ເຖິງວ່າສົງຄາມໄດ້ສິ້ນສຸດລົງ ແຕ່ ລະເບີດບໍ່ທັນແຕກຍັງສືບຕໍ່ຂ້າປະຊາຊົນລາວຢ່າງຕໍ່ເນື່ອງ ນັບແຕ່ປີ 1964 ເຖິງ
2008 ມີຜູ້ຖືກບາດເຈັບ ແລະ ເສຍຊີວິດ ປີລະ 300 ຄົນ ແນວໃດກໍດີ ປະຈຸບັນ ແມ່ນໄດ້ຫຼຸດລົງມາເປັນປີລະ 80 ຄົນ
ຂະນະທີ່ຍອດການຊ່ວຍເຫຼືອຈາກຕ່າງ ປະເທດໄດ້ເພີ່ມຂຶ້ນເຖິງ 4 ເທົ່າ ທຽບໃສ່ 4 ປີກ່ອນ.
ທ່ານ ພູຂຽວ ຈັນທະສົມບູນ ຫົວໜ້າຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນ
ແຕກທີ່ຕົກຄ້າງຢູ່ລາວກ່າວເມື່ອບໍ່ດົນມານີ້ວ່າ: ປີ 1964 ເຖິງປີ 1973 ຈັກກະພັດອາເມລິກາໄດ້ເຮັດສົງຄາມ ທຳລາຍ
ປະເທດເຮົາຢ່າງໜັກໜ່ວງທີ່ສຸດຕາມທີ່ບັນທຶກໄວ້ເຄື່ອງບິນຂອງອາ ເມລິກາ ຈຳນວນ 580.000 ຖ້ຽວ ໄດ້ບັນທຸກ
ລະເບີດປະມານ 3 ລ້ານໂຕນ, ໃນນັ້ນ ມີລະເບີດລູກຫວ່ານປະມານ 270 ລ້ານໜ່ວຍ ແລະ ບົ່ມໃຫຍ່ປະມານ 4 ລ້ານ
ໜ່ວຍ ມາຖິ້ມໃສ່ແຜ່ນດິນລາວນັກວິຊາການທາງທະຫານປະເມີນວ່າ 30% ຂອງລະເບີດດັ່ງກ່າວບໍ່ທັນແຕກຕາມ
ການສຳຫຼວດ ໃນປີ 1996 ຂອງອົງການແຮນດີແຄບສາກົນ ຈຳນວນທີ່ຕົກຄ້າງແມ່ນຢູ່ 98 ເມືອງ ໃນຈຳນວນ 148
ເມືອງໃນທົ່ວປະເທດ ແລະ ໃນ 14 ແຂວງຂອງລາວ ສະເລ່ຍກວມ 87.231 ກິໂລຕາແມັດ ຂອງເນື້ອທີ່ທົ່ວປະເທດ.
ເຖິງສົງຄາມໄດ້ສິ້ນສຸດລົງເກືອບສີ່ທົດສະວັດແລ້ວກໍຕາມ ແຕ່ບັນຫາລະເບີດບໍ່ທັນແຕກ ຫຼື ລບຕ ຍັງສືບຕໍ່ຂ້າປະຊາ
ຊົນລາວບັນດາເຜົ່າ ອີງຕາມການສຳຫຼວດໃນປີ 2008 ໃຫ້ຮູ້ວ່າແຕ່ປີ 1964-2008 ຜູ້ລອດຊີວິດຈາກອຸບັດເຫດ ລບຕ
20 ພັນຄົນ ຊຶ່ງໄດ້ກາຍເປັນຜູ້ເສຍອົງຄະ-ພິການ, ເປັນພາລະໃຫ້ກັບຄອບຄົວ ແລະ ສັງຄົມ ນອກຈາກນັ້ນ ລບຕ ຍັງ
ກີດຂວາງການທຳມາຫາກິນຂອງປະຊາຊົນລາວບັນດາເຜົ່າ ແລະ ເປັນອຸປະສັກອັນໃຫຍ່ຫຼວງຕໍ່ການດຳລົງຊີວິດ ແລະ
ການພັດທະນາເສດຖະ ກິດ-ສັງຄົມຂອງລາວ.
