spot_img
Homeຂ່າວຕ່າງປະເທດສອງທະນາຄານໃນອາເມຣິກາຖືກປິດພາຍໃນອາທິດດຽວ

ສອງທະນາຄານໃນອາເມຣິກາຖືກປິດພາຍໃນອາທິດດຽວ

Published on

ບໍ່ເທົ່າໃດມື້ທີ່ຜ່ານມາ ທະນາຄານສຳຄັນ 2 ແຫ່ງໃນສະຫະລັດອາເມຣິກາ ຄື Silvergate Capital (SI) ທະນາຄານຜູ້ໃຫ້ບໍລິການດ້ານເງິນດິຈິຕອນ ຫຼື ຄຣິບໂຕເຄີເລັນຊີ ແລະ Silicon Valley Bank (SVB) ທະນາຄານທີ່ເນັ້ນປ່ອຍເງິນກູ້ໃຫ້ກັບ ກຸ່ມບໍລິສັດສະຕາດອັບ, ທັງ 2 ທະນາຄານໄດ້ປິດກິດຈະການ ຈົນສ້າງແຮງກົດດັນໃຫ້ຕະຫຼາດຫຸ້ນທົ່ວໂລກ ໂດຍສະເພາະຫຸ້ນໃນກຸ່ມທະນາຄານທຸລະກິດຂອງອາເມຣິກາຫຼຸດລົງຫຼາຍ.

ສາເຫດການປິດຂອງ Silvergate Capital 

ເນື່ອງຈາກລູກຄ້າລາຍໃຫຍ່ຄື FTX ເປັນແພຣັດຟອມຊື້ຂາຍສະກຸນເງິນດິຈິຕອນ ທີ່ປະກາດລົ້ມລະລາຍໃນປີກາຍນີ້ ຈຶ່ງເຮັດໃຫ້ຜູ້ກໍ່ຕັ້ງ FTX ຖືກດຳເນິນຄະດີຂໍ້ຫາທາງດ້ານການເງິນຫຼາຍປະການ.

ອີກຢ່າງກໍຄື ວິກິດຄວາມເຊື່ອໝັ້ນທາງດ້ານວົງການເງິນດິຈິຕອນ ຈົນເຮັດໃຫ້ນັກລົງທຶນເລັ່ງຖອນເງິນອອກຈາກບັນຊີທະນາຄານຫຼາຍກວ່າ 8 ພັນລ້ານໂດລາ ຈຶ່ງເຮັດໃຫ້ທະນາຄານບໍ່ມີເງິນມາໝຸນວຽນໃນອົງກອນ.

ເຮັດໃຫ້ທ້າຍປີ 2022 ທະນາຄານມີເງິນຝາກຫຼຸດລົງຫຼາຍ ຈົນທະນາຄານຕ້ອງໄດ້ຂາຍສິນຊັບອື່ນໆ ລວມເຖິງພັນທະບັດລັດຖະບານເພື່ອໃຫ້ມັນປ່ຽນເປັນເງິນສົດໄດ້.

ແຕ່ເນື່ອງຈາກເງິນສົດມີມູນຄ່າໜ້ອຍລົງ ເນື່ອງຈາກອັດຕາດອກເບ້ຍຢູ່ໃນລະດັບສູງ ຈາກສາເຫດດັ່ງກ່າວ ເຮັດໃຫ້ອັດຕາໜີ້ສິນຂອງທະນາຄານ Silvergate Capital ຈາກ 5,1% ໃນຊ່ວງທ້າຍປີ 2022 ໂດຍກ່ອນໜ້ານີ້ຢູ່ມນລະດັບ 10,5%.

ສາເຫດການປິດຂອງ Silicon Valley Bank

Silicon Valley Bank ປິດກິດຈະການພາຍໃຕ້ຄຳສັ່ງຂອງກະຊວງປົກປ້ອງການເງິນ ແລະ ນະວັດຕະກຳແຫ່ງລັດຄາລິຟໍເນຍ, ເນື່ອງຈາກປະເຊີນກັບບັນຫາສະພາບຄ່ອງດ້ານການເງິນ ເພາະກ່ອນໜ້ານີ້ກຸ່ມທຸລະກິດສະຕາດອັບໄດ້ແຫ່ກັນໄປຖອນເງິນຈາກທະນາຄານຢ່າງກະທັນຫັນ ຈົນເຮັດໃຫ້ບໍລິສັດ ພົບກັບບັນຫາຂາດກະແສເງິນສົດໝຸນວຽນ.

ທາງດ້ານປະທານບໍລິຫານສູງສຸດຂອງທະນາຄານ ໄດ້ປະກາດຂາຍຫຸ້ນ ຫຼັງຈາກທີ່ໄດ້ຂາດທຶນຍ້ອນຂາຍພັນທະບັດລັດຖະບານ ທີ່ມີອັດຕາບອກເບ້ຍສູງເຖິງ 5%.

A press release on a sheet of paper is posted on a glass door. A San Francisco street is reflected in the glass.

ນັກວິເຄາະສະຖານະການໃນອະນາຄົດ

ນັກວິເຄາະເບິ່ງວ່າ ຖ້າໃນອະນາຄົດ ທະນາຄານກາງ FED ຍັງປັບຂຶ້ນດອກເບ້ຍແບບຕໍ່ເນື່ອງ ອາດເຖິງ 6%, ແນວນັ້ນ ຈະບໍ່ມີພຽງແຕ່ 2 ທະນາຄານນີ້ທີ່ລົ້ມສະຫຼາຍ.

ຈາກສະຖານະການດັ່ງກ່າວ ອາດເຮັດໃຫ້ປະຊາຊົນຈຳນວນຫຼາຍແຫ່ກັນໄປຖອນເງິນອອກຈາກທະນາຄານທຸລະກິດຕ່າງໆທີ່ບໍ່ມີຄວາມກ່ຽວຂ້ອງກັບວິກິດໃນຄັ້ງນີ້ ຈົນເຮັດໃຫ້ທະນາຄານທຸລະກິດອື່ນໆໄດ້ຮັບຜົນກະທົບໄປຕາມກັນ.

ແຫຼ່ງຂ່າວ nytimes

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...