spot_img
Homeຂ່າວພາຍ​ໃນໃນປີ 2023 ສປປ ລາວ ພົບຜົນເສຍຫາຍຈາກການສໍ້ລາດບັງຫຼວງ

ໃນປີ 2023 ສປປ ລາວ ພົບຜົນເສຍຫາຍຈາກການສໍ້ລາດບັງຫຼວງ

Published on

ທ່ານ ວິໄລວັນ ບຸດດາຄໍາ, ຮອງປະທານອົງການກວດກາແຫ່ງລັດ, ຮອງຫົວໜ້າອົງການຕ້ານການສໍ້ລາດບັງຫຼວງ ຂັ້ນສູນກາງ ໃຫ້ຮູ້ໃນໂອກາດກ່າວປາໃສ ຕໍ່ພິທີສະເຫຼີມສະຫຼອງວັນຕ້ານການສໍ້ລາດບັງຫຼວງສາກົນຄົບຮອບ 20 ປີ (9 ທັນວາ 2003- 9 ທັນວາ 2023), ຈັດຂຶ້ນຢູ່ນະຄອນຫລວງວຽງຈັນ ໃນວັນທີ 8 ທັນວາ 2023 ນີ້ ວ່າ: ພາກສ່ວນທີ່ກ່ຽວຂ້ອງ ໄດ້ດຳເນີນການຕິດຕາມ-ກວດກາ ແລະ ສືບສວນ-ສອບສວນຕໍ່ບັນດາເປົ້າໝາຍ ທີ່ມີພຶດຕິກຳສໍ້ລາດບັງຫຼວງ, ພ້ອມທັງປະຕິບັດມາດຕະການທາງວິໄນ, ປັບໄໝ ແລະ ສົ່ງສຳນວນຄະດີໃຫ້ສານຕັດສີນຕາມກົດໝາຍ.

ສະເພາະໃນປີ 2023 ໄດ້ດໍາເນີນການກວດກາໂຄງການລົງທຶນຂອງລັດເລີ່ມແຕ່ຫົວທີ, ກວດກາຕາມຄໍາສັ່ງ, ກວດກາຕາມມະຕິຂອງສະພາ, ກວດກາຕາມຄໍາສະເໜີ ແລະ ດໍາເນີນຄະດີສໍ້ລາດບັງຫຼວງທັງໝົດ 5 ເປົ້າໝາຍ, ມີຜູ້ມີສ່ວນພົວພັນ 34 ຄົນ, ເປີດການສືບສວນສອບສວນແລ້ວ 19 ຄົນ, ໃນນັ້ນ ກັກຕົວ 15 ຄົນ, ມູນຄ່າເສຍຫາທີ່ພົບເຫັນ 800 ກວ່າຕື້ກີບ ແລະ 16 ລ້ານກວ່າໂດລາສະຫະລັດ. ຜົນເສຍຫາຍຈາກການສໍ້ລາດບັງຫຼວງດັ່ງກ່າວ ແມ່ນຖືກເກັບກູ້ຄືນໄດ້ຈຳນວນໜຶ່ງ. ພຶດຕິກໍາສໍ້ລາດບັງຫຼວງທີ່ພົ້ນເດັ່ນແມ່ນ: ການສວຍໃຊ້ຖານະຕໍາແໜ່ງ, ສິດອໍານາດ, ໜ້າທີ່, ການໃຫ້ ແລະ ຮັບສິນບົນ, ການຍັກຍອກ, ການສໍ້ໂກງຊັບຂອງລັດ, ການປອມແປງ ແລະ ນຳໃຊ້ເອກະສານປອມ ແລະ ອື່ນໆ.

ຮອງຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໃຫ້ຮູ້ຕື່ມວ່າ: ການສໍ້ລາດບັງຫຼວງແມ່ນອາຊະຍາກຳໜຶ່ງທີ່ເກີດຂຶ້ນໃນກົງຈັກການຈັດຕັ້ງຂອງພັກ-ລັດ, ເປັນໄພອັນຕະລາຍອັນໃຫຍ່ຫຼວງທີ່ສົ່ງຜົນກະທົບ ແລະ ກົດໜ່ວງຖ່ວງດຶງການພັດທະນາເສດຖະກິດ-ສັງຄົມຂອງແຕ່ລະປະເທດໃນໂລກບໍ່ວ່າຈະແມ່ນປະເທດນ້ອຍ ຫຼືໃຫຍ່, ທຸກຍາກ ຫຼື ຮັ່ງມີກໍ່ລ້ວນແຕ່ມີຜົນກະທົບເຊັ່ນດຽວກັນ.

