ອີງຕາມການລາຍງານຂ່າວຈາກ CRI: ໃນວັນທີ 3 ສິງຫາ 2022 ທີ່ຜ່ານມາ, ໃນໄລຍະ ຈັດກອງປະຊຸມ ລັດຖະມົນຕີ ການຕ່າງປະເທດ ອາຊຽນ ຄັ້ງທີ 55 ຢູ່ກຳປູເຈຍ ໂດຍມີ 6 ປະເທດຄື: ດານມາກ, ເກຣັກ, ໂຮນລັງ, ໂອມານ, ກາຕາ ແລະ ສະຫະນະຄອນ ເອເມເຣັດ ອາຣັບ ໄດ້ລົງນາມ ໃນສັນຍາ ວ່າດ້ວຍ ໄມຕີຈິດ ມິດຕະພາບ ແລະ ການຮ່ວມມື ໃນອາຊີ ຕາເວັນອອກ ສຽງໃຕ້ (TAC).
ໂດຍ ສັນຍາ ດັ່ງກ່າວ ແມ່ນໄດ້ເຊັນ ໃນກອງປະຊຸມ ຄັ້ງທຳອິດ ຂອງຫົວໜ້າ ລັດຖະບານ ປະເທດ ສະມາຊິກ ອາຊຽນ ທີ່ຈັດຂຶ້ນ ໃນປີ 1976 ໂດຍມີ ຈຸດປະສົງເພື່ອ “ສົ່ງເສີມ ສັນຕິພາບ ຖາວອນ, ໄມຕີຈິດ ມິດຕະພາບ ແລະ ການຮ່ວມມື ລະຫວ່າງ ປະຊາຊົນ ປະເທດຕ່າງໆ ໃນພາກພື້ນ ເພື່ອເພີ່ມທະວີ ຄວາມສາມາດ, ຄວາມສາມັກຄີ ແລະ ສາຍພົວພັນ ອັນສະໜິດແໜ້ນ ຂອງປະຊາຊົນ ຢູ່ປະເທດ ເຫລົ່ານີ້”. ປັດຈຸບັນ, 10 ປະເທດ ສະມາຊິກ ອາຊຽນ ໄດ້ເຂົ້າຮ່ວມ ສັນຍາ ສະບັບນີ້ ໝົດແລ້ວ. ນອກນີ້, ປະເທດອື່ນໆ ເຊັ່ນ ປະເທດຈີນ ກໍໄດ້ເຂົ້າຮ່ວມ ສັນຍາ ສະບັບນີ້ ເຊັ່ນດຽວກັນ.
ແຫຼ່ງຂ່າວ: CRI