ນັບແຕ່ເດືອນທັນວານັກລົງທຶນຈະບໍ່ຈຳເປັນຕ້ອງນັ່ງລໍຖ້າສົ່ງຄຳ ສັ່ງສຳລັບແລກປ່ຽນຊື້-ຂາຍອີກຕໍ່ໄປ ເພາະຕະຫຼາດ
ຫຼັກຊັບລາວ ຈະຍົກລະດັບການໃຫ້ບໍລິການໃນລະບົບໃໝ່ ເປັນການຈັບຄູ່ຕໍ່ເນື່ອງວິນາທີຕໍ່ວິນາທີ ຕ່າງຈາກປະຈຸບັນ
ທີ່ມີໄລຍະດຳເນີນການເຖິງ 6 ຄັ້ງຕໍ່ວັນ.
ເປັນຜົນສຳເລັດອີກຄັ້ງໃໝ່ໃນຕະຫຼາດທຶນລາວ ທີ່ຈະກ້າວຂ້າມລະບົບການແລກປ່ຽນຊື້ – ຂາຍແບບເປັນໄລຍະໄປເປັນ
ລະບົບຕໍ່ເນື່ອງວິນາທີຕໍ່ວິນາທີຕາມມາດຕະຖານສາກົນນິຍົມ, ທ່ານ ຮສ. ເດດພູວັງ ມູລຣັຕນ໌ ປະທານຄະນະ, ຫົວໜ້າ
ໃຫຍ່ຜູ້ບໍລິຫານຕະຫຼາດຫຼັກຊັບລາວ ກ່າວຕໍ່ທີມຂ່າວເສດຖະກິດມື້ວານນີ້ວ່າ: ໃນເປົ້າໝາຍລວມຂອງການດຳເນີນການ
ແລກປ່ຽນຊື້-ຂາຍໃນລະບົບຕໍ່ ເນື່ອງອັນໜຶ່ງແມ່ນເພື່ອຂ່ຳນັບຮັບຕ້ອນວັນຊາດທີ 2 ທັນວາ, ວັນປີໃໝ່ສາກົນ 2015
ເປັນການປະກອບສ່ວນສ້າງປະຖົມປັດໄຈທາງດ້ານຂໍ້ມູນໃໝ່ກ່ຽວກັບ ການລົງທຶນໃນຕະຫຼາດຫຼັກຊັບລາວໃຫ້ແກ່ແຜນ
ພັດທະນາເສດຖະກິດ- ສັງຄົມ ແຫ່ງຊາດຄັ້ງທີ VII ທີ່ສຳຄັນແມ່ນເພື່ອຕ້ອນຮັບບໍລິສັດນ້ອງໃໝ່ທີ່ເຂົ້າຈົດທະບຽນ ໃນ
ຕະຫຼາດຫຼັກຊັບລາວທ້າຍປີນີ້ຄືປີໂຕຣລ້ຽມ ເທຣດດິ້ງລາວ ມະຫາຊົນ.
ຊຶ່ງຕະຫຼາດຫຼັກຊັບລາວໄດ້ປະຕິບັດຕາມຄຳໝັ້ນສັນຍາທີ່ໃຫ້ໄວ້ ກັບທາງຕະຫຼາດເອງໃນເບື້ອງຕົ້ນວ່າຈະເປີດນຳໃຊ້ຮູບ
ແບບການປະກວດ ແຂ່ງຂັນລາຄາແບບຕໍ່ເນື່ອງໃນການຈັບຄູ່ “ວິນາທີຕໍ່ວິນາທີ” ທັນທີທີ່ມີບໍລິສັດເຂົ້າຈົດທະບຽນເປັນ
ແຫ່ງທີ 4 ໂດຍລະບົບດັ່ງກ່າວການຈັບຄູ່ຈະເກີດຂຶ້ນໄດ້ທຸກເມື່ອ ເມື່ອນັກລົງທຶນສົ່ງຄຳສັ່ງເພື່ອສະເໜີຊື້ ແລະ ຂາຍໃນລາ
ຄາທີ່ດີທີ່ສຸດກໍ່ຄືການຈັບຄູ່ທີ່ລົງຕົວກັນຕາມແຜນ ແມ່ນຈະໃຫ້ໄດ້ເລີ່ມນຳໃຊ້ເປັນທາງການນັບແຕ່ວັນທີ 3 ທັນວາ 2014
ນີ້ເປັນຕົ້ນໄປ, ທ່ານ ຮສ. ເດດພູ ວັງ ມູລຣັຕນ໌ ກ່າວ.
ທ່ານກ່າວອີກວ່າ: ການແລກປ່ຽນຊື້-ຂາຍຮຸ້ນຂອງນັກລົງທຶນໃນປະຈຸບັນຢູ່ຕະຫຼາດຫຼັກ ຊັບລາວແມ່ນຍັງເປັນລະບົບການ
ປະມູນພາຍໃຕ້ລະບຽບການເຄື່ອນໄຫວແລກປ່ຽນຊື້-ຂາຍສະບັບປີ 2011 ຢູ່ ຊຶ່ງມີການຈັບຄູ່ມື້ໜຶ່ງ 6 ຄັ້ງຄືເວລາ 9:00,
9:30, 10:00, 10:30, 11:00 ແລະ 11:30 ໂມງ ນັກລົງທຶນຕ້ອງໄດ້ລໍຖ້າ 30 ນາທີຈິ່ງໄດ້ສົ່ງຄຳສັ່ງເທື່ອໜຶ່ງ ແຕ່ລະບົບໃໝ່
ຈະສາມາດຈັບຄູ່ໄດ້ທຸກເວລາ ຫາກຄຳສັ່ງແລກປ່ຽນ ຊື້-ຂາຍກົງກັນຈິ່ງຫວັງວ່າການຕັດສິນໃຈປ່ຽນຮູບແບບໃໝ່ໃນຄັ້ງນີ້
ຈະຊ່ວຍສ້າງຄວາມສະດວກໃຫ້ບັນດານັກລົງທຶນມີຄວາມສະດວກໃນ ການແລກປ່ຽນຊື້-ຂາຍ ແລະ ເພີ່ມມູນຄ່າຕໍ່ວັນ
ຫຼາຍຂຶ້ນ.
ໂດຍຕະຫຼາດຫຼັກຊັບລາວແຈ້ງວ່າ: ການນຳໃຊ້ລະບົບຈັບຄູ່ຕໍ່ເນື່ອງນີ້ບັນດາບໍລິສັດຫຼັກຊັບ ແລະ ນັກລົງທຶນ ບໍ່ຈຳເປັນປ່ຽນ
ແປງ ຫຼື ນຳໃຊ້ໂປຣແກມໜ້າຕ່າງໃໝ່ແຕ່ຢ່າງໃດ ເພາະການຈັບຄູ່ແມ່ນເກີດຂຶ້ນໃນເບື້ອງຕະຫຼາດຫຼັກຊັບ ສະນັ້ນ ທ່ານສາ
ມາດສົ່ງຄຳສັ່ງຊື້-ຂາຍຜ່ານລະບົບເກົ່າຕາມປົກກະຕິໃນ ປະຈຸບັນ.
ແຫລ່ງຂ່າວ: ເສດຖະກິດ – ສັງຄົມ