ເສດຖາ ທະວີສິນ ຊື່ຫຼິ້ນ “ນິດ” ເກີດວັນທີ 15 ກຸມພາ 1963 ປັດຈຸບັນອາຍຸ 60 ປີ, ຈົບການສຶກສາລະດັບປະລິນຍາໂທສາຂາການເງິນຈາກໂຮງຮຽນ Claremont Graduate School ສະຫະລັດອາເມລິກາ, ເລີ່ມເຮັດວຽກໃນປີ 1986 ເປັນຜູ້ຊ່ວຍຜູ້ຈັດການຜະລິດຕະພັນບໍລິສັດ P&G ປະເທດໄທ (ຈຳກັດ) ກ່ອນເຂົ້າຮັບຕໍາແໜ່ງປະທານອຳນວຍການ ແລະ ກຳມະການຜູ້ຈັດການໃຫຍ່ ທີ່ບໍລິສັດ ແສນສິຣິ (ມະຫາຊົນ)
ໃນຕົ້ນເດືອນເມສາ 2023, ເສດຖາ ໄດ້ປະກາດລາອອກຈາກທຸກຕໍາແຫນ່ງ ແສນສິຣິ ທັງຫມົດ, ພ້ອມໂອນຫຸ້ນທັງໝົດຂອງບໍລິສັດ ແສນສິຣິ ຈຳກັດ (SIRI) ຈຳນວນ 661,002,734 ຮຸ້ນ ໃຫ້ກັບ ນາງຊະນັນດາ ທະວີສິນ ຜູ້ເປັນລູກສາວ ໂດຍບໍ່ມີຄ່າຕອບແທນ ເພື່ອສະແດງຄວາມບໍລິສຸດໃຈຂອງຕົນ, ກະກຽມເຂົ້າຮ່ວມວຽກງານການເມືອງໃນຖານະເປັນຜູ້ສະໝັກຮັບເລືອກຕັ້ງເປັນນາຍົກລັດຖະມົນຕີຂອງພັກເພື່ອໄທ.
ຫຼັງຈາກການວາງມືຂອງຕົນກ່ຽວກັບບົດບາດຂອງນັກທຸລະກິດ ໂດຍເລີ່ມໜ້າທີ່ນັກການເມືອງຂອງ ທ່ານ ເສດຖາ ທະວີສິນ, ກໍໄດ້ລົງເຄື່ອນໄຫວໂຄສະນາຫາສຽງປະຊາຊົນຢູ່ເຂດຕ່າງໆໃນທົ່ວປະເທດ, ຕາມຜົນການເລືອກຕັ້ງໃນເດືອນພຶດສະພາ 2023, ພັກເພື່ອໄທ ໄດ້ຮັບທັງໝົດ 141 ສຽງ, ເປັນອັນດັບທີ 2 ຂອງຜົນການເລືອກຕັ້ງ ແລະໄດ້ກາຍເປັນພັກຈັດຕັ້ງລັດຖະບານ ໃນຖານະເປັນຜູ້ສະໝັກຂອງພັກເພື່ອໄທ ຈຶ່ງກະກຽມເປັນນາຍົກລັດຖະມົນຕີຄົນທີ 30 ຫຼື ນາຍົກລັດຖະມົນຕີຄົນໃໝ່ຂອງປະເທດໄທ.
ທີ່ມາ: ໄທລັດ