spot_img
Homeຂ່າວພາຍ​ໃນກວດພົບລູກຄ້າ ລັກໃຊ້ໄຟ ແລະ ດັດແປງໝໍ້ນັບໄຟທັງ 3 ພາກ ໃນທົ່ວປະເທດທັງໝົດ 172 ລູກຄ້າ

ກວດພົບລູກຄ້າ ລັກໃຊ້ໄຟ ແລະ ດັດແປງໝໍ້ນັບໄຟທັງ 3 ພາກ ໃນທົ່ວປະເທດທັງໝົດ 172 ລູກຄ້າ

Published on

ຕາມຂໍ້ມູນຈາກເພຈ໌ EDL LAOS ໃຫ້ຮູ້ວ່າ: ນັບແຕ່ເດືອນ ມັງກອນ ຫາເດືອນສິງຫາ 2023 ໄຟຟ້າລາວ ກວດພົບລູກຄ້າ ລັກໃຊ້ໄຟ ແລະ ດັດແປງໝໍ້ນັບໄຟທັງ 3 ພາກ ໃນທົ່ວປະເທດທັງໝົດ 172 ລູກຄ້າ, ຊໍາລະເງິນຄ່າພະລັງງານຄືນຫລັງ ແລະ ຄ່າປັບໃໝສໍາເລັດແລ້ວ 107 ລູກຄ້າ, ຍັງເຫລືອ 65 ລູກຄ້າ, ລວມຄິດໄລ່ພະລັງງານຄືນຫລັງ ທັງໝົດ 32.667.476 Kwh, ຄິດໄລ່ຄ່າປັບໃໝພະລັງງານ ທັງໝົດ 22.734.870 Kwh, ຄ່າປັບໄໝໝໍ້ນັບໄຟ ແລະ ປັບໄໝອື່ນໆ ລວມ ເປັນເງິນທັງໝົດ: 108 ຕື້ກີບ.

ສະເພາະແຕ່ເດືອນ ສິງຫາ 2023, ທົ່ວປະເທດ ມີລູກຄ້າລັກໃຊ້ໄຟ ແລະ ດັດແປງໝໍ້ນັບໄຟໃນ 3 ພາກ ມີ 23 ລູກຄ້າ, ຊໍາລະເງິນຄ່າພະລັງງານຄືນຫລັງ ແລະ ຄ່າປັບໃໝສໍາເລັດແລ້ວ 11 ລູກຄ້າ, ຍັງເຫລືອ 12 ລູກຄ້າ, ຄິດໄລ່ພະລັງງານຄືນຫລັງ ທັງໝົດ 109.137 Kwh, ຄິດໄລ່ຄ່າປັບໃໝພະລັງງານ 102.893 Kwh, ລວມມູນຄ່າປັບໃໝໝໍ້ນັບໄຟ ແລະ ປັບໃໝອື່ນໆ ລວມເປັນເງິນ 510 ລ້ານກວ່າກີບ.

ຕໍ່ກໍລະນີ ການລັກໃຊ້ໄຟ ແລະ ດັດແປງໝໍ້ນັບໄຟ ເປັນການຜິດ ຕໍ່ກົດໝາຍ ວ່າດ້ວຍໄຟຟ້າລາວ (ສະບັບປັບປຸງ) 2017 ໃນມາດຕາ 95 ຂໍ້ຫ້າມສໍາລັບປະຊາຊົນ; ຫ້າມປະຊາຊົນ ມີພຶດຕິກໍາ ຊຶ່ງໃນຂໍ້ 2: ບຸກລຸກສະຖານທີ່, ລັກ, ທໍາລາຍອຸ ປະກອນ ແລະ ສິ່ງປະກອບສ້າງດ້ານໄຟຟ້າ;​ ໃນຂໍ້ກໍານົດລັດວິສາຫະກິດໄຟຟ້າລາວ ສະບັບເລກທີ 2162/ຟຟລ.ຝລຈ, ລົງວັນທີ 23 ມິຖຸນາ 2021 ວ່າດ້ວຍການປະຕິບັດມາດຕະການ ຕໍ່ຜູ້ທີ່ລັກກະແສໄຟຟ້າ ແລະ ດັດແປງໝໍ້ນັບໄຟ ໃນມາດຕາ 9 ມາດຕະການປັບໄໝ ຕໍ່ຜູ້ລັກກະແສໄຟຟ້າ: ບຸກຄົນ, ນິຕິບຸກຄົນ ຫລື ການຈັດຕັ້ງ ທີ່ໄດ້ລະເມີດຂໍ້ກໍານົດສະບັບນີ້, ຊຶ່ງໄດ້ກໍຄວາມເສຍຫາຍໃຫ້ແກ່ ລັດວິສາຫະກິດໄຟຟ້າລາວ ຈະຖືກປັບໃໝ ແລະ ຈະໄດ້ຮັບຜິດຊອບ ຕໍ່ຄວາມເສຍຫາຍ ທີ່ຕົນເອງໄດ້ກໍຂຶ້ນ ຕາມແຕ່ລະກໍລະນີ.

ສ່ວນການຄິດໄລ່ຄ່າປັບໃໝ ແມ່ນອີງຕາມການຄິດໄລ່ການຊົມໃຊ້ພະລັງງານ ຕົວຈິງຕາມຂໍ້ 5.1, ຄູນໃຫ້ 3 ເທົ່າຂອງຫົວໜ່ວຍລາຄາກະແສໄຟຟ້າສູງສຸດຕໍ່ kWh ຂອງລາຄາແຕ່ລະປະເພດຜູ້ຊົມໃຊ້ໄຟຟ້າ ທີ່ລັກກະແສໄຟຟ້າ ໂດຍແຍກອອກເປັນ 2 ກໍລະນີ ໃນການຄິດໄລ່ຄ່າປັບໃໝຄື: ກໍລະນີບໍ່ຮູ້ຈັກໄລຍະເວລາ ໃຫ້ຄິດໄລ່ພະລັງງານປັບໃໝ 6 ເດືອນ, ກໍລະນີຮູ້ຈັກໄລຍະເວລາແມ່ນຄິດໄລ່ເອົາເວລາຕົວຈິງ ຖ້າໄລຍະເວລາຕົວຈິງ ຫາກລັກກະແສໄຟຟ້າບໍ່ຮອດ 6 ເດືອນ ໃຫ້ຄິດໄລ່ພະລັງງານປັບໃໝເອົາ 6 ເດືອນ ເປັນຂັ້ນຕໍ່າສຸດ. ຕໍ່ຜູ້ທີ່ດັດແປງໝໍ້ນັບໄຟ ຈະຖືກປັບໃໝ 3 ເທົ່າ ຂອງລາຄາບໍລິການຕິດຕັ້ງໝໍ້ນັບໄຟ ຕາມຂະໜາດໝໍ້ນັບໄຟຂອງຜູ້ຊົມໃຊ້ຕົວຈິງໃນລາຄາປັດຈຸບັນ.
ທີ່ມາ: ປະເທດລາວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...