ສປ ຈີນ ເລີ່ມໃຫ້ປະຊາຊົນເດີນທາງອອກນອກປະເທດ

0
495

ເລີ່ມຄືກຄື້ນ! ສປ ຈີນ ເລີ່ມໃຫ້ປະຊາຊົນເດີນທາງອອກນອກປະເທດ ອີງຕາມສື່ຈີນລາຍງານວ່າ: ມີຫຼາຍປະເທດເລີ່ມກຽມຄວາມພ້ອມເພື່ອຕ້ອນຮັບນັກທ່ອງທ່ຽວຈີນ ເຊັ່ນ: ຫວຽດນາມ ກໍໄດ້ປະກາດຍິນດີຕ້ອນຮັບນັກທ່ອງທ່ຽວຈີນ ພ້ອມສົ່ງເສີມໃຫ້ປະຊາຊົນຫວຽດນາມໄປທ່ອງທ່ຽວຈ ສປ ຈີນ ເຊັ່ນກັນ. ນອກນັ້ນ, ຍັງມີ ໄທ, ສິງກະໂປ, ກຳປູເຈຍ ທີ່ຕ້ອນຮັບນັກທ່ອງທ່ຽວຈີນ ໂດຍບໍ່ເພີ່ມມາດຕະການ.

ທັງນີ້, ຄະນະກຳມະການສາທາລະນະສຸກແຫ່ງຊາດຈີນ (NHC) ປະກາດວ່າ: ຈີນຈະຍົກເລິກມາດຕະການກັກໂຕສຳລັບນັກທ່ອງທ່ຽວທີ່ເດີນທາງຈາກຕ່າງປະເທດ ຕັ້ງແຕ່ວັນທີ 8 ມັງກອນ 2023 ເປັນຕົ້ນໄປ.

ຢ່າງໃດກໍຕາມ, ຈີນຈະຜ່ອນຄາຍມາດຕະການ ຈັດການກ່ຽວກັບໂຄວິດ-19 ສູ່ລະດັບ Category B ຈາກປັດຈຸບັນຢູ່ລະດັບ Category A ທີ່ເປັນມາດຕະການປ້ອງກັນຂັ້ນນສູງສຸດ.