spot_img
Homeຂ່າວຕ່າງປະເທດອົດສະຕຣາລີກຽມຫ້າມນຳເຂົ້າຢາສູບໄຟຟ້າແບບໃຊ້ແລ້ວຖິ້ມ

ອົດສະຕຣາລີກຽມຫ້າມນຳເຂົ້າຢາສູບໄຟຟ້າແບບໃຊ້ແລ້ວຖິ້ມ

Published on

ຕົ້ນປີໜ້າ ອົດສະຕຣາລີກຽມຫ້າມນຳເຂົ້າຢາສູບໄຟຟ້າແບບໃຊ້ແລ້ວຖິ້ມ ຄາດຫວັງໃຫ້ຄວບຄຸມການເສບຕິດສານນິໂດຕິນຂອງກຸ່ມໄວລຸ່ນ.

ໃນວັນທີ 28 ພະຈິກ 2023 ກະຊວງສາທາລະນະສຸກຂອງອົດສະຕຣາລີຖະແຫຼງການວ່າ: ຫ້າມນຳເຂົ້າຢາສູບໄຟຟ້າແບບໃຊ້ແລ້ວຖິ້ມ ເລີ່ມຕັ້ງແຕ່ເດືອນມັງກອນ 2024 ເປັນຕົ້ນໄປ ໂດຍມີຈຸດປະສົງເພື່ອຄວບຄຸມການເສບຕິດສານນິໂກຕິນຂອງກຸ່ມໄວລຸ່ນ.

ໃນເດືອນມີນາ ມາດຕະການຫ້າມນຳເຂົ້າຈະກວມເອົາເຖິງຢາສູບໄຟຟ້າທີ່ບໍ່ໃຊ້ເພື່ອການບຳບັດທັງໝົດ ຂະນະທີ່ຜູ້ນຳເຂົ້າຢາສູບໄຟຟ້າເພື່ອຈຸດປະສົງທາງການແພດຈະໄດ້ຮັບໃບອະນຸຍາດຈາກສຳນັກງານຄວບຄຸມຢາກ່ອນ.

ລັດຖະບານອົດສະຕຣາລີ ຍັງມີແຜນອອກກົດໝາຍຄວບຄຸມການໃຊ້ ການໂຄສະນາ ແລະ ການຜະລິດຢາສູບໄຟຟ້າແບບໃຊ້ແລ້ວຖິ້ມໃນປະເທດ ເຊິ່ງຄາດວ່າມີຜົນບັງຄັບໃຊ້ໃນປີໜ້າເຊັ່ນດຽວກັນ ແລະ ການຊື້ ຫຼື ນຳເຂົ້າຢາສູບໄຟຟ້າເປັນເລື່ອງຜິດກົດໝາຍໃນອົດສະຕຣາລີຕັ້ງແຕ່ປີ 2021 ໂດຍຜູ້ທີ່ຈະຊື້ ຫຼື ນຳເຂົ້າຕ້ອງມີໃບສັ່ງຈາກແພດເທົ່ານັ້ນ ຢ່າງໃດກໍຕາມ ເຖິງວ່າຈະມີຂໍ້ຫ້າມເຫຼົ່ານີ້ ແຕ່ອັດຕາການເສບຕິດນິໂກຕິນຍັງເພີ່ມຂຶ້ນຢ່າງຕໍ່ເນື່ອງ.

ທັ້ງນີ້ ສປປ ລາວ ກໍມີກົດໝາຍຫ້າມຊົມໃຊ້ຢາສູບໄຟຟ້າ ແລະ ມີການໂຄສະນາກ່ຽວກັບຄວາມອັນຕະລາຍຂອງສານນິໂກຕິນທີ່ຢູ່ໃນຢາສູບໄຟຟ້າ ທີ່ມີຜົນຮ້າຍແຮງກວ່າຢາສູບທົ່ວໄປ.

ຢ່າງໃດກໍຕາມ ຜູ້ປົກຄອງຄວນລະມັດລະວັງ ແລະ ເບິ່ງແຍກລູກໃຫ້ຫ່າງໄກຈາກສິ່ງເສບຕິດປະເພດຕ່າງໆ ໂດຍສະເພາະຢາສູບໄຟຟ້າ ທີ່ ສປປ ລາວ ນັບມື້ຍິ່ງພົບກຸ່ມໄວລຸ່ນທີ່ໃຊ້ຢາສູບໄຟຟ້າຫຼາຍຂຶ້ນ ພ້ອມຍັງພົບວ່າເປັນກຸ່ມທີ່ອາຍຸນ້ອຍທີ່ໃຊ້ຢາສູບໄຟຟ້າ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...