spot_img
Homeຂ່າວຕ່າງປະເທດປະເທດທີ່ສາມາດສ້າງເຮືອບັນທຸກເຮືອບິນເອງໄດ້

ປະເທດທີ່ສາມາດສ້າງເຮືອບັນທຸກເຮືອບິນເອງໄດ້

Published on

ໄອເອັນເອສ ວິກຣານ (INS Vikrant) ເປັນເຮືອບັນທຸກເຮືອບິນລຳທຳອິດຂອງອິນເດຍທີ່ສ້າງຂຶ້ນເອງ ແລະ ຍັງມີບັນດາປະເທດທີ່ມີຄວາມຮູ້ທາງດ້ານເຕັກນິກ ແລະ ຄວາມສາມາດໃນການສ້າງເຮືອຮົບຂະໜາດໃຫຍ່ຄື ອາເມຣິກາ ອັງກິດ ຈີນ ຣັດເຊຍ ຝຣັ່ງ ແລະ ຍີ່ປຸ່ນ.

ໄອເອັນເອສ ວິກຣານ ບໍ່ແມ່ນເຄື່ອງຈັກສົງຄາມ ແຕ່ເປັນຢ່າງໜຶ່ງທີ່ສະແດງໃຫ້ເຫັນເຖິງທັກສະ ແລະ ຄວາມສາມາດຂອງອິນເດຍທີ່ສາມາດສ້າງເຮືອລຳນີ້ທີ່ມີຄວາມຍາກ ແລະ ຊັບຊ້ອນໄດ້.

ດ້ວຍສາເຫດນີ້ ອິນເດຍຈຶ່ງໄດ້ເຂົ້າຮ່ວມກັບບັນດາປະເທດທີ່ມີຄວາມສາມາດສ້າງ ແລະ ພັດທະນາເຮືອຮົບຂະໜາດໃຫຍ່ໄດ້, ໂດຍປັດຈຸບັນ ໂລກເຮົາມີເຮືອບັນທຸກເຮືອບິນທັງໝົດ 47 ລຳໃນໂລກ ໃນນັ້ນມີເຮືອບັນທຸກເຮໂລ (Helo) 25 ລຳ ເປັນເຮືອຮົບທີ່ບັນທຸກຍົນເຮລິຄັອບເຕີ.

ອາເມຣິກາ

ອາ​ເມ​ຣິ​ກາ​ມີ​ປະ​ຫວັດ​ສາດ​ອັນ​ຍາວ​ນານ​ໃນ​ການ​ຜະ​ລິດ​ເຮືອບັນ​ທຸກ​ເຮືອ​ບິນ.

ຢູເອສເອສ ແລງລີ USS Langley (CV-1) ເປັນເຮືອບັນທຸກເຮືອບິນລຳທຳອິດຂອງກອງທັບເຮືອສະຫະລັດອາເມຣິກາ ເມື່ອຖືກມອບໝາຍເຂົ້າປະຈຳການ ໃນເດືອນມີນາ 1922 ໂດຍເຮືອລຳນີ້ຖືກດັດແປງມາຈາກເຮືອຮົບຈູປີເຕີ, ເຮືອບັນທຸກເຮືອບິນ USS Langley (CV-1) ຍັງໄດ້ເຂົ້າໃຊ້ໃນສົງຄາມໂລກຄັ້ງທີ 2 ອີກດ້ວຍ.

ເຮືອບັນທຸກເຮືອບິນຂະໜາດໃຫຍ່ຂອງເອເມຣິກາ ມີທັງໝົດ 11 ລຳ ໂດຍເປັນເຮືອທີ່ໃຊ້ພະລັງງານນິວເຄຼຍ ສາມາດບັນທຸກເຮືອບິນຮົບປະມານ 80 ລຳ ແຕ່ລະລຳເປັນເຮືອບັນທຸກທີ່ໃຫຍ່ທີ່ສຸດໃນໂລກ.

ອັງກິດ

ສະຫະລາດຊະອານາຈັກ (ອັງກິດ) ໄດ້ເຮັດການທົດລອງເຮືອບັນທຸກເຮືອບິນລຳທຳອິດໃນຊ່ວງ ສົງຄາມໂລກຄັ້ງທີ 1 ໂດຍມັນຖືກພັດທະນາມາຈາກ ເຮືອ HMS Argus ທີ່ບັນທຸກເຮືອບິນລຳທຳອິດໂດຍມີແຕ່ດາດຟ້າ ບໍ່ມີສິ່ງກີດຂວາງ.

ໂດຍປັດຈຸບັນ ອັງກິດມີເຮືອບັນທຸກເຮືອບິນທັງໝົດ 2 ລຳຄື HMS Queen Elizabeth ແລະ HMS Price of Wales.

