spot_img
Homeຂ່າວພາຍ​ໃນອາຊະຍາກຳທາງເຕັກໂນໂລຊີໃນ ສປປ ລາວ ນັບມື້ນັບຫຼາຍຂຶ້ນ

ອາຊະຍາກຳທາງເຕັກໂນໂລຊີໃນ ສປປ ລາວ ນັບມື້ນັບຫຼາຍຂຶ້ນ

Published on

ປັດຈຸບັນ ມີໄພຄຸກຄາມຈາກການຫຼອກລວງທາງນັບມື້ນັບຫຼາຍຂຶ້ນ ເນື່ອງຈາກມິດສາຊີບໄດ້ອາໄສປະໂຫຍດຈາກຊ່ອງຫວ່າງຂອງແອັບທະນາຄານເພື່ອໂອນເງິນອອກບັນຊີໃຫ້ບໍ່ເປັນຕາສົງໃສ.

ກໍລະນີຜູ້ເສຍຫາຍຈາກການຖືກຫຼອກລວງຄົນໜຶ່ງໄດ້ກ່າວວ່າ: ເງິນຫຼາຍກວ່າ 15 ລ້ານຖືກໂອນອອກໂດຍທີ່ຕົນເອງບໍ່ໄດ້ຮັບຮູ້ ຈາກເວລາ 2:00-7:00 ໂມງ ຂອງວັນອາທິດ.

ຫຼັງຈາກເລື່ອງດັ່ງກ່າວໄດ້ເກີດຂຶ້ນ ກໍໄດ້ປະສານງານຫາທາງທະນາຄານ BCEL ຜູ້ເສຍຫາຍກໍໄດ້ຮັບຮູ້ຂໍ້ມູນຕ່າງໆຂອງບັນຊີປາຍທາງທີ່ໄດ້ຮັບເງິນໂອນ ແລ້ວເມື່ອໄດ້ຮັບຮູ້ຂໍ້ມູນຕ່າງໆແລ້ວ ຜູ້ເສຍຫາຍກໍພົບວ່າ ເປັນໝູ່ຕົນເອງທີ່ໄດ້ຮູ້ລະຫັດຜ່ານບັນຊີ ແລະ ເປັນຄົນໂອນເງິນອອກຜ່ານໂທລະສັບຂອງໝູ່ເອງ.

ຜູ້ເສຍຫາຍກ່າວວ່າ: ຮູ້ສຶກຕົກໃຈຫຼາຍເມື່ອຮູ້ວ່າໝູ່ຕົນເອງເປັນຄົນລັກໂອນເງິນໃນບັນຊີຂອງຕົນ ແຕ່ກໍຍັງໂຊກດີທີ່ທາງພໍ່ແມ່ຂອງຜູ້ກ່ຽວເປັນຜູ້ຮັບຜິດຊອບສົ່ງເງິນຄືນ.

ເຖິງວ່າຜູ້ເສຍຫາຍກໍລະນີນີ້ໂຊກດີທີ່ຮູ້ວ່າຄົນກະທຳຜິດເປັນໝູ່ຂອງຕົນ ແຕ່ບໍ່ແມ່ນວ່າຜູ້ເສຍຫາຍຄົນອື່ນໆຈະໂຊກດີໃນການຕິດຕາມຊອກຫາຜູ້ທີ່ລັກເງິນພວກເຂົາໄປ.

ເພື່ອເປັນການປ້ອງກັນບໍ່ໃຫ້ເຫດການດັ່ງກ່າວນັ້ນເກີດຂຶ້ນ ຜູ້ໃຊ້ແອັບທະນາຄານສາມາດໃຊ້ມາດຕະການເພື່ອຫຼີກລ່ຽງໃນການຕົກເປັນເຫຍື່ອຂອງເຫດການປະເພດນີ້.

