ເມື່ອຕາກະຕຸກ ຄົນສ່ວນຫຼາຍກໍມັກຈະເຊື່ອເລື່ອງ “ຂວາຮ້າຍ ຊ້າຍດີ” ແລະ ເຊື່ອກັບເລື່ອງນີ້ແທ້ໆ ທ່ານຮູ້ຫຼືບໍ່ວ່າຕາກະຕຸກເກີດມາຈາກປັດໄຈໃດແນ່?
ອາການຕາກະຕຸກມີຄວາມຮຸນແຮງຕັ້ງແຕ່ຕາກະຕຸກເລັກໜ້ອຍ ຈົນເຖິງ ຕາກະຕຸກຈົນຕາປິດ, “ຕາກະຕຸກ” ເປັນອາການໜັງຕາ ຫຼື ເປືອກຕາກະຕຸກ ເປັນໄດ້ທັງເປືອກຕາດ້ານເທິງ ແລະ ດ້ານລຸ່ມ.
ປັດໄຈສ່ຽງຂອງອາການຕາກະຕຸກ
- ການໃຊ້ສາຍຕາໜັກເຊັ່ນ ເບິ່ງຄັອມພິວເຕີ ຫຼື ອຸປະກອນອີເລັກໂຕນິກດົນໆ.
- ຄວາມຄຽດ ຫຼື ຄວາມກັງວົນ.
- ພັກຜ່ອນບໍ່ພຽງພໍ.
- ດື່ມເຄື່ອງດື່ມ ທີ່ມີຄາເຟອິນຫຼາຍ ຫຼື ເຄື່ອງດື່ມທີ່ມີທາດເຫຼົ້າ.
- ການສູບຢາ.
- ການອອກກຳລັງກາຍ.
- ຕາກະທົບກັບແສງແຈ້ງຫຼາຍ.
- ອາການຂ້າງຄຽງຂອງໂຣກລົມຊັກ.
ຕາກະຕຸກແບບໃດ ຈຶ່ງເອີ້ນວ່າບໍ່ປົກກະຕິ
ຕາກະຕຸກບໍ່ວ່າຊິເປັນດ້ານຊ້າຍ ຫຼື ດ້ານຂວາ ມັນບໍ່ເປັນອັນຕະລາຍໃດໆເລີຍ, ແລ້ວແບບໃດຈຶ່ງແມ່ນ ຕາກະຕຸກທີ່ຈະອັນຕະລາຍ?
- ຕາກະຕຸກຕິດຕໍ່ກັນທຸກມື້ 1-2 ອາທິດ.
- ມີອາການກະຕຸກທີ່ບໍລິເວນອື່ນເຊັ່ນ ມຸມປາກ.
- ຕາກະຕຸກພ້ອມກັນ 2 ຂ້າງ.
- ຕາກະຕຸກແຮງຫຼາຍົນຕາປິດ ທີ່ລົບກວນການເຮັດວຽກ ແລະ ການໃຊ້ຊີວິດປະຈຳວັນ.
- ຕາມີອາການຜິດປົກກະຕິເຊັ່ນ ຕາບວມ ຕາແດງ ມີຂີ້ຕາຫຼາຍ.
ເມື່ອທ່ານພົບວ່າ ຕາຕົນເອງກະຕຸກຕາມລັກສະນະຂ້າງເທິງນີ້ ຮີບໄປພົບໝໍດ່ວນ.
ທີ່ມາ healthdirect, bangkokhospital