spot_img
Homeນານາສາລະວິທີທວງໜີ້ແບບໃດໃຫ້ໄດ້ຄືນ ແລະ ຖືກກົດໝາຍ

ວິທີທວງໜີ້ແບບໃດໃຫ້ໄດ້ຄືນ ແລະ ຖືກກົດໝາຍ

Published on

ເວລາມາຂໍຢືມເງິນນັ້ນງ່າຍ ແຕ່ເມື່ອທວງໜີ້ນັ້ນ ທີ່ສຸດຂອງຄວາມຍາກ ສະນັ້ນ ຈຶ່ງຈະມາສະເໜີວິທີການທວງໜີ້ແບບໃດ ໃຫ້ໄດ້ເງິນຄືນ ແລະ ຖືກກົດໝາຍ.

  1. ຕ້ອງຕັ້ງສະຕິ ແລະ ໃຈເຢັນ

ທັ້ງນີ້ ການຕັ້ງສະຕິເປັນສິ່ງສຳຄັນຫຼາຍ ແລະ ຕ້ອງໃຈເຢັນຄ່ອຍເວົ້າກັບລູກໜີ້ ເພື່ອບໍ່ໃຫ້ທັງ 2 ຝ່າຍຕຶງຄຽດ ໃນການເວົ້າກັບລູກໜີ້ດ້ວຍຄວາມໃຈເຢັນ ກໍອາດຈະເຮັດໃຫ້ລູກໜີ້ເກີດຄວາມເກງໃຈ ແລະ ມີການຊຳລະໜີ້ໄດ້ໄວຂຶ້ນ.

2. ໃຫ້ກຽດລູກໜີ້ທັງຕໍ່ໜ້າ ແລະ ຫຼັບຫຼັງ ບໍ່ຄວນທວງຕໍ່ໜ້າຄົນອື່ນ

ບໍ່ວ່າຈະຕໍ່ໜ້າ ຫຼື ຫຼັບຫຼັງ ເປັນສິ່ງສຳຄັນຫຼາຍເພາະ ການທີ່ຈະເວົ້າເລື່ອງລູກໜີ້ໃຫ້ຄົນອື່ນຟັງ ເມື່ອໃດທີ່ລູກໜີ້ຮັບຮູ້ອາດຈະເຮັດໃຫ້ລູກໜີ້ຍາກທີ່ຈະຊຳລະຄືນ ທີ່ສຳຄັນບໍ່ຄວນທວງໜີ້ຕໍ່ໜ້າຄົນອື່ນເຊັ່ນ: ເວລາກິນເຂົ້າຮ່ວມກັນຫຼາຍຄົນ, ທວງຕໍ່ໜ້າໝູ່, ທວງຜ່ານການໂພສໃນເຟສບຸກ, ໄປຢືນຮ້ອງຕໍ່ໜ້າເຮືອນລູກໜີ້ ແລະ ອື່ນໆ ການທວງແບບນີ້ຖືເປັນການບໍ່ໃຫ້ກຽດລູກໜີ້ ຍັງສ້າງຄວາມເສຍຫາຍທາງດ້ານຊື່ສຽງ ແລະ ອາດເຮັດໃຫ້ລູກໜີ້ສາມາດດຳເນີນຄະດີເຮົາໄດ້.

3.​ ແຈ້ງໃຫ້ລູກໜີ້ຮັບຮູ້ກ່ຽວກັບບັນຫາ ແລະ ຄວາມເສຍຫາຍທີ່ຈະເກີດຂຶ້ນ

ໃນການປ່ອຍໃຫ້ກູ້ຢືມກ່ອນ ແລ້ວຈຶ່ງມາຊຳລະພາຍຫຼັງ ແຕ່ເມື່ອລູກໜີ້ບໍ່ຊຳຕາມກຳນົດ ເຮົາກໍຕ້ອງບອກລູກໜີ້ເຖິງບັນຫາຕ່າງໆທີ່ຈະເກີດຂຶ້ນ ອາດຈະຊ່ວຍໃຫ້ເຮົາໄດ້ຮັບເງິນໄດ້ໄວຂຶ້ນ.

4. ການທວງໜີ້ຕ້ອງມີຫຼັກຖານກຽມໄວ້

ຫຼັກຖານໃນການກູ້ຢືມເຊັ່ນ: ປະຫວັດການສົນທະນາຜ່ານທາງມືຖື ຄວນເກັບໄວ້ ເພື່ອບໍ່ໃຫ້ເກີດບັນຫາໃນພາຍຫຼັງ ເມື່ອລູກໜີ້ບໍ່ຍອມຮັບວ່າຕົວເອງຢືມເງິນ ຫຼື ຜິດນັດຊຳລະໜີ້.

5. ສົ່ງຈົດໝາຍທວງໜີ້

ວິທີນີ້ຖືໄດ້ວ່າເປັນວິທີທີ່ດີ ເພື່ອຫຼີກລ່ຽງຕໍ່ການປະທະກັນ ຫຼື ອາດມີການເວົ້າຂັດກັນ ເພາະການສົ່ງຈົດໝາຍຜ່ານຂົນສົ່ງກໍເພື່ອໃຫ້ລູກໜີ້ຮັບຮູ້ວ່າ ຈຳນວນໜີ້ທີ່ຕ້ອງຈ່າຍມີເທົ່າໃດ, ກຳນົດຈ່າຍມື້ໃດ, ມີຫຍັງຕ້ອງຮັບຜິດຊອບແດ່ຖ້າບໍ່ຈ່າຍ ແລະ ຕ້ອງມີຫຼັກຖານວ່າ ມີການທວງຖາມໄປແລ້ວ.

6. ໃຊ້ກົດໝາຍຊ່ວຍ

ເມື່ອເຮົາຢູ່ໃນຈຸດທີ່ເຮັດທຸກວິທີແລ້ວ ແຕ່ລູກໜີ້ກໍຍັງບໍ່ຊຳລະຄືນ ທັ້ງນີ້ກໍຈຳເປັນທີ່ຈະຕ້ອງໄດ້ໃຊ້ກົດໝາຍເຂົ້າຊ່ວຍ ໂດຍຂັ້ນທຳອິດຈະຕ້ອງໄປແຈ້ງບ້ານ ເພື່ອເຮັດບົດບັນທຶກລະຫວ່າງທັງ 2 ຝ່າຍ, ແຕ່ເມື່ອລູກໜີ້ບໍ່ປະຕິບັດຕາມບົດບັນທຶກທີ່ໄດ້ຕົກລົງກັນໄວ້, ຂັ້ນຕໍ່ໄປກໍແມ່ນຂຶ້ນສານ ແລະ ປ່ອຍໃຫ້ເປັນໄປຕາມກົດໝາຍ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...