  • ບໍ່ຄວນໃຊ້ລະຫັດຜ່ານທີ່ຊ້ຳກັນໃນຊ່ອງທາງຕ່າງໆທາງໂທລະສັບ: ການໃຊ້ລະຫັດຜ່ານແບບດຽວກັນໝົດ ເຖິງວ່າລະຫັດຈະຍາກຊ່ຳໃດ ມັນກໍອາດບໍ່ພຽງພໍທີ່ຈະປົກປ້ອງບັນຊີທະນາຄານ ຫຼື ຂໍ້ມູນທາງການເງິນຂອງທ່ານໄດ້ ຫາກມີບຸກຄົນອັນຕະລາຍຫາຮູ້ລະຫັດຜ່ານນັ້ນແລ້ວ ມັນກໍສາມາດເຂົ້າໄປຫາຂໍ້ມູນທີ່ສຳຄັນຕ່າງໆໄດ້ງ່າຍ ສະນັ້ນ ເຮົາຄວນໃຊ້ລະຫັດໃຫ້ຫຼາກຫຼາຍຂຶ້ນ.
  • ການໃຊ້ລະຫັດຜ່ານ 2 ຊັ້ນເພື່ອລະບຸຕົວຕົນ: ມາດຕະການຮັກສາຄວາມປອດໄພນີ້ ຄວນໃຊ້ວິທີການສົ່ງລະຫັດຜ່ານອີກຄັ້ງ ໄປຫາເບີໂທລະສັບ ຫຼື ອີເມວຂອງຕົນເອງ ເພື່ອຢືນຢັນຕົວຕົນອີກຄັ້ງ ເພາະມັນເປັນການສ້າງອຸປະສັກ ແລະ ປ້ອງກັນພວກກຸ່ມຄົນບໍ່ດີເຂົ້າເຖິງຂໍ້ມູນສຳຄັນຂອງເຮົາ.
  • ໃຊ້ຄຸນສົມບັດ ແລະ ເຄື່ອງມືດ້ານຄວາມປອດໄພທີ່ມາຈາກທະນາຄານ: ແອັບພຣິເຄຊັ່ນທະນາຄານມີຄຸນສົມບັດໃນການຮັກສາຄວາມປອດໄພ ເພື່ອປ້ອງກັນບໍ່ໃຫ້ຂໍ້ມູນສ່ວນບຸກຄົນຮົ່ວໄຫຼ, ຕົວຢ່າງເຊັ່ນ BCEL One ຈະຮັກສາຂໍ້ມູນຜູ້ໃຊ້ໃຫ້ຢູ່ໃນຄວາມປອດໄພ ແລະ ມີພຽງບາງຄົນເທົ່ານັ້ນ ທີ່ສາມາດເຂົ້າເຖິງຂໍ້ມູນໄດ້ ແລະ ຈຳເປັນຕ້ອງເກັບຂໍ້ມູນໄວ້ເປັນຄວາມລັບ, ສຳລັບຂໍ້ມູນທີ່ສຳຄັນທັງໝົດ ກ່ອນຈະເຂົ້າໄດ້ຕ້ອງໄດ້ເຂົ້າລະຫັດຜ່ານທີ່ເອີ້ນວ່າ Secure Socket Layer (SSL) ກ່ອນ.

ບັນດາຂັ້ນຕອນຕ່າງໆເຫຼົ່ານີ້ ເປັນພຽງຂັ້ນຕົ້ນທີ່ຈະສາມາດປ້ອງກັນຕົນເອງຈາກອາຊະຍະກຳທາງເຕັກໂນໂລຊີ ຜູ້ໃຊ້ຈຳເປັນຕ້ອງລະມັດລະວັງ ທີ່ສຳຄັນບໍ່ຄວນໃຫ້ຄົນອື່ນຮັບຮູ້ເຖິງຂໍ້ມູນທີ່ສຳຄັນໃນໂທລະສັບຂອງຕົນເອງເຊັ່ນ ລະຫັດຜ່ານແອັບທະນາຄານ ຫຼື ລະຫັດຜ່ານໃນການຮັບຮູ້ຂໍ້ມູນສຳຄັນຕ່າງໆ ເປັນຕົ້ນ.

ຂໍ້ມູນຈາກ The Laotian Time

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...