Homeຂ່າວການຮ່ວມມືສະຫະລັດອາເມລິກາ ແລະ ສປປ ລາວ ຫາລືການພົວພັນຮ່ວມມືແບບກວມລວມສອງຝ່າຍ ຄັ້ງທີ 10

ສະຫະລັດອາເມລິກາ ແລະ ສປປ ລາວ ຫາລືການພົວພັນຮ່ວມມືແບບກວມລວມສອງຝ່າຍ ຄັ້ງທີ 10

Published on

ໃນວັນທີ 14 ຕຸລາ 2022, ສະຫະລັດອາເມລິກາ ແລະ ສປປ ລາວ ໄດ້ຈັດກອງປະຊຸມປຶກສາຫາລືຮ່ວມມືສອງຝ່າຍແບບກວມລວມ ທີ່ ນະຄອນຫຼວງວຽງຈັນ ໂດຍໄດ້ປຶກສາຫາລືເຖິງທິດທາງໃນການຂະຫຍາຍຂອບການຮ່ວມມືຂອງສອງຝ່າຍ.
ຄະນະຜູ້ແທນຝ່າຍ ສປປ ລາວ ນຳໂດຍ ທ່ານ ບຸນເຫຼືອ ພັນດານຸວົງ, ຮອງລັດຖະມົນຕີກະຊວງການຕ່າງປະເທດ, ໃນຂະນະທີ່ ຄະນະຜູ້ແທນຝ່າຍ ສະຫະລັດ ແມ່ນນຳພາໂດຍ ທ່ານ ແດນຽວ ຄຣິດເຕິນບຣິ້ງ, ຜູ້ຊ່ວຍລັດຖະມົນຕີຕ່າງປະເທດ ຊີ້ນຳຂົງເຂດວຽກງານ ອາຊີຕາເວັນອອກ ແລະ ປາຊີຟິກ ແລະ ທ່ານ ປີເຕີ ເຮມ໋ອນ, ເອກອັກຄະລັດຖະທູດ ສະຫະລັດອາເມລິກາ ປະຈຳ ສປປ ລາວ.

ທັງສອງຝ່າຍໄດ້ຢໍ້າຄືນ ເຖິງຄວາມໝາຍໝັ້ນທີ່ຈະຂະຫຍາຍການຮ່ວມມືລະຫວ່າງ ສະຫະລັດອາເມລິກາ ແລະ ສປປ ລາວ ພາຍໃຕ້ຂອບການເປັນຄູ່ຮ່ວມມືແບບກວມລວມ ເຊິ່ງໄດ້ປະກາດຢ່າງເປັນທາງການທີ່ ນະຄອນຫຼວງວຽງຈັນ ລະຫວ່າງການຢ້ຽມຢາມ ສປປ ລາວ ຂອງ ອະດີດປະທານນາທິບໍດີ ໂອບາມາ ໃນປີ 2016.

ທ່ານຜູ້ຊ່ວຍລັດຖະມົນຕີ ຄຣິດເຕິນບຣິ້ງ ໄດ້ກ່າວວ່າ: ການຮ່ວມມືແບບກວມລວມ ສະຫະລັດອາເມລິກາ-ສປປ ລາວ ໄດ້ສ້າງປະໂຫຍດທີ່ເປັນຮູບປະທຳແກ່ ປະຊາຊົນ ກໍຄືລັດຖະບານ ລາວ, ໂດຍສະເພາະຢ່າງຍິ່ງ ສະຫະລັດ ແມ່ນມີຄວາມໝາຍໝັ້ນທີ່ຈະສະໜັບສະໜູນ ເພື່ອເພີ່ມພູນຄວາມຜາສຸກ ຂອງ ສປປ ລາວ ຜ່ານບັນດາໂຄງການຊ່ວຍເຫຼືອຕ່າງໆ ທີ່ອອກແບບເພື່ອຊຸກຍູ້ ການພັດທະນາ ຂົງເຂດທຸລະກິດ ຂອງ ສປປ ລາວ ແລະ ການລົງທຶນຂອງບັນດາຫົວໜ່ວຍທຸລະກິດ ຂອງ ສ. ອາເມລິກາ ໃນ ສປປ ລາວ.”

ທ່ານຜູ້ຊ່ວຍລັດຖະມົນຕີ ຄຣິດເຕິນບຣິ້ງ ຍັງໄດ້ກ່າວອີກວ່າ: ສະຫະລັດອາເມລິກາ ແມ່ນພາກພູມໃຈທີ່ໄດ້ເປັນຄູ່ຮ່ວມມືສາກົນທຳອິດ ທີ່ໄດ້ໃຫ້ການຊ່ວຍເຫຼືອ ດ້ານການສະກັດກັ້ນ ແລະ ຄວບຄຸມການແຜ່ລະບາດຂອງ ພະຍາດໂຄວິດ-19 ແກ່ ສປປ ລາວ ໃນໄລຍະທີ່ມີການແຜ່ລະບາດຂອງພະຍາດນັ້ນ. ສະຫະລັດອາເມລິກາ ແມ່ນເຮັດວຽກຮ່ວມກັບ ປະຊາຊົນ ກໍຄື ລັດຖະບານ ລາວ ເພື່ອສະໜັບສະໜູນ ເປົ້າໝາຍການພັດທະນາແບບຍືນຍົງ ລວມເຖິງ ໂຄງການຕ່າງໆ ບໍ່ວ່າຈະເປັນວຽກງານປັບປຸງດ້ານ ສາທາລະນະສຸກ, ການສຶກສາ, ການເຕີບໂຕຂອງເສດຖະກິດ, ກະສິກຳ ແລະ ການຄຸ້ມຄອງ-ບໍລິຫານລັດ, ແລະ ຈົນເຖິງປະຈຸບັນ ສະຫະລັດອາເມລີກາແມ່ນໄດ້ໃຫ້ການຊ່ວຍເຫຼືອ ເປັນຈຳນວນເງິນຫຼາຍກວ່າ 350 ລ້ານ ໂດລາສະຫະລັດ ເພື່ອສະໜັບສະໜູນວຽກງານ ສຳຫລວດ ແລະ ເກັບກູ້ລະເບີດບໍ່ທັນແຕກ ໃນ ສປປ ລາວ.

