ໃນວັນທີ 31 ມີນາ 2023 ຜ່ານມານີ້ ເຈົ້າໜ້າທີ່ພະແນກຕຳຫຼວດ ກອງບັນຊາການ ປກສ ເມືອງໂພນໂຮງ ແຂວງວຽງຈັນ ມອບຊັບ ທີ່ຖືກຄົນບໍ່ດີລັກໄປ ໃນຄັ້ງວັນທີ 20 ທັນວາ 2022 ຜ່ານມາ ມີເຄື່ອງຂອງເສຍຫາຍຄື: ວັດຖຸຄ້າຍຄືຄຳ ຈຳນວນ 4 ບາດ, ເງີນກີບ 5,300,000 ກີບ, ເງີນບາດໄທ 4,500 ບາດ, ເງີນໂດລ່າ 30 ໂດລ່າ ສາມາດເກັບກູ້ຄືນມາໄດ້ ມີວັດຖຸຄ້າຍຄືຄໍາ 4 ບາດ ສ່ວນຂອງກາງທີ່ເຫຼືອເຈົ້າໜ້າພະແນກຕໍາຫຼວດ ກອງບັນຊາການ ປກສ ເມືອງໂພນໂຮງ ກຳລັງເລັ່ງຕິດຕາມເກັບກູ້ຄືນ.

ສະນັ້ນມາໃນວັນທີ 31 ມີນາ 2023 ຜ່ານມານີ້ ພະແນກຕຳຫຼວດ ກອງບັນຊາການ ປກສ ເມືອງໂພນໂຮງ ຈຶ່ງໄດ້ເຮັດບົດບັນທຶກ ມອບ-ຮັບ ເຄື່ອງຂອງກາງທີ່ເກັບກູ້ມາໄດ້ຄືນໃຫ້ເຈົ້າຂອງເດີມ ຕາງໜ້າມອບ ວັດຖຸຄ້າຍຄືຄຳ ໂດຍແມ່ນ ພັຕ ພຸດທະສິດ ໄມສິງ ຮອງໜ່ວຍງານສືບສວນ-ສອບສວນຄະດີອາຍາ ພະແນກຕຳຫຼວດ ກອງບັນຊາການ ປກສ ເມືອງໂພນໂຮງ, ຕາງໜ້າຮັບໂດຍ ຄູບາ ສອນ ເຈົ້າອາທິການວັດບ້ານນາໂພເໜືອ ເມືອງໂພນໂຮງ ແຂວງວຽງຈັນ ໂດຍຊ່ອງໜ້າພະນັກງານ-ນັກຮົບ ແລະ ພາກສ່ວນທີ່ກຽ່ວຂ້ອງເຂົ້າຮ່ວມເປັນສັກຂີພະຍານ.

ຂ່າວ: ປກສ ແຂວງວຽງຈັນ