ການສໍ້ລາດບັງຫຼວງພວມເປັນໄພຂົ່ມຂູ່ຕໍ່ຄວາມມີສະຖຽນລະພາບຂອງການຈັດຕັ້ງລັດ ແລະ ເອກະຊົນ, ກໍ່ໃຫ້ເກີດມີຄວາມບໍ່ສະຫງົບ, ຄວາມບໍ່ຍຸຕິທໍາໃນສັງຄົມ, ເປັນການບັນທອນກໍາລັງແຮງກໍ່ຄືຄວາມເຊື່ອໝັ້ນ ແລະ ຄ່ານິຍົມຂອງສັງຄົມຕໍ່ບັນດາສະຖາບັນການປົກຄອງ ແລະ ການຈັດຕັ້ງຕ່າງໆ;ການສໍ້ລາດບັງຫຼວງໄດ້ຕັດຮອນເອົາລາຍໄດ້ຂອງຊາດ, ຕັດຮອນເອົາງົບປະມານໃນໂຄງການພັດທະນາຕ່າງໆຂອງລັດ ເຮັດໃຫ້ຄຸນນະພາບຂອງໂຄງການເຫຼົ່ານັ້ນຕ່ຳ, ຕັດຮອນເອົາລາຍຮັບຂອງລວມໝູ່ກໍ່ຄືຂອງພົນລະເມືອງດ້ວຍຫຼາຍຮູບ, ຫຼາຍວິທີທີ່ເລິກແລບແນບນຽນທີ່ສຸດ ແລະ ເຮັດໃຫ້ພັກ-ລັດ ແລະ ພົນລະເມືອງເສຍລາຍຮັບໃນແຕ່ລະປີເປັນຈໍານວນບໍ່ໜ້ອຍ.

ນອກຈາກນີ້, ການສໍ້ລາດບັງຫຼວງຍັງເປັນການສະແດງອອກຢ່າງເປີດແປນໃນການລະເມີດກົດໝາຍ-ລະບຽບການ ແລະ ການຂາດຄຸນນະທໍາ, ຂາດຈັນຍາບັນ, ຈັນຍາທຳຂອງພະນັກງານ-ລັດຖະກອນ, ທະຫານ, ຕໍາຫຼວດໃນອົງການ ຈັດຕັ້ງຂອງລັດ ແລະ ເອກະຊົນ; ກໍ່ໃຫ້ເກີດມີກຸ່ມກ້ອນ, ພັກພວກ, ຄອບຄົວ-ຈຸ້ມເຈື້ອ-ພີ່ນ້ອງຮ່ວມຜົນປະໂຫຍດທາງເສດ ຖະກິດ-ການເມືອງ ແລະ ນໍາໄປເຖິງຄວາມບໍ່ເປັນເອກະພາບ, ເກີດມີຄວາມແຕກແຍກໃນວົງການນຳ ແລະສັງຄົມ;ພຶດຕິກຳຂອງການສໍ້ລາດບັງຫຼວງໄດ້ສະແດງອອກດ້ວຍຫຼາຍຮູບແບບແຕກຕ່າງກັນ, ສະຫຼັບສັບຊ້ອນມີລັກສະນະສັບສົນ, ມີຢູ່ໃນວົງແຄບບຸກຄົນ, ກຸ່ມຄົນ ແລະ ກວ້າງອອກສູ່ການຈັດຕັ້ງ, ເຈົ້າໜ້າທີ່ລັດ, ເອກະຊົນ ຫຼື ຜູ້ປະກອບການມີທັງການເຄື່ອນໄຫວຂ້າມຊາດ ແລະ ອື່ນໆ.

ທີ່ມາ: Lao Youth

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...