ນອກຈາກນັ້ນ, ທັງສອງຝ່າຍຍັງໄດ້ປຶກສາຫາລື ກ່ຽວກັບຄວາມກັງວົນຂອງ ສະຫະລັດອາເມລິກາ ຕໍ່ກັບການພັດທະນາພາກພື້ນ ແລະ ໃນທົ່ວໂລກ ລວມມີ ການປະຕິເສດຂອງລັດຖະບານພະມ້າ ໃນການຈັດຕັ້ງປະຕິບັດ ມະຕິ 5 ຂໍ້ຂອງອາຊຽນ, ການລະເມີດກົດໝາຍລະຫວ່າງປະເທດຂອງ ຣັດເຊຍ, ລວມເຖິງ ການລະເມີດກົດບັດສະຫະປະຊາຊາດ ໃນການບຸກລຸກ ແລະ ຄວາມພະຍາຍາມທີ່ຈະຍຶດຄອງດິນແດນບາງສ່ວນ ຂອງປະເທດອູແກຣນ ແລະ ການເຄົາລົບຕໍ່ສິດທິມະນຸດ ແລະ ເສລີພາບຂັ້ນພື້ນຖານ.

ບົດຄວາມຫຼ້າສຸດ

ເປີດສຽງບໍ່ໃຫ້ເກີນ 80 ດີຊີເບວ ປກສ ນວ ແຈ້ງບັນດາຂໍ້ຫ້າມໃນມື້ບຸນປີໃໝ່ລາວ ຫ້າມເປີດເຄື່ອງສຽງດັງເນືອງນັນເກີນຂອບເຂດ ກໍານົດເວລາການເປີດເຄື່ອງສຽງແມ່ນ 8:00-23:00 ໂມງ

ບັນດາຂໍ້ຫ້າມໃນມື້ບຸນປີໃໝ່ລາວ ອີງຕາມແຈ້ງຂອງກອງບັນຊາການ ປກສ ນະຄອນຫຼວງວຽງຈັນ, ການກະຊວງປ້ອງກັນຄວາມສະຫງົບ ເລກທີ 168 ລົງວັນທີ 07 ເມສາ 2026 ມີດັ່ງນີ້:

ຂະບວນແຫ່ບູຮານລາວ ແຂວງຄໍາມ່ວນ ກຽມຈັດຂະບວນແຫ່ບຸນປີໃໝ່ ຕາມແບບບູຮານລາວ ໃນວັນທີ 16 ເມສາ 2026 ຄາດວ່າຈະມີມວນຊົນເຂົ້າຮ່ວມຫຼາຍກວ່າ 1.000 ຄົນ.

ບຸນສົ່ງທ້າຍປີເກົ່າ ພສ 2568 ແລະ ຕ້ອນຮັບປີໃໝ່ ພສ 2569 ປະເພນີລາວ ທີ່ເຄີຍຈັດຂຶ້ນໃນທຸກໆປີ ສືບທອດກັນມາຢ່າງຍາວນານ, ສຳລັບປີນີ້ ແມ່ນກົງກັບວັນທີ 14-16 ເມສາ...

ຢ່າງເປັນທາງການ ທ່ານ ເລ ມິງ ຮຸ່ງ ໄດ້ຮັບເລືອກຕັ້ງເປັນນາຍົກລັດຖະມົນຕີ ແຫ່ງ ສສ ຫວຽດນາມ ຄົນໃໝ່

ໃນວັນທີ 07 ເມສາ 2026 ນີ້, ຢູ່ນະຄອນຫຼວງຮ່າໂນ້ຍ ສສ ຫວຽດນາມ ສະມາຊິກສະພາແຫ່ງຊາດຊຸດທີ XVI ໄດ້ຮັບຮອງເອົາມະຕິວ່າ ດ້ວຍການເລືອກຕັ້ງ ທ່ານ ເລ...

ມອບເຄື່ອງຊ່ວຍເຫຼືອປະຊາຊົນ 3 ອົງການຈັດຕັ້ງມະຫາຊົນ ກະຊວງປ້ອງກັນປະເທດ ລົງມອບເຄື່ອງຊ່ວຍເຫຼືອ ບ້ານທີ່ໄດ້ຮັບຜົນກະທົບຈາກພາຍຸໝາກເຫັບ

ວັນທີ 1 ເມສາ 2026 ນີ້, 3 ອົງການຈັດຕັ້ງມະຫາຊົນ ກະຊວງປ້ອງກັນປະເທດ, ນຳໂດຍ ສະຫາຍ ພັນເອກ ນາງ ປາ ວົງສະແຫວງ...