ໃນວັນທີ 16 ກຸມພາ 2023 ເວລາ 14:45 ຜ່ານມາ, ເກີດເຫດການລັກລົດຈັກ ຢູ່ຫ້ອງເຊົ່າ ເຂດບ້ານ ຫ້ວຍຫົງ ເມືອງໄຊທານີ ນະຄອນຫຼວງວຽງຈັນ.
ຜູ້ເສຍຫາຍໄດ້ແຈ້ງກັບທີມງານລາວໂພສວ່າ: ເມື່ອປະມານ 14:45 ຕາມເວລາການບັນທຶກຂອງກ້ອງວົງຈອນໄດ້ບັນທຶກເອົາໄວ້, ມີຊາຍສອງຄົນ ລັກສະນະໄວກາງຄົນຂັບລົດ ຄິກໄອ ສີດຳແດງ ບໍ່ຊາບປ້າຍທະບຽນ ເຂົ້າມາລັກລົດຈັກຢູ່ທີ່ຫ້ອງເຊົ່າ ຢູ່ທີ່ຮ່ອມ 8 ເຂດບ້ານຫ້ວຍຫົງ ເມືອງໄຊທານີ ນະຄອນຫຼວງວຽງຈັນ ລົດຄັນດັ່ງກ່າວທີ່ຖືກລັກແມ່ນ: ລົດເວັບ 100 ສີດຳຂຽວ ປ້າຍທະບຽນ ດພ 4996, ຈຶ່ງຂໍຄວາມຊ່ວຍເຫຼືອຕໍ່ພໍ່ແມ່ພີ່ນ້ອງໃນການຊ່ວຍຕາມຫາດ້ວຍ.
