ພາຍຫຼັງເຈົ້າໜ້າທີ່ໜ່ວຍງານວິຊາສະເພາະຄະດີອາຍາ ປກສ ເມືອງໂພນໂຮງແຂວງວຽງຈັນ ໄດ້ຮັບແຈ້ງຄວາມຈາກຜູ້ເສຍຫາຍວ່າ: ມີຄົນບໍ່ດີເຄື່ອນໄຫວເຂົ້າມາລັກຊັບຢູ່ທີ່ເຮືອນຂອງຜູ້ເສຍຫາຍ ບ້ານນໍ້າແຈ້ງ ສະນັ້ນເຈົ້າໜ້າທີ່ໜ່ວຍງານວິຊາສະເພາະຄະດີອາຍາ ກອງບັນຊາການ ປກສ ເມືອງໂພນໂຮງ ຈຶ່ງໄດ້ລົງເກັບກໍາຂໍ້ມູນພ້ອມທັງສົມທົບກັບອໍານາດການປົກຄອງບ້ານນໍ້າແຈ້ງ ເລັ່ງຕິດຕາມຂື້ນເປົ້າໝາຍຜູ້ລັກຊັບພົນລະເມືອງ ຈຶ່ງສາມາດກັກຕົວເປົ້າໝາຍໄດ້ 1 ຄົນ ຄື: ທ້າວ ແອນ້ອຍ ອາຍຸ 40 ປີ ປະຊາຊົນຢູ່ບ້ານນໍ້າແຈ້ງ ເມືອງ ໂພນໂຮງ ແຂວງວຽງຈັນ ກັກຕົວຄັ້ງວັນທີ 18 ພຶດສະພາ 2023 ໃນຂໍ້ກ່າວຫາລັກຊັບພົນລະເມືອງ ມາທຳການສຶບສວນ-ສອບສວນ.
ຜ່ານການສືບສວນ – ສອບສອນຂອງເຈົ້າໜ້າທີ່ ທ້າວ ແອນ້ອຍ ໄດ້ໃຫ້ການຮັບສາລະພາບວ່າ: ໃນຄັ້ງວັນທີ 03 ພຶດສະພາ 2023 ຜູ້ກ່ຽວແມ່ນໄດ້ປິນເຂົ້າປ່ອງຢ້ຽມແລ້ວເຂົ້າໄປລັກເອົາເງິນ ແລະ ວັດຖຸຄ້າຍຄືຄໍາ ຢູ່ທີ່ບ້ານນໍ້າແຈ້ງ ເມືອງໂພນໂຮງ ຢູ່ໃນກະເປົາເທິງຕູ້ຫົວຕຽງນອນຢ່າງແທ້ຈິງ, ສ່ວນວິທີການ ແລະ ແຮງຈູງໃຈໃນການກໍ່ເຫດໃນຄັ້ງນີ້ຍ້ອນວ່າ: ໄລຍະເດືອນຜ່ານມາຜູ້ກ່ຽວແມ່ນໄດ້ສັງເກດເຫັນຜູ້ເສຍຫາຍໃສ່ເຄື່ອງປະດັບ (ປະເພດສາຍຄໍາເສັ້ນໃຫຍ່) ແລ້ວຈື່ງມີແນວຄິດຢາກໄດ້ ຫຼັງຈາກນັ້ນຜູ້ກ່ຽວຈຶ່ງໄດ້ວາງແຜນ, ຕິດຕາມ, ຫາໂອກາດໄດ້ປະມານ 05 ມື້ ຜູ້ກ່ຽວແມ່ນໄດ້ຍ່າງກັບມາແຕ່ຮ້ານພໍຍ່າງຮອດໜ້າເຮືອນຜູ້ເສຍຫາຍ ໃນເວລານັ້ນຜູ້ກ່ຽວໄດ້ສັງເກດເຫັນເຈົ້າຂອງເຮືອນໄປນັ່ງຫຼີ້ນຢູ່ຫຼັງບ້ານ ຕອນນັ້ນໃນເຮືອນກໍ່ບໍ່ມີໃຜຢູ່ ຈາກນັ້ນຜູ້ກ່ຽວຈຶ່ງໄດ້ສວຍໂອກາດປິນເຂົ້າທາງປ່ອງຢ້ຽມເຮືອນຄົວແລ້ວເຂົ້າໄປໃນເຮືອນໃຫຍ່ ແລະ ໄດ້ຍ່າງເຂົ້າໄປໃນຫ້ອງນອນແລ້ວເຫັນກະເປົາທີ່ວ່າງຢູ່ໃນຕູ້ຫົວຕຽງນອນຈຶ່ງໄດ້ຈັບເອົາ ແລ້ວກໍ່ຍ່າງອອກມາພ້ອມທັງເຊື່ອງກະເປົາໄວ້ໃນເສື້ອນຸ່ງ ຫຼັງຈາກນຜູ້ກ່ຽວມາຮອດເຮືອນຈຶ່ງໄດ້ກວດເບິ່ງໃນກະເປົາເຫັນວ່າມີ ເງິນກີບທະນາຄານ ຈໍານວນ 6,000,000 ກີບ, ວັດຖຸຄ້າຍຄືຄໍາຈໍານວນ 02 ເສັ້ນພ້ອມກີ້ພຣະ 01 ອັນ ແລະ ສາຍແຂນຄ້າຍຄືຄໍາຈໍານວນ 01 ເສັ້ນ, ຈາກນັ້ນຜູ້ກ່ຽວໄດ້ເອົາເງີນໄວ້ຖົງໂສ້ງ ສ່ວນວັດຖຸຄ້າຍຄືຄໍາແມ່ນເອົາໄປເຊືອງໄວ້ຕູ້ເສື້ອຜ້າໃນຫ້ອງນອນຂອງຜູ້ກ່ຽວ, ຕົກມາຮອດວັນທີ 06 ພຶດສະພາ 2023 ຜູ້ກ່ຽວໄດ້ເອົາເງີນທີ່ລັກມາຈໍນວນ 2,000,000 ກີບ ໄປຈ່າຍຫຼີ້ນກີນູມເຟື່ອຍຈົນໜົດ, ວັນທີ 09 ພຶດສະພາ 2023 ເມຍຂອງຜູ້ກ່ຽວບໍ່ມີເງີນຊື້ເຄື່ອງເຂົ້າຮ້ານ ແລ້ວຜູ້ກ່ຽວກໍ່ໄດ້ເອົາໃຫ້ຈໍານວນ 2,000,000 ກີບ ໃນເວລານັ້ນເມຍຂອງຜູ້ກ່ຽວກໍ່ໄດ້ຖາມວ່າ ເງິນເອົາມາແຕ່ໃສ່ ຜູ້ກ່ຽວຈຶ່ງໄດ້ຕອບເມຍວ່າ ເອົາມາແຕ່ໃສ່ກະຢ່າຖາມ ເອົາໃຫ້ລະຮີບເອົາ, ສ່ວນເງິນທີ່ຍັງເຫຼືອແມ່ນຜູ້ກ່ຽວເອົາໄວ້ຫຼີ້ນກີນຟູມເຟື້ອຍຈົນຫໜົດ, ຕົກມາຮອດ ວັນທີ 17 ພຶດສະພາ 2023 ຜູ້ກ່ຽວໄດ້ຊວນເມຍເອົາຄໍາ(ປະເພດສາຍແຂນ)ໄປຂາຍຢູ່ຕະຫຼາດເມືອງປາກຊັນ ແຂວງບໍລິຄໍາໄຊ ໄດ້ເງິນຈໍານວນ 12,500,000 ກີບ ຫຼັງຈາກໄດ້ເງີນແລ້ວຜູ້ກ່ຽວກໍ່ໄດ້ກັບບ້ານ ແຕ່ຍ້ອນຄວາມເອົາໃຈໃສ່ຂອງເຈົ້າໜ້າທີ່ຕໍາຫຼວດໃນການຕິດຕາມເປົ້າໜາຍ, ເກັບກໍາຂໍ້ມູນໃນທີ່ສຸດກໍ່ສາມາດຈັບຕົວທ້າວ ແອນ້ອຍ ໄດ້ໃນຄັ້ງວັນທີ 18 ພຶດສະພາ 2023 ມາດໍາເນີນຄະດີຕາມລະບຽບກົດໜາຍ.
ຜ່ານການສືບສວນ-ສອບສວນ ເກັບກຳຂໍ້ມູນຂອງເຈົ້າໜ້າທີ່ ເຫັນວ່າ ທ້າວ ແອນ້ອຍ ແມ່ນມີເຈດຕະນາເຄື່ອນໄຫວລັກຊັບພົນລະເມືອງ ຢ່າງແທ້ຈິງ, ການກະທຳດັ່ງກ່າວນັ້ນໄດ້ແຕະຕ້ອງເຖິງຊັບສິນຂອງບຸກຄົນ ແລະ ສັງຄົມມີຄວາມເສຍຫາຍ, ສ້າງຄວາມບໍ່ເປັນລະບຽບຮຽບຮ້ອຍຕໍ່ສັງຄົມ ເຊິ່ງການກະທຳຜິດດັ່ງກ່າວແມ່ນຜິດຕໍ່ກົດໝາຍອາຍາໃນມາດຕາ 231 ສະຖານລັກຊັບພົນລະເມືອງປະຈຸບັນເຈົ້າໜ້າທີ່ກອງບັນຊາການ ປກສ ເມືອງໂພນໂຮງ ໄດ້ສັງລວມຂໍ້ມູນຫຼັກຖານເພື່ອດຳເນີນຄະດີໃນຂັ້ນຕໍ່ໄປ.