Homeຂ່າວຕ່າງປະເທດພົບໄວຣັສຊະນິດໃໝ່ທີ່ຢູ່ໃນ"ໜູຜີ"

ພົບໄວຣັສຊະນິດໃໝ່ທີ່ຢູ່ໃນ”ໜູຜີ”

Published on

ຫຼັງຈາກນັກວິໄຈນານາຊາດເລີ່ມສືບຫາໄວຣັສຊະນິດໃໝ່ນີ້ ຊື່ວ່າ “Langya Henipavirus” ລາງຢາເຮນິປາ ຫຼື ເລວີ (LayV) ຫຼັງຈາກທີ່ຈີນໄດ້ຕິດເຊື້ອນີ້ແລ້ວຫຼາຍສິບຄົນ ແລະ ຄິດວ່າ “ໜູຜີ” ເປັນຕົ້ນຕໍຂອງໄວຣັສນີ້ ແຕ່ຂະນະນີ້ຍັງບໍ່ມີລັກຖານທີ່ມັນສາມາດແຜ່ໄປສູ່ຄົນໄດ້.

ວັນທີ 10 ສິງຫາ ສຳນັກຂ່າວ bbc ໄດ້ລາຍງານວ່າ: ໄວຣັສເລວີ ຢູ່ກຸ່ມດຽວກັບໄວຣັສນິປາ (Nipah) ແລະ ໄວຣັສເຮນດຣາ (Hendra) ຖືກຄົ້ນພົບທຳອິດໃນມົນທົນຊານຕົງ ແລະ ເຫີນານ ທາຕະເວັນອອກສຽງເໜືອຂອງຈີນໃນຊ່ວງທ້າຍປີ 2018 ແຕ່ຫາກໍຖືກນັກວິທະຍາສາດຢ່າງເປັນທາງການໃນອາທິດແລ້ວນີ້.

ບັນດານັກວິທະຍາສາດຈາກປະເທດຈີນ, ສິງກະໂປ ແລະ ອົດສະຕຣາລີ ກ່າວວ່າເຊື້ອໄວຣັສເລວີ ໄດ້ຖືກກວດພົບໃນເບື້ອງຕົ້ນຈາກຜູ້ທີ່ມີອາການໄຂ້ໃນພາກຕາເວັນອອກຂອງຈີ ທີ່ມີປະຫວັດການສຳຜັດກັບສັດ ເຊິ່ງສ່ວນຫຼາຍແມ່ນຊາວກະສິກຳ. ຜູ້ຕິດເຊື້ອຈະມີອາການອ່ອນເພຍ, ໄອ, ຂາດຄວາມຢາກອາຫານ ແລະ ເຈັບຫົວ, ນອກນັ້ນຍັງມີຄວາມຜິດປົກກະຕິຂອງເມັດເລືອດ ລວມທັງອາການຂອງຄວາມເສຍຫາຍຂອງຕັບ ແລະ ໝາກໄຂ່ຫຼັງ.

ອ້າງອີງຈາກ New England Journal of Medicine ລະບຸວ່າ ມີຜູ້ປ່ວຍ 26 ຄົນ ຈາກທັງໝົດ 35 ຄົນໃນກຸ່ມຂ້າງເທິງ ຕິດເຊື້ອໄວຣັສເລວີ.

ໃນຂະນະທີ່ນັກຄົ້ນຄວ້າກ່າວວ່າ ບໍ່ມີຫຼັກຖານໃດໆທີ່ຈະແນະນໍາວ່າຄົນເຈັບເຫຼົ່ານີ້ ໄດ້ສຳຜັດກັບຜູ້ທີ່ຕິດເຊື້ອໄວຣັດເລວີ ຫຼື ມີປະຫວັດເຄີຍຕິດເຊື້ອມາກ່ອນ ເຊິ່ງສະແດງວ່າ ການຕິດເຊື້ອຈາກຄົນຕໍ່ຄົນ ມັນອາດຈະມີບາງຄັ້ງຄາວ ແລະ ໜ່ວຍງານສາທາລະນະສຸກຂອງໄຕ້ຫວັນ ກຳລັງຕິດຕາມການລະບາດຢ່າງໃກ້ຊິດ.

ຜົນການກວດເຊື້ອລະບຸໄດ້ວ່າ ເຊື້ອໄວຣັສໄດ້ຖືກພົບເຫັນຢູ່ໃນ”ໜູຜີ” ສັດລ້ຽງລູກດ້ວຍນົມຂະໜາດນ້ອຍ ໂດຍທົ່ວໄປແລ້ວພວກມັນຄ້າຍຄືໜູ ປະມານ 27% ຂອງພວກມັນເປັນພາຫະຂອງເຊື້ອໄວຣັສ ເຮນິປາ (Henipavirus) ໃນຕະກູນດຽວກັນ ສະ​ນັ້ນ​ສະ​ແດງ​ໃຫ້​ເຫັນ​ວ່າ​ ໜູຜີອາດເປັນແຫຼ່ງພະຍາດຕາມທຳມະຊາດ. ແຕ່ໃນເວລາດຽວກັນ, ເຊື້ອໄວຣັສໄດ້ຖືກພົບເຫັນຢູ່ໃນແບ້ 2% ແລະ ໃນໝາ 5% ໃນທ້ອງຖິ່ນ.

​ເຖິງ​ຢ່າງ​ໃດ​ກໍ​ຕາມ, ມາ​ຮອດ​ປະຈຸ​ບັນ​ຍັງ​ບໍ່​ທັນ​ມີ​ຜູ້​ເສຍ​ຊີວິດ​ຍ້ອນ​ໄວຣັດເລວີ ແລະ ນັກວິທະຍາສາດຢືນຢັນວ່າຢ່າ​ຕື່ນ​ຕົກ​ໃຈ.

ບົດຄວາມຫຼ້າສຸດ

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...

ຕິດຕາມ ກວດກາ ແລະ ຄຸ້ມຄອງຢ່າງເຂັ້ມງວດ ຕໍ່ບັນດາໂຄງການຂຸດຄົ້ນ ແລະ ປຸງແຕ່ງແຮ່ທາດ-ເງິນ

ໃນໄລຍະ 9 ເດືອນຜ່ານມາ ຂອງປີ 2026, ນະຄອນຫຼວງວຽງຈັນ ສາມາດຈັດຕັ້ງປະຕິບັດການສົ່ງອອກຜະລິດຕະພັນແຮ່ທາດ ບັນລຸໄດ້ 146,878.81 ໂຕນ, ຄິດເປັນ 41.91% ຂອງແຜນການປີ. ຂໍ້ມູນດັ່ງກ່າວ...

ເພີ່ມງົບປະມານ ກອງທຶນທາງ ຈາກ 1,200 ຕື້ກີບ (ປີ 2026) ເປັນ 2,000 ຕື້ກີບ ໃນປີ 2027 ແບ່ງ 40% ສ້ອມແປງໃຫ້ໂລ່ງລ່ຽນ

ໃນວັນທີ 9 ພະຈິກ 2026 ກະຊວງໂຍທາທິການ ແລະ ຂົນສົ່ງ ຮ່ວມກັບ ບັນດາຄູ່ຮ່ວມພັດທະນາ ໄດ້ຈັດກອງປະຊຸມໜ່ວຍງານຂະແໜງການພື້ນຖານໂຄງລ່າງ (ISWG) ຄັ້ງທີ 17 ປະຈຳປີ...