ເພື່ອຮັບປະກັນຄວາມປອດໄພ ໃນການສົ່ງເຂົ້າສານອອກໄປ ສປ ຈີນ ແລະ ທັງຮັບປະກັນຄວາມປອດໄພຂອງຜົນຜະລິດ
ກະສິກຳ ອຸດສາຫະກຳປ່າໄມ້ ແລະ ນິເວດທະຍາຂອງ ສປ ຈີນ ໂດຍອີງໃສ່ຜົນການວິໄຈການປະເມີນຜົນ ຄວາມສ່ຽງສັດຕູ
ພືດ ແລະ ຫຼັກການຂໍ້ກຳນົດເງື່ອນໄຂ ມາດຕະການນຳໃຊ້ສຸຂະນາໄມພືດຂອງອົງການການຄ້າໂລກ (SPS Protocol) ອົງ
ການບໍລິຫານຄຸ້ມຄອງກວດກາຄຸນະພາບ ແລະ ການກັກກັນພືດ ແລະ ສັດແຫ່ງ ສປ ຈີນ ແລະ ກະຊວງກະສິກຳ ແລະ ປ່າ
ໄມ້ ສປປ ລາວ ໄດ້ຕົກລົງກ່ຽວກັບຂໍ້ກຳນົດເງື່ອນໄຂດ້ານການກວດກາ ແລະ ກັກກັນ ສຳລັບການນຳເຂົ້າສານເຂົ້າໃນປະ
ເທດ.
ເພື່ອເຮັດໃຫ້ບັນດາຂໍ້ກຳນົດໃນແຕ່ລະມາດຕາ ລວມທັງໝົດ 12 ມາດຕາ ທີ່ທັງສອງຝ່າຍລາວ-ຈີນ ໄດ້ປຶກສາຫາລືກັນ
ກ່ອນໜ້ານີ້ ໃຫ້ໄດ້ຮັບການປະຕິບັດຢ່າງຖືກຕ້ອງສອດຄ່ອງ ຕ່າງຝ່າຍຕ່າງມີຜົນປະໂຫຍດ ໂດຍສະເພາະ ຂໍ້ກຳນົດກ່ຽວ
ກັບເຂົ້າສານທີ່ຂັດໃຫ້ຂາວແລ້ວ ຮັບປະກັນທາງດ້ານປະລິມານ ແລະ ຄຸນະພາບ ລວມທັງຂໍ້ກຳນົດໃນການຈັດຕັ້ງປະຕິ
ບັດ ແລະ ຂັ້ນຕອນອື່ນໆ.
ວັນທີ 4 ທັນວາ 2014 ທີ່ກະຊວງກະສິກຳ ແລະ ປ່າໄມ້ ໄດ້ຈັດກອງປະຊຸມເຜີຍແຜ່ຂໍ້ກຳນົດເງື່ອນໄຂການສົ່ງເຂົ້າສານລາວ
ອອກໄປ ຍັງ ສປ ຈີນ ຂຶ້ນ ໂດຍເປັນປະທານຂອງທ່ານ ດຣ. ພວງປາຣິສັກ ປຣະວົງວຽງຄຳ ລັດຖະມົນຕີຊ່ວຍວ່າການກະ
ຊວງກະສິກຳ ແລະ ປ່າໄມ້ ທ່ານ ສີສູນທອນ ສິດທິມລະດາ ຜູ້ຊ່ວຍວຽກຮອງນາຍົກລັດຖະມົນຕີ ຜູ້ຊີ້ນຳວຽກງານເສດຖະ
ກິດ ການຜະລິດ ແລະ ຈໍລະຈອນ ມີບັນດາທ່ານ ຫົວໜ້າກົມ ຮອງກົມ ຜູ້ປະກອບການພາຍໃນ ແລະ ຕ່າງປະເທດ ແລະ
ພາກສ່ວນກ່ຽວຂ້ອງເຂົ້າຮ່ວມ.
ແຫລ່ງຂ່າວ: ວຽງຈັນໃໝ່