ຣັດເຊຍ

ໃນປີ 1967 ໂຊວຽດໄດ້ເປີດຕົວເຮືອບັນທຸກເຮືອບິນລຳທຳອິດ ທີ່ຊື່ວ່າ Moskva ໂດຍມີຈຸດປະສົງຄືເຮືອບັນທຸກເຮລິຄັອບເຕີ ໃນຊ່ວງສົງຄາມເຢັນ ສະຫະພາບໂຊວຽດໄດ້ພັດທະນາ Admiral Kuznetsov ເຊິ່ງເປັນເຮືອບັນທຸກເຮືອບິນທີ່ໃຫຍ່ທີ່ສຸດໃນໂລກ ພໍຕົກມາຮອດປັດຈຸບັນ ຣັດເຊຍໄດ້ມີເຮືອບັນທຸກເຮືອບິນ 1 ລຳ ຊື່ວ່າ Varan.

ຈີນ

ໃນປີ 2016​ ຈີນໄດ້ປ່ຽນເຮືອບັນທຸກເຮືອບິນ ຂອງໂຊວຽດ ໃຫ້ເປັນ ຫຼຽວໜິງ ທີ່ເປັນເຮືອບັນທຸກເຮືອບິນລຳທຳອິດຂອງອາຊີ ມາໃນປີ 2019 ຈີນກໍໄດ້ສ້າງເຮືອບັນທຸກເຮືອບິນລຳທຳອິດຂອງຕົນເອງຂຶ້ນມາ ຊື່ວ່າ Shandong ປັດຈຸບັນ ວັນທີ17 ມິຖຸນາ 2022 ຈີນກໍ່ໄດ້ເປີດໂຕເຮືອບັນທຸກເຮືອບິນ ລຳໃໝ່ຄື ຝູຈ້ຽນ.

 

ຝຣັ່ງ

ປັດຈຸບັນ ຝຣັ່ງມີເຮືອບັນທຸກເຮືອບິນ ປະຕິບັດການຢູ່ລຳໜຶ່ງຄື Charles de Gaulle ໂດຍເຮືອລຳນີ້ໄດ້ເລີ່ມສ້າງຕັ້ງແຕ່ປີ 14 ເມສາ1989 ໄດ້ເປີດໂຕຢ່າງເປັນທາງການໃນປີ 1994 ແຕ່ໄດ້ເລີ່ມນຳເຮືອອອກເດີນໃນປີ 2001 ເຊິ່ງຖືວ່າເປັນການສ້າງທີ່ດົນນານ ໂດຍໃຊ້ເວລາໄປ 12 ປີ ເພື່ອທີ່ໄດ້ນຳມັນເອົາມາໃຊ້.

ແຕ່ໃນປັດຈຸບັນ ມີລາຍງານວ່າ ຝຣັ່ງກຳລັງສ້າງເຮືອບັນທຸກເຮືອບິນລຳທີ 2 ໂດຍຈະມີຂະໜາດໃຫຍ່ກວ່າ Charles de Gaulle ແລະ ຮອງຮັບເຮືອບິນໄດ້ຫຼາຍກວ່າ.

ຍີ່ປຸ່ນ

ໃນປີ 1941 ຍີ່ປຸ່ນໄດ້ເປີດໂຕເຮືອບັນທຸກເຮືອບິນ 6 ລຳ ທີ່ຍີ່ປຸ່ນສາມາດຜະລິດເອງຄື Akagi, Kaga, Sorya, Hiryu, Shokaku ແລະ Zuikaku ເຮືອເຫຼົ່ານີ້ໄດ້ຮັບການພັດທະນາໂດຍຄົນຍີ່ປຸ່ນ ເພື່ອສະແດງເຖິງຄວາມສາມາດທາງການທະຫານຂອງພວກເຂົາໃນຕອນນັ້ນ.

ຫຼັງຈາກສົງຄາມ ຍີ່ປຸ່ນໄດ້ສັ່ງຫ້າມເຮືອບັນທຸກເຮືອບິນ ເປັນເຄື່ອງມືໃນການເຮັດສົງຄາມ ຢ່າງໃດກໍຕາມ 80​ປີ ຕໍ່ມາ ຍີ່ປຸ່ນໄດ້ປະກາດວ່າຈະປ່ຽນເຮືອບັນທຸກເຮືອບິນ Izumo ແລະ Kaga ໃຫ້ເປັນເຮືອທີ່ສາມາດປ່ອຍ ແລະ ນຳເອົາເຮືອບິນຂັບໄລ່ F-35B Joint-Strike Fighters ກັບມາໄດ້.

ຂໍ້ມູນຈາກ Firstpost, National Museum of the US Navy

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...