spot_img
Homeຂ່າວພາຍ​ໃນການຈັດຕັ້ງປະຕິບັດວຽກງານສ່ວຍສາອາກອນທົ່ວປະເທດ ປະຈໍາປີ 2023

ການຈັດຕັ້ງປະຕິບັດວຽກງານສ່ວຍສາອາກອນທົ່ວປະເທດ ປະຈໍາປີ 2023

Published on

ກອງປະຊຸມສະຫຼຸບການຈັດຕັ້ງປະຕິບັດວຽກງານສ່ວຍສາອາກອນທົ່ວປະເທດ ປະຈໍາປີ 2023 ແລະ ທິດທາງແຜນປີ 2024 ຈັດຂຶ້ນໃນວັນທີ 14-15 ທັນວາ 2023 ຢູ່ກະຊວງການເງິນໂດຍການເປັນປະທານຂອງທ່ານ ບຸນປະເສີດ ສີກຸນລະບຸດ ຫົວໜ້າກົມສ່ວຍສາອາກອນ, ມີບັນດາຫົວໜ້າສ່ວຍສາອາກອນປະຈໍາແຂວງ, ນະຄອນຫຼວງ, ປະຈໍາເມືອເຂົ້າຮ່ວມເພື່ອລາຍງານການຈັດຕັ້ງປະຕິບັດການຈັດເກັບລາຍຮັບອາກອນຢູ່ສູນກາງ ແລະທ້ອງຖິ່ນໃນຂອບເຂດທົ່ວປະເທດ ແລະ ປຶກສາຫາລືແຜນການຈັດເກັບລາຍຮັບອາກອນໃນປີ 2024 ເພື່ອຮັບປະກັນໃຫ້ການເກັບລາຍຮັບຈາກອາກອນສາມາດປະຕິບັດໄດ້ຕາມເປົ້າໝາຍວາງໄວ້.

ທ່ານ ບຸນປະເສີດ ກຸນລະບຸດ ໄດ້ໃຫ້ຮູ້ວ່າ: ໃນໄລຍະ 1 ປີທີ່ຜ່ານມາ ເປັນປີທີ່ຂຸ້ນຂ້ຽວການຈັດຕັ້ງປະຕິບັດວຽກງານ ແລະ ມີຫຼາຍເຫດການ, ສະພາບເສດຖະກິດ ມີຜົນກະທົບຕໍ່ການຈັດຕັ້ງປະຕິບັດການເກັບລາຍຮັບ ແລະ ເປັນປີສຸດທ້າຍຂອງການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານ ເສດຖະກິດ-ການເງິນ, ພ້ອມທັງສຸມໃສ່ບັນດາມະຕິຄໍາສັ່ງຂອງຂັ້ນເທິງ, ແຜນພັດທະນາຂະແໜງສ່ວຍສາອາກອນ ແຕ່ປີ 2021-2025 ແລະ ແຜນພັດທະນາເສດຖະກິດ-ສັງຄົມແຫ່ງລັດ 5 ປີ. ໃນປີ 2023 ນີ້, ສາມາດເກັບລາຍຮັບໄດ້ທັງຫມົດ 25.238 ຕື້ກີບ ເທົ່າກັບ 110% ຂອງແຜນການປີທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 22% ເປັນເງິນ 4.521 ຕື້ກີບ. ໃນນັ້ນ, ລາຍຮັບສ່ວຍສາອາກອນສາມາດເກັບໄດ້ 16,958 ຕື້ກີບ ເທົ່າກັບ 98% ຂອງແຜນການປີ, ທຽບໄລຍະດຽວກັນຂອງປີຜ່ານມາ ເພີ່ມຂຶ້ນ 21% ເປັນເງິນ 2,921 ຕື້ກີບ, ລາຍຮັບຊັບສົນເກັບໄດ້ 6,973 ຕື້ກີບ ເທົ່າກັບ 162% ຂອງແຜນການປີ, ທຽບໄລຍະດຽວກັນຂອງປີຜ່ານມາ ເພີ່ມຂຶ້ນ 44% ເປັນເງິນ 2,143 ຕື້ກີບ ແລະ ກົມປະຕິຮູບລັດວິສາຫະກິດ ແລະ ການປະກັນໄພເກັບໄດ້ 1,306 ຕື້ກີບເທົ່າກັບ 112% ຂອງແຜນການປີ, ທຽບໃສ່ໄລຍະດຽວກັນຂອງປີຜ່ານມາຫຼຸດລົງ 29.4% ເປັນເງິນ 543 ຕື້ກີບ. ແນວໃດກໍຕາມການເກັບການລາຍຮັບປະຈໍາປີ 2023 ສາມາດຍາດໄດ້ຜົນສໍາເລັດ ດັ່ງກ່າວ ຍ້ອນຄະນະພັກ-ຄະນະນໍາກະຊວງການເງິນເອົາໃຈໃສ່ນໍາພາ-ຊີ້ນໍາ ຂະແໜງສ່ວຍສາອາກອນໂດຍສະເພາະແມ່ນພະນັກງານສ່ວຍສາອາກອນທົ່ວສູນກາງ, ແຂວງ ແລະບັນດາເມືອງໃນຂອບເຂດທົ່ວປະເທດຮ່ວມກັບບັນດາຂະແໜງການທີ່ກ່ຽວຂ້ອງພວກເຮົາໄດ້ພ້ອມກັນເປັນກໍາລັງແຮງໃນການ ຈັດຕັ້ງປະຕິບັດ ວຽກງານ ແລະສຸມໃສ່ຈັດຕັ້ງປະຕິບັດບັນດາມະຕິຄໍາສັ່ງຕ່າງໆຢ່າງເຂັ້ມງວດ.

