ວິກິດທີ່ສີລັງກາພວມຜະເຊີນຢູ່ ສ່ວນໜຶ່ງແມ່ນຍ້ອນເປັນໜີ້ຈີນຈຳນວນມະຫາສານ ການເຈລະຈາກັບກອງທຶນການເງິນລະຫວ່າງປະເທດ (IMF) ເພື່ອຫາທາງແກ້ໄຂ ຈີນເຂົ້າມາມີບົດບາມສຳຄັນ.
ໃນວັນທີ 22 ພຶດສະພາ, ສຳນັກຂ່າວເອພີ ໄດ້ລາຍງານວິເຄາະສະຖານະການວິກິດໜີ້ມາຫາສານຂອງສີລັງກາ ຈີນໄດ້ເຂົ້າມາມີບົດບາດຫຼັກໃນຖານະເປັນເຈົ້າໜີລາຍໃຫຍ່, ຈີນເຂົ້າມາຊ່ວຍໂຄງການຂອງເສັ້ນທາງ ເພື່ອພັກດັນການຄ້າ ດ້ວຍການອອກເງິນກູ້ໃຫ້ການກໍ່ສ້າງທ່າເຮືອ ແລະ ໂຄງສ້າງພື້ນທີ່ທົ່ວອາຊີ ແລະ ອາຟຣິກາ.
ແຕ່ສິ່ງທີ່ເກີດຂຶ້ນຄື ສີລັງກາເປັນໜີ້ຈີນຈຳນວນຫຼາຍພັນລ້ານໂດລາ ຄຸກຄາມຄວາມພະຍາຍາມທີ່ຈະແກ້ໄຂວິກິດດ້ານການເງິນຂັ້ນຮ້າຍແຮງ ເຖິງຂັ້ນບໍ່ສາມາດນຳເຂົ້ານ້ຳມັນ ແລະ ອາຫານໄດ້.
ສີລັງກາ ແລະ ຫຼາຍໆປະເທດທຸກຍາກ ໄດ້ຍິນຍອມໃຫ້ຈີນມາລົງທຶນເພື່ອພັດທະນາອາຊີ ປີລະ 1.7 ລ້ານລ້ານໂດລາ ເພື່ອຮັກສາການຂະຫຍາຍຕົວທາງເສດຖະກິດ ແລະ ໄດ້ມີສຽງວິພາກວິຈານໃຫ້ກັບລັດຖະບານສີລັງກາ ທີ່ໄດ້ຈ່່າຍເງິນຫຼາຍເກີນໄປ ປ່ອຍໃຫ້ຈີນເຂົ້າມາລົງທຶນຫຼາຍເກີນໄປ ທັ້ງທີ່ສົ່ງຜົນດີພຽງໜ້ອຍດຽວ.
ທັ້ງນີ້ ຈີນໄດ້ກ່າວວ່າ ຈະສະເໜີໃຫ້ກູ້ຢືມເງິນຫຼາຍຂຶ້ນ ແຕ່ຈະບໍ່ຫຼຸດໜີ້ໃຫ້ ເພື່ອບໍ່ໃຫ້ປະເທດອື່ນໆທີ່ເປັນລູກໜີ້ນັ້ນຮຽກຮ້ອງໃຫ້ຫຼຸດຜ່ອນໜີ້ແບບດຽວກັນ.