Homeຂ່າວພາຍ​ໃນກະຊວງການເງິນແຈ້ງການເຂົ້າຮ່ວມປະມູນຄຳຈຳນວນ 14 ປ່ຽງ

ກະຊວງການເງິນແຈ້ງການເຂົ້າຮ່ວມປະມູນຄຳຈຳນວນ 14 ປ່ຽງ

Published on

ກະຊວງການເງິນອອກແຈ້ງການເຖິງບັນດາຜູ້ທີ່ສົນໃຈເຂົ້າຮ່ວມປະມູນຄຳຈຳນວນ 14 ປ່ຽງ.

ວັນທີ 16 ສິງຫາ 2022 ຫ້ອງການ, ກະຊວງການເງິນ ກະຊວງການເງິນອອກແຈ້ງການປະມູນ ເຖິງບຸກຄົນ, ນິຕິບຸກຄົນ, ບັນດາຫ້າງຮ້ານ ແລະ ການຈັດຕັ້ງຕ່າງໆເລື່ອງການປະມູນຊັບສິນປະເພດຄຳ ຈຳນວນ 14 ປ່ຽງ, ນ້ຳໝັກ 3.022,1 ກຼາມ.

ຫ້ອງການກະຊວງການເງິນ ຂໍຖືເປັນກຽດແຈ້ງມາຍັງບັນດາທ່ານ ຜູ້ທີ່ມີຄວາມສົນໃຈເຂົ້າຮ່ວມການປະມູນຄຳຊາບ: ປັດຈຸບັນ ກະຊວງການເງິນ ມີຈຸດປະສົງຈະສະສາງຊັບສິນປະເພດຄຳ ຈຳນວນ 14 ປ່ຽງ, ນໍ້າໜັກ 3.022,1 ກຼາມ, ເປີເຊັນຄຳແຕ່ລະປ່ຽງແມ່ນບໍ່ເທົ່າກັນ ຊຶ່ງມີເປີເຊັນຄໍາແຕ່ 62% ຫາ 68%, ສະສາງອອກດ້ວຍການປະມູນຂາຍເປີດກ້ວາງ, ຫາກທ່ານໃດມີຄວາມສົນໃຈຢາກເຂົ້າຮ່ວມປະມູນແຂ່ງຂັນລາຄາ ລາຍລະອຽດແມ່ນໃຫ້ຕິດຕໍ່ ແລະ ປະສານຊື້ຊອງປະມູນໄດ້ທີ່ກົມຄຸ້ມຄອງຊັບສິນແຫ່ງລັດກະຊວງການເງິນ ລາຄາຂາຍຊອງປະມູນ 1.000.000 ກີບ/ຊອງ.

ຜູ້ເຂົ້າຮ່ວມປະມູນຕ້ອງວາງເງິນຄໍ້າປະກັນຊອງປະມູນ 2% ຂອງມູນຄ່າສະເໜີລາຄາ, ເລີ່ມຂາຍຊອງປະມູນແຕ່ວັນທີ 18 ສິງຫາ 2022 ຫາ ວັນທີ 13 ກັນຍາ 2022 (ໃນວັນ ແລະ ເວລາລັດຖະການ) ແລະ ຈະໄດ້ເປີດຊອງປະມູນສະເໜີລາຄາໂດຍຊ້ອງໜ້າຄະນະກຳມະການ ແລະ ຜູ້ເຂົ້າຮ່ວມປະມູນ ເວລາ 14.00 ໂມງ, ໃນວັນທີ 13 ກັນຍາ 2022, ທີ່ຫ້ອງປະຊຸມກະຊວງການເງິນ ຊັ້ນ 4 (ຕຶກ 4 ຊັ້ນ).

ດັ່ງນັ້ນ, ຈຶ່ງແຈ້ງມາຍັງບັນດາທ່ານຜູ້ທີ່ມີຄວາມສົນໃຈຢາກເຂົ້າຮ່ວມປະມູນຊາບ.

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...