ໃນແຕ່ລະເດືອນຂອງ ສປປ ລາວ ໄດ້ນຳເຂົ້ານ້ຳມັນເຊື້ອໄຟເປັນຈຳນວນ 120 ລ້ານລິດ, ແຕ່ໃນປັດຈຸບັນນີ້ ເຮົານຳເຂົ້າໄດ້ພຽງ 20 ລ້ານລິດ ເຊິ່ງຍັງຂາດອີກ 100 ລ້ານລິດ ເຖິງຈະພໍຕໍ່ການຊົມໃຊ້.
ຍ້ອນຈາກຫຼາຍໆສາເຫດທີ່ສົ່ງຜົນກະທົບຕໍ່ລາຄານ້ຳມັນໃນຕະຫຼາດທີ່ເພີ່ມຂຶ້ນສູງເລື້ອຍໆ ແລະ ຄ່າເງິນຕາຕ່າງປະເທດແຂງຄ່າ ເຮັດໃຫ້ຂາດເງິນໂດລາເພື່ອທີ່ຈະໄປຊື້ນ້ຳມັນຈາກປະເທດອື່ນ.
ຕາມການແຈ້ງການຂອງ ບໍລິສັດ ລັດວິສະຫະກິດນ້ຳມັນເຊື້ອໄຟລາວ ໄດ້ກ່າວວ່າ: ໃນຊ່ວງໄລຍະນີ້ ທາງບໍລິສັດບໍ່ສາມາດຕອບສະໜອງນ້ຳມັນໃຫ້ແກ່ລູກຄ້າໄດ້ຕາມຄວາມຕ້ອງການ. ເຫດຜົນຍ້ອນສະພາບລວມຂອງພະຍາດໂຄວິດ ບວກກັບສົງຄາມອູແກນ ແລະ ສະພາບພາຍໃນປະເທດ ແມ່ນບໍ່ສາມາດແລກປ່ຽນເງິນຢູ່ທະນາຄານຂອງລັດ ຕາມອັດຕາລັດຖະບານກຳນົດໃຫ້ເພື່ອໄປຈ່າຍຊື້ນ້ຳມັນຈາກຕ່າງປະເທດ ມາບໍລິການແກ່ສັງຄົມ.
ທ່ານ ສີສັງຄົມ ໂຄດໂຍທາ ປະທານສະມາຄົມນໍ້າມັນເຊື້ອໄຟ ແລະ ອາຍແກັສຂອງລາວ ກ່າວວ່າ: ການນໍາເຂົ້າ ນໍ້າມັນເຊື້ອໄຟຫຼຸດໜ້ອຍລົງ ກໍເປັນຍ້ອນຜົນລິດນໍ້າມັນ ເຊື້ອໄຟ ໃນຕະຫຼາດໂລກມີຄວາມບໍ່ແນ່ນອນ ເຊິ່ງໂຮງງານກັ່ນນໍ້າມັນ ຈໍານວນນຶ່ງ ກໍາລັງເກັບນໍ້າມັນເຊື້ອໄຟ ໄວ້ເພື່ອສ້າງກໍາໄລ. ເຊິ່ງເຮັດໃຫ້ລາຄານໍ້າມັນເຊື້ອໄຟທີ່ນໍາເຂົ້າ ເພິ່ມຂຶ້ນຢ່າງຫຼີກລ່ຽງບໍ່ໄດ້.ພວກເຮົາຍັງບໍ່ຮູ້ວ່າຈະນຳເຂົ້ານ້ຳມັນເຊື້ອໄຟໄດ້ອີກມື້ໃດ. ປ້ຳນ້ຳມັນບາງແຫ່ງມີນ້ຳມັນໜ້ອຍລົງເພາະມີການນຳເຂົ້າໜ້ອຍ.
ຕໍ່ກັບບຫາຫານີ້ ກະຊວງອຸດສາຫະກຳ ແລະ ການຄ້າແລ້ວ, ພາກລັດກຳລັງເລັ່ງຊອກຫາແຫລ່ງນໍ້າໃນ ແລະ ວິທີຄວບຄຸມລາຄານ້ຳມັນເຊື້ອໄຟ, ເພາະວ່າລາຄານ້ຳມັນເພີ່ມຂຶ້ນສົ່ງຜົນສະທ້ອນເຖິງການຄົມມະນາຄົມ, ໄພເງິນເຟີ້ ແລະ ຄ່າຄອງຊີບ.