ທ່ານ ພູຂຽວ ຈັນທະສົມບູນ ຍັງກ່າວ ຕື່ມວ່າ: ດ້ານການແກ້ໄຂບັນຫາລະເບີດ ບໍ່ທັນແຕກໃນໄລຍະຜ່ານມາ ກໍຄືໃນປີ
1996 ລັດຖະບານ ສປປ ລາວ ຮ່ວມກັບ ສປຊ ແລະ ອົງການຢູນິເຊັບ ປະຈຳ ລາວ ໄດ້ສ້າງຕັ້ງກອງທຶນຊ່ວຍເຫຼືອລ້າ
ເພື່ອປະກອບທຶນແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ລາວ ຂຶ້ນ ແລະ ໄດ້ ປຸກລະດົມບັນດາປະເທດຜູ້ໃຫ້ທຶນ
ປະກອບທຶນເຂົ້າໃນກອງທຶນດັ່ງກ່າວ ແລະ ລັດຖະບານເອງກໍໄດ້ສ້າງຕັ້ງຄະນະກຳມະການຄຸ້ມຄອງແຫ່ງຊາດ ເພື່ອແກ້
ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ລາວ (ຄຊກລ) ຂຶ້ນໃນປີ 2004 ໂດຍຈຸດປະສົງເພື່ອຄຸ້ມຄອງມະຫາພາກຕິດ
ຕາມກວດກາການຈັດຕັ້ງປະຕິບັດ ວຽກງານຂອງອົງການເກັບກູ້ ລບຕ ມະນຸດສະທຳຂອງຕ່າງປະເທດບັນດາບໍລິສັດ
ເກັບກູ້ຂອງລາວ ແລະ ຕ່າງປະເທດລວມທັງໂຄງການເກັບກູ້ລະເບີດແຫ່ງຊາດ (ຄກລ).
ປະຈຸບັນ ທົ່ວຂະແໜງການແກ້ໄຂບັນ ຫາ ລບຕ ມີພະນັກງານ-ກຳມະກອນທັງ ໝົດ 3.815 ຄົນ ໃນນີ້ ຄົນລາວ 3.731
ຄົນ, ຍິງ 217 ຄົນ ແລະ ຊ່ຽວຊານຕ່າງປະເທດ 84 ຄົນ ແລະ ໄດ້ປຸກລະດົມທຶນຮອນຈາກຕ່າງປະເທດເຂົ້າໃນການແກ້
ໄຂບັນຫາ ຊຶ່ງກ່ອນປີ 2010 ໄດ້ປີລະ 9 ລ້ານໂດລາ, ປີ 2010-2013 ໄດ້ປີລະ 35 ລ້ານໂດລາ ແລະ ຄາດຄະເນປີນີ້ ຈະໄດ້ປະ
ມານ 36 ລ້ານໂດລາ ໂດຍທຶນດັ່ງກ່າວແມ່ນຜ່ານ 3 ທາງຄື: ຜ່ານກອງທຶນຊ່ວຍເຫຼືອລ້າຂອງອົງການສະຫະປະຊາຊາດ,
ຜ່ານການຮ່ວມມືສອງຝ່າຍຂອງຫ້ອງການ ຄຊກລ ແລະ ຄກລ ລະດົມທຶນນຳປະເທດຜູ້ໃຫ້ທຶນ ແລະ ຜ່ານບັນດາອົງ
ການເກັບກູ້ ລບຕ ຂອງສາກົນ (ໄອເຈນຈີໂອ).
ໂດຍແຕ່ປີ 1996 ເປັນຕົ້ນມາເຖິງປະຈຸບັນທ່ານ ພູຂຽວ ຈັນທະສົມບູນ ກ່າວຕື່ມວ່າ: ໄດ້ກວດກູ້ ລບຕ ອອກຈາກເນື້ອ
ທີ່ກະສິກຳ ແລະ ພັດທະນາອື່ນໆໄດ້ທັງໝົດ 51 ພັນກວ່າເຮັກຕາ (ສະເລ່ຍ 6 ພັນເຮັກຕາຕໍ່ປີ) ແລະ ໂຄສະນາຄວາມອັນ
ຕະລາຍຈາກ ລບຕ ຢູ່ບັນດາບ້ານ ແລະ ໂຮງຮຽນໄດ້ 15.885 ເທື່ອອັນ ໄດ້ເຮັດໃຫ້ຈຳນວນຜູ້ຖືກເຄາະຮ້າຍຈາກອຸບັດ
ເຫດ ລບຕ ຫຼຸດລົງຈາກ 300 ຄົນ ຕໍ່ປີໃນປີ 2008 ຄືນຫຼັງມາເປັນ 80 ຄົນ ໃນປະຈຸບັນ ແລະ ບັນດາຜູ້ລອດຊີວິດຈາກ
ລບຕ ໄດ້ຮັບການຊ່ວຍເຫຼືອລວມທັງໝົດມີ 1.566 ຄົນ.
ແຫລ່ງຂ່າວ: ເສດຖະກິດ – ສັງຄົມ