spot_img
Homeຂ່າວຕ່າງປະເທດຢາສູບໄຟຟ້າຜິດກົດໝາຍໃນປະເທດໄທ

ຢາສູບໄຟຟ້າຜິດກົດໝາຍໃນປະເທດໄທ

Published on

ຢາສູບໄຟຟ້າ ກໍເປັນຢາສູບທີ່ເຮັດຂຶ້ນຈາກອຸປະກອນບັນຈຸແບັດເຕີລີ່ ທີ່ຈະສົ່ງຜ່ານນິໂຄຕິນໄປຫາຜູ້ສູບ.

ໂດຍຈາກກໍລະນີ ດາລາສາວໄຕ້ຫວັນ ອັນ ວີ່ສິງ ໄດ້ເດີນທາງມາທ່ຽວປະເທດໄທ ແລະ ໄດ້ພົກພາຢາສູບໄຟຟ້າມາ ແຕ່ໄດ້ຖືກປັບໄໝ 27.000 ບາດ ໂດຍບໍ່ອອກໃບສັ່ງປັບໄໝຂໍ້ຫາຫຍັງ ຍ້ອນແນວນີ້ຈຶ່ງເຮັດໃຫ້ສັງຄົມ ແລະ ນັກທ່ອງທ່ຽວທີ່ມາທ່ຽວໃນໄທ ສົງໄສວ່າ “ຢາສູບໄຟຟ້າ” ຜິດກົດໝາຍ ຫຼື ບໍ່.

ທັ້ງນີ້ກໍຍັງພົບນັກທ່ອງທ່ຽວຜູ້ອື່ນທີ່ຖືກກໍລະນີດຽວກັນນີ້ ນຳໃຊ້ຢາສູບໄຟຟ້າ ເພາະພວກເຂົາຄິດວ່າ ໃນປະເທດໄທໄດ້ເຮັດໃຫ້ກັນຊາຖືກກົດໝາຍ ແລ້ວກໍຄິດວ່າຢາສູບໄຟຟ້າກໍຖືກກົດໝາຍເຊັ່ນກັນ ແລະ ກໍຍັງພົບເຫັນຢາສູບໄຟຟ້າຂາຍຕາມຕະຫຼາດທົ່ວໄປອີກດ້ວຍ.

ໃນປະເທດໄທ ກະຊວງສາທາລະນະສຸກ ໄດ້ມີມາດຕະການຫ້າມນຳ “ຢາສູບໄຟຟ້າ” ເຂົ້າມາຈຳໜ່າຍໃນປະເທດໂດຍໃຊ້ກົດໝາຍ 3 ຂໍ້ຄື:

  • ພລບ ຄວບຄຸມຜະລິດຕະພັນຢາສູບ ປີ 1992 ມາດຕາ 10 ເລື່ອງຫ້າມຜະລິດ ນຳເຂົ້າ ເພື່ອຂາຍ ຫຼື ແຈກຈ່າຍ ເປັນການທົ່ວໄປ ຫຼື ໂຄສະນາສິນຄ້າທີ່ມີລັກສະນະ ທີ່ເຮັດໃຫ້ເຂົ້າໃຈວ່າເປັນສິ່ງຮຽນແບບຢາສູບ ມີໂທດປັບໄໝບໍ່ເກີນ 20,000 ບາດ.
  • ພລບ ຢາ ປີ 1967 ມາດຕາ 12 ຫ້າມຜູ້ໃດຜະລິດ ຂາຍ ຫຼື ນຳ ຫຼື ສັ່ງເຂົ້າມາໃນປະເທດໄທ ເວັ້ນແຕ່ໄດ້ຮັບອະນຸຍາດ ຖ້າຝ່າຝືນມີໂທດຈຳຄຸກ 5 ປີ ແລະ ປັບໄໝບໍ່ເກີນ 10.000 ບາດ ແລະ ມາດຕະການ 72 ຫ້າມຜູ້ໃດຜະລິດຂາຍ ຫຼື ນຳເຂົ້າຢາທີ່ບໍ່ໄດ້ຂຶ້ນທະບຽນຕຳລັບຢາ ມາໃນປະເທດໄທ ຝ່າຝືນມີໂທດຈຳຄຸກບໍ່ເກີນ 5 ປີ ແລະ ປັບໄໝບໍ່ເກີນ 20.000 ບາດ.
  • ພລບ ສູນລະກາກອນ ປີ 1967 ມາດຕາ 27 ຜູ້ໃດທີ່ນຳສິ່ງຂອງທີ່ບໍ່ໄດ້ເສຍພາສີ ຫຼື ສິ່ງຂອງຕ້ອງຈຳກັດ ຫຼື ຂອງຕ້ອງຫ້າມ ຫຼື ນຳມາຍັງບໍ່ຜ່ານສູນລະກາກອນຢ່າງຖືກຕ້ອງ ເຂົ້າມາໃນປະເທດໄທ ຄວາມຜິດຄັ້ງ 1 ມີໂທດປັບໄໝເປັນເງິນ 4 ເທົ່າຂອງລາຄາ ເຊິ່ງໄດ້ລວມຄ່າອາກອນເຂົ້າແລ້ວ ຫຼື ຈຳຄຸກບໍ່ເກີນ 10 ປີ.

ຂໍ້ມູນຈາກ amarintv

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...