ພ້ອມນີ້, ກອງປະຊຸມຍັງໄດ້ຮັບຟັງລາຍງານຈາກບັນດາທ້ອງຖິ່ນ, ໄດ້ປຶກສາຫາລືຫຼາຍບັນຫາກ່ຽວກັບການຂະຫຍາຍລາຍຮັບ ແລະ ການລົງສໍາຫຼວດຫົວໜ່ວຍທຸລະກິດທີ່ເກີດໃໝ່ ຫຼືຢຸດເຊົາກິດຈະການ, ການເອົາຫົວໜ່ວຍເຂົ້າໃນລະບົບ TaxRIS ໃຫ້ໄດ້ 100%; ການຍື່ນບົດລາຍງານການເງິນປະຈໍາປີ ແລະ ການ ສົມທົບກັບຂະແໜງການຄ້າກວດກາບັນດາຫົວໜ່ວຍທຸລະກິດທີ່ຍັງບໍ່ທັນໄດ້ຢັ້ງຢືນໃນລະບົບ ERC; ການຄຸ້ມຄອງ, ຕິດຕາມການແຈ້ງມອບອາກອນຂອງຫົວໜ່ວຍວິສາຫະກິດ ໃຫ້ຖືກຕ້ອງຄົບຖ້ວນ ແລະການຄຸ້ມຄອງການຈັດເກັບອາກອນທີ່ດິນ, ຄ່າທໍານຽມທາງ ແລະ ຄ່າບໍລິການ ແລະອື່ນໆ.

ບົດຄວາມຫຼ້າສຸດ

ໄຂຂຶ້ນຢ່າງເປັນທາງການ ງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ, ສປປ ລາວ ສົ່ງ 39 ປະເພດກິລາ ຮ່ວມຊີງໄຊ ພ້ອມຕັ້ງເປົ້າ 5 ຫຼຽນຄຳ

ງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ ເປັນເຈົ້າພາບ ໄດ້ໄຂຂຶ້ນຕອນຄໍ່າວັນທີ 9 ທັນວາ 2025 ຢູ່ສະໜາມກິລາຣາຊະມັງຄາລາກິລາສະຖານ ນະຄອນຫຼວງບາງກອກ, ໂດຍການໃຫ້ກຽດກ່າວເປີດງານຂອງສົມເດັດພະເຈົ້າຢູ່ຫົວ ມະຫາວະຊິຣາລົງກອນ ພະມະຫາກະສັດ...

ສະມາຄົມນັກຂ່າວແຫ່ງ ສປປ ລາວ ຕ້ອນຮັບຄະນະນັກຂ່າວນັກໜັງສືພິມແຫ່ງປະເທດໄທ

ຕ້ອນຮັບຄະນະຜູ້ແທນນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ ເຄື່ອນໄຫວເຮັດວຽກຢູ່ລາວ. ໃນຕອນເຊົ້າຂອງວັນທີ 4 ທັນວາ 2025, ສຳນັກຂ່າວອອນລາຍລາວໂພສກໍຄືໃນນາມສະມາຄົມນັກຂ່າວແຫ່ງ ສປປ ລາວ ໄດ້ຕ້ອນຮັບຄະນະຜູ້ແທນຈາກ ສະມາຄົມນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ...

ບໍ່ສະໜັບສະໜູນ ການນນຳເຂົ້າສິລະປິນຕ່າງປະເທດ ເພື່ອມາຈັດຄອນເສີດ ໃນນະຄອນຫຼວງວຽງຈັນ ເພື່ອຮັກສາ ແລະ ສົ່ງເສີມສິລະປະວັດທະນະທໍາຂອງຊາດ

ອີງຕາມ ແຈ້ງການແນະນໍາ ຂອງພະແນກ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນສະບັບເລກທີ 1613/ວທ.ນວ ລົງວັນທີ 21 ພະຈິກ ປີ 2025 ມີດັ່ງນີ້

ປັບໄໝ 3,000,000 ກີບ/ຄັ້ງ ຖ້າບຸກຄົນໃດໂພສຂາຍສິນຄ້າອອນລາຍ ໂດຍບໍ່ແຈ້ງລົງທະບຽນທາງການຄ້າ ແມ່ນຈະຖືກປັບໄໝ ພ້ອມການກ່າວເຕືອນ, ສຶກສາອົບຮົມ ແລະ ເຮັດບົດບັນທຶກ

ຂໍ້ຕົກລົງ ວ່າດ້ວຍການປັບໃໝ ແລະ ການນໍາໃຊ້ມາດຕະການອື່ນ ຕໍ່ຜູ້ລະເມີດ ດຳລັດ ແລະ ລະບຽບການ ກ່ຽວກັບການຄ້າທາງເອເລັກໂຕຣນິກ ເລກທີ 2828/ອຄ ວັນທີ 11 ພະຈິກ...