spot_img
Homeຂ່າວພາຍ​ໃນນະຄອນຫຼວງພະບາງ ທຳລາຍສິນຄ້າໝົດອາຍຸ-ເສື່ອມຄຸນນະພາບ

ນະຄອນຫຼວງພະບາງ ທຳລາຍສິນຄ້າໝົດອາຍຸ-ເສື່ອມຄຸນນະພາບ

Published on

ນະຄອນຫຼວງພະບາງ ຈັດພິທີ ທໍາລາຍສິນຄ້າໝົດອາຍຸການນໍາໃຊ້, ສິນຄ້າເສື່ອມຄຸນ ນະພາບ, ສິນຄ້ານໍາເຂົ້າບໍ່ຖືກຕ້ອງ ແລະ ສິນຄ້າປອມແປງຕ່າງໆ ຂຶ້ນເມື່ອບໍ່ດົນມານີ້ ທີ່ສະໜາມເກັບມ້ຽນຂີ້ເຫຍື້ອນະຄອນຫຼວງພະບາງ ແຂວງຫຼວງພະບາງ ໂດຍການເຂົ້າຮ່ວມຂອງ ທ່ານ ບຸນລຽງ ແກ້ວມະນີ ປະທານກວດກາພັກ-ລັດ ນະຄອນຫຼວງພະບາງ ແລະ ມີຜູ້ຕາງໜ້າຈາກຫ້ອງການທີ່ກ່ຽວຂ້ອງເຂົ້າຮ່ວມ.

ທ່ານ ສົມຫວັງ ພົມມະກອນ ຫົວໜ້າຫ້ອງການອຸດສາຫະກຳ ແລະ ການຄ້າ ນະຄອນ ຫຼວງພະບາງ ໄດ້ລາຍງານວ່າ: ເຈົ້າໜ້າທີ່ກວດກາການຄ້າ ໄດ້ເອົາໃຈໃສ່ລົງກວດກາການລະເມີດລະບຽບຄຸ້ມຄອງທາງການຄ້າ, ການດຳເນີນທຸລະກິດທີ່ບໍ່ຖືກຕ້ອງ ແລະ ການຄ້າຂາຍສິນຄ້ານອກລະບົບ, ໄດ້ເຄື່ອນໄຫວລົງກວດກາຫົວໜ່ວຍທຸລະກິດ, ຫ້າງຮ້ານພາຍໃນນະຄອນ-ຫຼວງພະບາງ ໄດ້ທັງໝົດ 12 ຄັ້ງ, ມີຫົວໜ່ວຍທຸລະກິດ 8 ຫົວ ໜ່ວຍ ສາມາດກວດຢຶດສິນຄ້າ, ວັດຖຸ-ອຸປະກອນ ໄດ້ທັງໝົດ 67 ລາຍການ ລວມມູນຄ່າ 412 ລ້ານກວ່າກີບ.

ນອກຈາກນັ້ນ, ຍັງໄດ້ຢຶດພາຫະນະປະເພດລົດ 6 ລໍ້ ຈໍານວນ 1 ຄັນ, ດຳເນີນມາດຕະການຈັດຕັ້ງປະຕິບັດແຍກສີນຄ້າເຊື່ອມຄຸນ, ໝົດອາຍຸ ມີທັງໝົດ 84 ຫົວໜ່ວຍ ມີສິນຄ້າ 49 ລາຍການ ລວມມູນຄ່າ 21 ລ້ານກວ່າກີບ, ກວດກາສິນຄ້າປອມແປງ-ລອກຮຽນແບບ ມີ 1 ຫົວໜ່ວຍ ມີ 18 ລາຍການ ມູນຄ່າ 390 ລ້ານກີບ ແລະ ພາຫະນະລົດຫົກລໍ້ 1 ຄັນ, ສິນຄ້າດັ່ງກ່າວແມ່ນ ມີເຈົ້າຂອງສິດທິບັດ ທີ່ໄດ້ຈົດສິດທິບັດສະຫຼາກ (ລິຂະສິດ) ຖືກຕ້ອງຕາມກົດໝາຍ ສປປ ລາວ ມາດຕະການຈັດຕັ້ງປະຕິບັດ ມີສອງຮູບແບບຄື: ເຈົ້າຂອງສິດທິບັດຮ້ອງຟ້ອງ ແລະ ເຈົ້າຂອງສິດທິບັດບໍ່ຮ້ອງຟ້ອງ, ສິນຄ້າທີ່ມີເຈົ້າຂອງສິດທິບັດ ຮ້ອງຟ້ອງມີ 3 ຍີ່ຫໍ້ ລວມວັດຖຸອຸປະກອນທັງໝົດ 11 ລາຍການ ມູນຄ່າ 136 ລ້ານກວ່າກີບ, ສິນຄ້າພ້ອມວັດຖຸອຸປະກອນ ແມ່ນໄດ້ມອບໃຫ້ເຈົ້າໜ້າທີ່ຕໍາຫຼວດ ເພື່ອເປັນຂອງກາງດຳ ເນີນຄະດີຕາມລະບຽບກົດໝາຍ.

ປັດຈຸບັນ, ຄະດີດັ່ງກ່າວແມ່ນຢູ່ໃນຊັ້ນສານ, ສຳລັບສິນຄ້າທີ່ເຈົ້າຂອງສິດທິບັດບໍ່ຮ້ອງຟ້ອງ ມີ 4 ຍີ່ຫໍ້ ລວມ 8 ລາຍການ ມູນຄ່າ 253 ລ້ານກວ່າກີບ, ແມ່ນແຍກເປັນສອງປະເພດສິນຄ້າ ຄື: ສິນຄ້າທີ່ບໍ່ມີຜົນກະທົບຕໍ່ການນຳໃຊ້ (ຝອຍພັດຖ້ວຍ) ແມ່ນຈັດໄປບໍລິຈາກເພື່ອເປັນສາທາລະນະປະໂຫຍດ ແລະ ສິນຄ້າທີ່ມີຜົນກະທົບຕໍ່ການຊົມໃຊ້ຂອງປະຊາຊົນ ລວມມີ ແປ້ງນົວ, ແຟັບ ມີ 6 ລາຍການ ມູນຄ່າ 211.380.000 ກີບ ແມ່ນໄດ້ຈັດພິທີທຳລາຍຖິ້ມຕາມລະບຽບການ, ລວມມູນຄ່າ ສິນຄ້າເຊື່ອມຄຸນ, ເສຍຄຸນ, ສິນຄ້າປອມແປງ ທີ່ລະເມີດລະບຽບຄຸ້ມຄອງທາງການຄ້າທີ່ຈັດພິທີທຳລາຍຖິ້ມໃນຄັ້ງນີ້ ມີທັງໝົດ 55 ລາຍການ ລວມມູນຄ່າ 233.102.000 ກີບ.

ທີ່ມາ: ຄວາມສະຫງົບ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...