ, ປັບປຸງສະຖານທີ່ທ່ອງທ່ຽວສວນອຸທິຍານນໍ້າຕົກຕາດຄອນພະເພັງ ແລະ ສົມພະມິດ (ຫຼີ່ຜີ), ສາງຄຽນຖ່າຍສິນຄ້າປອດພາສີ, ເຂດລ້ຽງປາສະຫວາຍ ເພື່ອສົ່ງອອກຕ່າງປະເທດ ແລະ ເຂດກ້າເບ້ຍໄມ້ ເພື່ອນຳໄປປູກປະດັບໃນເຂດໂຄງການ.

ສຳລັບຕຶກອະເນກປະສົງແຄນຄູ່ ຫຼື ເອີ້ນວ່າ ຕຶກຕິບເຂົ້າ ເປັນອາຄານ 15 ຊັ້ນ, ຊັ້ນໃຕ້ດິນມີ 2 ຊັ້ນ, ມີຄວາມສູງ 60,90 ແມັດ, ມີເນື້ອທີ່ປຸກສ້າງ 67.132.2 ຕາແມັດ. ໃນນັ້ນ, ຊັ້ນພື້ນໃຕ້ດິນ ມີເນື້ອທີ່ 17.067.05 ຕາແມັດ, ເລີ່ມກໍ່ສ້າງຕົ້ນປີ 2023, ຕາມແຜນການກໍ່ສ້າງໂຄງສ້າງໃຫ້ສຳເລັດໃນຕົ້ນເດືອນພຶດສະພາ 2024 ແລະ ຈະເລີ່ມມີການຕົບແຕ່ງໃນເດືອນພຶດສະພາ ແລະ ຄາດວ່າຈະສຳເລັດພ້ອມເປີດໃຫ້ບໍລິການໃນທ້າຍປີ 2025. ເຂົ້າຮວ່ມຕິດຕາມໂຄງການນີ້ຍັງມີທ່ານວິໄລວົງ ບຸດດາຄຳ ເຈົ້າແຂວງຈຳປາສັກ ພ້ອມຄະນະຈາກສູນກາງ ແລະ ທ້ອງຖິ່ນ.

ທີ່ມາ: CMG FM93

ບົດຄວາມຫຼ້າສຸດ

ແພດໄທເປີດເຜີຍ 3 ນັກຮຽນມີອາການແໜ້ນໜ້າເອິກ ກ່ອນພົບວ່າປອດຖືກທຳລາຍເກືອບໝົດ ຍ້ອນສູບຢາສູບໄຟຟ້າ ແລະ ດື່ມນ້ຳກະທ້ອມ

ແພດໄທເປີດເຜີຍ 3 ນັກຮຽນມີອາການແໜ້ນໜ້າເອິກ ກ່ອນພົບວ່າປອດຖືກທຳລາຍເກືອບໝົດ ຍ້ອນສູບຢາສູບໄຟຟ້າ ແລະ ດື່ມນ້ຳກະທ້ອມມາເປັນເວລາ 2 ປີ. ສຳນັກຂ່າວໄທລາຍງານວ່າ: ເມື່ອວັນທີ 20 ກຸມພາ 2025 ມີການລາຍງານຈາກໜ່ວຍກູ້ໄພຕຳບົນດອນບົນ...

ລາວ-ໄທ ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບ

ນາຍົກລັດຖະມົນຕີ ລາວ-ໄທ ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບ. ໃນວັນທີ 20 ກຸມພາ ທ່ານ ສອນໄຊ ສີພັນດອນ ນາຍົກລັດຖະມົນຕີ ສປປ...

ສະຫຼົດ ອຸບັດຕິເຫດລົດໄຟ ຕຳຝູງຊ້າງປ່າທີ່ສີລັງກາ ເສຍຊີວິດ 6 ໂຕ

ອຸບັດຕິເຫດລົດໄຟ ຕຳຝູງຊ້າງປ່າທີ່ສີລັງກາ ເສຍຊີວິດ 6 ໂຕ ອີງຕາມສຳນັກຂ່າວ TNN ລາຍງານໃນວັນທີ 20 ກຸມພາ 2025, ເກີດອຸບັດຕິເຫດລົດໄຟໂດຍສານໃນສີລັງກາຕົກລາງ ໃນຊ່ວງເຊົ້າມືດ (20 ກຸມພາ)...

ດວງປະຈຳວັນທີ 21 ກຸມພາ 2025

ດວງປະຈຳວັນທີ 21 ກຸມພາ 2025 - ຄົນເກີດວັນຈັນ: ວຽກທີ່ຄ້າງຄາຈະໄດ້ຮັບຄວາມຄືບໜ້າຫຼາຍຂຶ້ນ, ລົງທຶນຢູ່ໃນເກນດີ, ຄົນໂສດລະວັງປັນຫາຈາກຄົນລົມ ຄົນມີຄູ່ຄົນເກົ່າຈະເຂົ້າມາສ້າງປັນຫາ, ລະວັງໄມເກນ - ຄົນເກີດວັນຄານ: ວຽກງານລົ້ນມື ເຄຍວຽກຫົວໝຸນ, ເງິນຄ່ອງມື...