spot_img
Homeຂ່າວທ້ອງຖິ່ນກຸ່ມເຍົາວະຊົນທີ່ມີອາຍຸບໍ່ຮອດ 18 ປີ ບໍ່ໃຫ້ເຂົ້າສະຖານທີ່ບັນເທີງ

ກຸ່ມເຍົາວະຊົນທີ່ມີອາຍຸບໍ່ຮອດ 18 ປີ ບໍ່ໃຫ້ເຂົ້າສະຖານທີ່ບັນເທີງ

Published on

ຕາມການລາຍງານຂອງຂ່າວແຂວງຄຳມ່ວນ (Khammouane News) ກ່ຽວກັບກອງປະຊຸມປຶກສາຫາລືກະກຽມຄວາມພ້ອມ ໃນການຕ້ອນຮັບປີທ່ອງທ່ຽວລາວ 2024 ແຂວງຄຳມ່ວນ ຈັດຂຶ້ນໃນວັນທີ 11 ຕຸລາ 2023 ທີ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງຄຳມ່ວນ ໂດຍການເປັນປະທານຂອງທ່ານ ໄຊສົມບູນ ສຸວັນດາລາ ຫົວໜ້າພະແນກ ຖວທ ແຂວງ, ມີບັນດາທ່ານໃນຄະນະພະແນກ, ຂະແໜງການກ່ຽວຂ້ອງ ຕະຫຼອດເຖິງຄະນະສະມາຄົມທຸລະກິດການທ່ອງທ່ຽວແຂວງ, ສະມາຄົມລົດຕູ້ນຳທ່ຽວ, ຜູ້ປະກອບການແຫຼ່ງທ່ອງທ່ຽວ, ໂຮງແຮມ, ເຮືອນພັກ, ຮ້ານອາຫານ, ຮ້ານບັນເທີງ ເຂົ້າຮ່ວມ.

ຈຸດປະສົງໃນການຈັດກອງປະຊຸມດັ່ງກ່າວນີ້ ແມ່ນເພື່ອປຶກສາຫາລືກ່ຽວກັບການກະກຽມປະເມີນຄວາມພ້ອມຮອບດ້ານໃນການຕ້ອນຮັບປີທ່ອງທ່ຽວລາວ 2024 ຕາມແນວທາງນະໂຍບາຍຂອງລັດຖະບານ ເພື່ອເລັ່ງຟື້ນຟູການທ່ອງທ່ຽວຢູພາຍໃນປະເທດ.

ໃນໂອກາດນີ້ ທ່ານຫົວໜ້າພະແນກ ຖວທ ແຂວງ ກໍໄດ້ມີຄໍາເຫັນຊີ້ນຳໃຫ້ບັນດາຜູ້ປະກອບການດ້ານການທ່ອງທ່ຽວພາຍໃນແຂວງຕ້ອງພ້ອມກັນເປັນເຈົ້າພາບທີ່ດີໃນການຕ້ອນຮັບນັກທ່ອງທ່ຽວ, ຜູ້ປະກອບການຕ່າງໆ ຕ້ອງເອົາໃຈໃສ່ປັບປຸງຍົກລະດັບມາດຕະຖານ, ຕ້ອງເປັນເຈົ້າການໃນການປະຕິບັດລະບຽບກົດໝາຍໃຫ້ເຄັ່ງຄັດທາງດ້ານ ໂມງເວລາຕ້ອງໃຫ້ປະຕິບັດຢ່າງເຄັ່ງຄັດ, ຕ້ອງເອົາໃຈໃສ່ແກ້ໄຂປະກົດການຫຍໍ້ທໍ້ໃນສັງຄົມເຊັ່ນ:

ການພະນັນ, ຢາເສບຕິດ, ການຄ້າປະເວນີ ແລະ ອື່ນໆ ສຳຄັນແມ່ນກຸ່ມເຍົາວະຊົນທີ່ມີອາຍຸບໍ່ຮອດ 18 ປີ ຫ້າມເຂົ້າສະຖານບັນເທີງຢ່າງເດັດຂາດ, ໃຫ້ຜູ້ປະກອບການ ດ້ານໂຮງແຮມ, ເຮືອນພັກ, ຮ້ານອາຫານ ໃຫ້ຮ່ວມມື ແລະ ເອົາໃຈໃສ່ ໃນການປະເມີນມາດຕະຖານເພື່ອຈັດລະດັບກິດຈະການຂອງຕົນ (ດາວ ແລະ ດອກຈຳປາ), ໃຫ້ຜູ້ປະກອບການດ້ານການທ່ອງທ່ຽວ ໂຮງແຮມເຮືອນພັກ, ຮ້ານອາຫານ ແລະ ສະຖານທີ່ທ່ອງທ່ຽວແຕ່ລະແຫ່ງ ຕ້ອງໄດ້ກຳນົດກິດຈະກຳເປັນຂອງຕົນເອງ ຢ່າງໜ້ອຍໃຫ້ໄດ້ 1-2 ກິດຈະກຳ ເພື່ອດຶງດູດນັກທ່ອງທ່ຽວ, ໃຫ້ຜູ້ປະກອບການທຸກພາກສ່ວນ ໄດ້ມີຄວາມເປັນເອກະພາບໃນການກຳນົດລາຄາຄ່າບໍລິການໃຫ້ຄັກແນ່ ບໍ່ເອົາລັດເອົາປຽບກັນ ແລະ ເປັນທີ່ຖືກໃຈແກ່ນັກທ່ອງທ່ຽວ, ມອບໃຫ້ສະມາຄົມທຸລະກິດການທ່ອງທ່ຽວໄດ້ເປັນເຈົ້າການຫຼັກໃນງານເປີດປີທ່ອງທ່ຽວລາວ (ເຊິ່ງຈະຈັດຂຶ້ນໃນງານບຸນພຣະທາດສີໂຄດຕະບອງ) ພ້ອມນັ້ນກໍ່ຕ້ອງສ້າງແຜນກຳນົດກິດຈະກຳ ໂດຍສະເພາະ ເທສະການອາຫານ, ວາງບູດໂຄສະນາຜະລິດຕະພັນຂອງສະມາຄົມ ແລະ ອື່ນໆ.

ບົດຄວາມຫຼ້າສຸດ

ລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ)

ສຕລ ປະກາດລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ) ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ...

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...