ໃນສົກປີ 2014-2015 ນີ້ ກະຊວງການເງິນ ວາງແຜນການສູ້ຊົນເກັບລາຍຮັບງົບປະມານບໍ່ໃຫ້ຫຼຸດ 25.815 ຕື້ກວ່າ
ກີບເທົ່າກັບ 25% ຂອງລວມຍອດຜະລິດຕະພັນພາຍໃນ ຫຼື ຈີດີພີ (GDP), ໃນນັ້ນ ລາຍຮັບພາຍໃນ ໂດຍສະເພາະ
ລາຍຮັບສວຍສາອາກອນ, ພາສີ, ລາຍຮັບຄຸ້ມຄອງການເງິນລັດວິສາຫະກິດ ແລະ ລາຍຮັບຈາກຊັບສິນຂອງລັດ
ໃຫ້ໄດ້ 20.536 ຕື້ກີບ ແລະ ລາຍຮັບຈາກການຊ່ວຍເຫຼືອລ້າ 5.279 ຕື້ກີບ. ສຳລັບລາຍຈ່າຍແມ່ນໃຫ້ຢູ່ໃນລະດັບບໍ່
ເກີນ 31.000 ຕື້ກີບ.
ເພື່ອເຮັດໃຫ້ຄາດໝາຍສູ້ຊົນດັ່ງກ່າວ ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນນັ້ນ, ລັດຖະມົນຕີວ່າການກະ
ຊວງການເງິນ ໄດ້ອອກບົດແນະນຳວ່າດ້ວຍການຈັດຕັ້ງປະຕິບັດ ແຜນງົບປະມານສົກປີ 2014-2015 ໂດຍມີຄາດ
ໝາຍລວມຄື: ສູ້ຊົນເຮັດໃຫ້ການເງິນ-ງົບປະມານມີຄວາມໝັ້ນທ່ຽງ, ສາມາດເປັນເຈົ້າຕົນເອງ, ສ້າງຄວາມເຂັ້ມ
ແຂງໃຫ້ຕົນເອງຂຶ້ນເທື່ອລະກ້າວ ເຮັດໃຫ້ປະເທດຊາດມີສະຖຽນລະພາບຢ່າງໜັກແໜ້ນ, ຄຸ້ມຄອງລາຍຈ່າຍໃຫ້
ຢູ່ໃນຂອບຂອງແຜນງົບປະມານແຫ່ງລັດ ທີ່ສະພາແຫ່ງຊາດຮັບຮອງ, ສືບຕໍ່ແກ້ໄຂໜີ້ສິນໃຫ້ຫຼຸດລົງ, ແກ້ໄຂສິ່ງ
ຫຍໍ້ທໍ້ໃນຂົງເຂດການເງິນທັງສູນກາງ ແລະ ທ້ອງຖິ່ນຢ່າງຕັ້ງໜ້າ; ສູ້ຊົນເກັບລາຍຮັບງົບປະມານບໍ່ໃຫ້ຫຼຸດ 25.815
ຕື້ກວ່າກີບ ເທົ່າກັບ 25% ຂອງຈີດີພີ ໃນນີ້ ລາຍຮັບພາຍໃນໃຫ້ໄດ້ 20%; ປະຕິບັດລາຍຈ່າຍບໍ່ໃຫ້ເກີນ 30% ຂອງຈີ
ດີພີ; ຂາດດຸນງົບປະມານໃຫ້ຢູ່ໃນລະດັບ 5,07% ຂອງຈີດີພີ; ປະຕິບັດຫຼັກການລວມສູນລາຍຮັບ-ລາຍ ຈ່າຍງົບປະ
ມານແຫ່ງລັດ, ສູ້ຊົນບຸກບືນສຸດຂີດ ເພື່ອຂຸດຄົ້ນແຫຼ່ງລາຍຮັບທີ່ບົ່ມຊ້ອນ, ເກັບໃຫ້ໄດ້ໝົດ ແລະ ມອບເຂົ້າງົບປະ
ມານໃຫ້ຄົບຖ້ວນ, ທັນຕາມກຳນົດເວລາ, ຈຳກັດການຮົ່ວໄຫຼຂອງລາຍຮັບໄດ້ຢ່າງເດັດຂາດ, ພ້ອມທັງຄຸ້ມຄອງລາຍ
ຈ່າຍຢ່າງຮັດກຸມ, ມີປະສິດທິຜົນ, ຖືກເປົ້າໝາຍ, ມີມາດຕະການ ແລະ ປະຕິບັດວິໄນການເງິນຕໍ່ຜູ້ກະທຳຜິດຢ່າງ
ເຂັ້ມງວດ ແລະ ທັນການ.
ສຳລັບມາດຕະການຈັດຕັ້ງປະຕິບັດນັ້ນ ບັນດາຂະແໜງການ ແລະ ທ້ອງຖິ່ນ ຕ້ອງຈັດຕັ້ງປະຕິບັດໃຫ້ໄດ້ຕາມຄາດ
ໝາຍ ແລະ ລື່ນຄາດໝາຍບົນຈິດໃຈບຸກບືນສູ້ຊົນສູງດ້ານການຂຸດຄົ້ນລາຍຮັບ, ປະສານສົມທົບກັບພາກສ່ວນກ່ຽວ
ຂ້ອງ ໃນການຄົ້ນຄວ້າເພື່ອຈັດເກັບລາຍຮັບທີ່ບົ່ມຊ້ອນ, ລາຍຮັບທີ່ຍັງເກັບບໍ່ໝົດ ຫຼື ຍັງບໍ່ມີຂໍ້ມູນຄົບຖ້ວນໃຫ້ລວມ
ສູນເຂົ້າງົບປະມານລັດ; ຂະແໜງເກັບລາຍຮັບຕ້ອງເພີ່ມທະວີການປະຕິບັດໜ້າທີ່ວິຊາສະເພາະ ໃນຂົງເຂດຄວາມ
ຮັບຜິດຊອບຂອງຕົນຢ່າງເຂັ້ມງວດ ແລະ ສອດຄ່ອງ; ຈັດຕັ້ງປະຕິບັດການໂຄສະນາເຜີຍແຜ່ບັນດານິຕິກຳທີ່ກ່ຽວ
ຂ້ອງ ໃນການຂຸດຄົ້ນລາຍຮັບງົບປະມານໃຫ້ແກ່ພະນັກງານ-ລັດຖະກອນ, ນັກທຸລະກິດ, ຜູ້ປະກອບການ ແລະ ປະຊາ
ຊົນ ເພື່ອຄວາມຮັບຮູ້, ເຂົ້າໃຈເປັນເອກະພາບໃນທາງປະຕິບັດ ແລະ ປະຕິບັດສິດພັນທະຂອງຕົນຕາມທີ່ກົດໝາຍ
ກຳນົດໄວ້; ສືບຕໍ່ປັບປຸງກົດໝາຍ ແລະ ລະບຽບການຕ່າງໆທີ່ຈຳເປັນຈຳນວນໜຶ່ງ; ປັບປຸງກົນໄກການເກັບລາຍຮັບ
ແລະ ການຊຳລະສະສາງງົບປະມານແຫ່ງລັດ ໂດຍຫັນການນຳໃຊ້ລະບົບຂໍ້ມູນຂ່າວສານ (IT) ທີ່ທັນສະໄໝ ແລະ ໝູນ
ໃຊ້ການບໍລິການຜ່ານທະນາຄານ ໃຫ້ກວ້າງຂວາງຂຶ້ນກວ່າເກົ່າ ແລະ ອື່ນໆ.
ແຫລ່ງຂ່າວ: ວຽງຈັນໃໝ່