ອົງການອະນາໄມໂລກ (WHO) ແນະນຳ ໃຫ້ຫຼີກລ່ຽງການໃຊ້ສານໃຫ້ຄວາມຫວານແທນນ້ຳຕານເພື່ອຄວບຄຸມນ້ຳໜັກ ພ້ອມທັງບອກວ່າ ມັນບໍ່ມີປະໂຫຍດໃນການຊ່ວຍຫຼຸດໄຂມັນ ແລະ ອາດເພີ່ມຄວາມສ່ຽງໃນການເກີດໂຣກເບົາຫວານປະເພດ 2 ໂຣກຫົວໃຈ ແລະ ຫຼອດເລືອດ ແລະ ອາດຮຸນແຮງເຖິງຂັ້ນເສຍຊີວິດໄດ້ ໂດຍສະເພາະໃນກຸ່ມຜູ້ສູງອາຍຸ.
ໃນວັນທີ 15 ພຶດສະພາ 2023 ໂດຍ WHO ໄດ້ອອກມາໃຫ້ຄຳແນະນຳວ່າ ບໍ່ຄວນໃຊ້ສານໃຫ້ຄວາມຫວານແທນນ້ຳຕານເພື່ອຄວບຄຸມນ້ຳໜັກ ໂດຍແນະນຳນີ້ຍັງລວມເຖິງສານໃຫ້ຄວາມຫວານທັງສັງເຄາະ ດັດແປງ ຫຼື ເກີດຕາມເອງທຳມະຊາດອື່ນໆ ທັ້ງນີ້ ທີ່ບໍ່ໄດ້ຈັດຢູ່ໃນປະເພດຂອງນ້ຳຕານເຊັ່ນ Saccharin, Stevia, Aspartame, Advantame, Cyclamate, Acesulfame K ທີໃຫ້ຄວາມຫວານປະມານ 200 ເທົ່າຂອງນ້ຳຕານ, ສ່ວນ Sucralose ທີ່ໃຫ້ຄວາມຫວານປະມານ 600 ເທົ່າຂອງນ້ຳຕານ ຫວານເກືອຍບຄ້າຍນ້ຳຕານ ແລະ Neotame ທີ່ໃຫ້ຄວາມຫວານປະມານ 7.000-13.000 ເທົ່າຂອງນ້ຳຕານ ແລະ ບໍ່ມີພະລັງງານແຄລໍລີ່.
ປັດຈຸບັນ ສານໃຫ້ຄວາມຫວານແທນນ້ຳຕານ ເປັນທີ່ນິຍົມແທນການບໍລິໂພກນ້ຳຕານ ເຊິ່ງມັນຈະມີແຄລໍລີ່ຕ່ຳ ຫຼື ບໍ່ມີເລີຍ ສານນີ້ໄດ້ຮັບການຂາຍໃນຜະລິດຕະພັນຢ່າງແຜ່ຫຼາຍ ໃນຖານະທາງເລືອກທີ່ອາດມີສ່ວນຊ່ວຍໃນການຄວບຄຸມນ້ຳໜັກໃຫ້ຢູ່ເກນປົກກະຕິ.