spot_img
Homeຂ່າວພາຍ​ໃນໂຈະຮັບເອກະສານການຂໍອະນຸຍາດດຳເນີນການບໍລິການຈັດຫາງານຊົ່ວຄາວ

ໂຈະຮັບເອກະສານການຂໍອະນຸຍາດດຳເນີນການບໍລິການຈັດຫາງານຊົ່ວຄາວ

Published on

ອີງຕາມ ຂໍ້ຕົກລົງວ່າດ້ວຍ ການຈັດຕັ້ງ ແລະ ເຄື່ອນໄຫວຂອງຫ້ອງການ ກະຊວງ ແຮງງານ ແລະ ສະຫວັດດີການສັງຄົມ ສະບັບເລກທີ 0888 / ຮສສ, ລົງວັນທີ 18 ມີນາ 2022;

ອີງຕາມ ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ສະບັບເລກທີ 1481/ຫສນຍ, ລົງວັນທີ 14 ຕຸລາ 2022 ຕອນທ້າຍຂໍ້ທີ 1 ທີ່ຊີ້ນໍາວ່າ ໃຫ້ກະຊວງ ແຮງງານ ແລະ ສະຫວັດດີການສັງຄົມ ປະເມີນຄືນ ບັນດາບໍລິສັດຈັດຫາງານ ຖ້າບໍລິສັດໃດຫາກບໍ່ປະຕິບັດຕາມກົດຫມາຍ ແລະ ລະບຽບການກ່ຽວຂ້ອງ ແມ່ນໃຫ້ ກ້າວໄປສູ່ການຖອນໃບອະນຸຍາດ.

ເພື່ອເຮັດໃຫ້ ການຈັດຫາງານຂອງບັນດາວິສາຫະກິດຈັດຫາງງານ ທີ່ກະຊວງແຮງງານ ແລະ ສະຫວັດດີການ ສັງຄົມໄດ້ອະນຸຍາດໄປແລ້ວ ໄດ້ຮັບການປັບປຸງ ເພື່ອຫັນເຂົ້າສູ່ການມີຄຸນນະພາບສູງຂຶ້ນ ຕາມທິດຊີ້ນໍາຂອງຂັ້ນເທິງ ທີ່ຖື ເອົາຄຸນນະພາບຂອງການໃຫ້ການບໍລິການເປັນກົກ ກະຊວງແຮງງານ ແລະ ສະຫວັດດີການສັງຄົມ ມີຄວາມຈໍາເປັນຕ້ອງ ໄດ້ດໍາເນີນການປະເມີນຈັດລະດັບການດໍາເນີນທຸລະກິດຂອງບັນດາບໍລິສັດຈັດຫາງງານທັງຫມົດທີ່ກໍາລັງເຄື່ອນໄຫວຢູ່ໃນ ປະຈຸບັນ ໂດຍຈະເລີ່ມແຕ່ວັນທີ 02 ພຶດສະພາ 2023 ເປັນຕົ້ນໄປ ຈົນຮອດວັນທີ 31 ກໍລະກົດ 2023 ເປັນຢ່າງໄວ.

ຫ້ອງການ ກະຊວງ ແຮງງານ ແລະ ສະຫວັດດີການສັງຄົມ ແຈ້ງການມາຍັງບັນດາທ່ານ ແລະ ທຸກພາກສ່ວນ ຊາບວ່າ: ໃນຊ່ວງໄລຍະເວລາດັ່ງກ່າວມາຂ້າງເທິງນັ້ນ ກະຊວງຈະໂຈະການຮັບເອກະສານ ທີ່ມີຈຸດປະສົງ ເພື່ອສະເຫນີ ຂໍອະນຸຍາດສ້າງຕັ້ງ ຫຼື ດໍາເນີນທຸລະກິດກ່ຽວກັບການບໍລິການຈັດຫາງານໄປກ່ອນ ເມື່ອສິ້ນສຸດເວລາຂອງການໂຈະ ຈະ ໄດ້ແຈ້ງໃຫ້ຊາບຢ່າງເປັນທາງການກ່ຽວກັບການສືບຕໍ່ຮັບການສະເຫນີຂໍອະນຸຍາດຕາມລະບຽບການທີ່ມີຢູ່. ສໍາລັບການ ສະເຫນີມາກ່ອນວັນທີ 02 ພຶດສະພາ 2023 ກະຊວງຈະສືບຕໍ່ພິຈາລະນາຕາມຄວາມເຫມາະສົມກັບສະພາບ ແລະ ເງື່ອນໄຂຕາມຄວາມພ້ອມຕົວຈິງຂອງຜູ້ສະເຫນີ ແລະ ຕາມລະບຽບການທີ່ມີຢູ່.

ไม่มีคำอธิบายรูปภาพ

ບົດຄວາມຫຼ້າສຸດ

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...