ອີງຕາມການລາຍງານຈາກເວັບໄຊ້ຂ່າວ channelnewsasia ໃນວັນທີ 9 ກຸມພາ ນັກວິໄຈຈາກມະຫາວິທະຍາໄລເພນຊິວວາເນີຍຂອງສະຫະລັດ ເປີດເຜີຍຜົນການກວດເລືອດ ແລະ ການກວດສອບກວາງຫາງຂາວ 131 ໂຕຢູ່ໃນເທິງເກາະສະແຕເທນໃນນະຄອນນິວຢອກຂອງສະຫະລັດ ພົບວ່າກວາງເກືອບ 15% ມີພູມຄຸ້ມກັນຂອງເຊື້ອໂຄວິດ-19 ແລ້ວໜາຍຄວາມວ່າກວາງຈຳນວນເຫຼົ່ານີ້ໄດ້ຜ່ານການຕິດເຊື້ອມາແລ້ວ ແລະ ມີຄວາມສ່ຽງທີ່ຈະຕິດເຊື້ອສາຍພັນໃໝ່ອີກ ເຊິ່ງໃນສະຫະລັດມີກວາງຫຼາຍກວ່າ 30 ລ້ານໂຕ, ຖ້າຫາກເກີດການລະບາດເປັນວົງກວ້າງ ອາດນຳໄປສູ່ການກາຍພັນສາຍພັນໃໝ່ອີກ ແລະ ຫາກເກີດການລະບາດສາຍພັນໃໝ່ເປັນວົງກວ້າງໃນສັດ ກໍມີຄວາມເປັນໄປໄດ້ທີ່ເຊື້ອຈະກັບໄປສູ່ຄົນ.
ທ່ານ ສຸເຮດ ຄູຈີປູດີ ສັດຕະວະແພດຈຸລິນຊີວິທະຍາ ແຫ່ງມະຫາວິທະຍາໄລເພນຊິວວາເນີຍໄດ້ລະບຸວ່າ ເມື່ອເຊື້ອໄວຣັສມີການການພັນຢ່າງສົມບູນຈະສາມາດຫຼົບຫຼີກການປ້ອງກັນຈາກວັກຊີນທີ່ໃຊ້ກັນຢູ່ໃນປັດຈຸບັນ ແລະ ຈະເຮັດໃຫ້ເຮົາປັບປ່ຽນວັກຊີນກັນອີກຄັ້ງ.
ຈາກຂໍ້ມູນກະຊວງກະສິກຳຂອງສະຫະລັດລະບຸວ່າ: ການຄົ້ນພົບຄັ້ງນີ້ຖືໄດ້ວ່າເປັນການຄົ້ນພົບຄັ້ງທຳອິດທີ່ພົບເຊື້ອໂອໄມຄຣອນໃນສັດປ່າ ທ່າມກາງການລະບາດຄັ້ງໃຫຍ່ ແລະ ວ່ອງໄວຂອງສາຍພັນໂອໄມຄຮອນໃນມະນຸດທີ່ຢູ່ໃນຫຼາຍປະເທດ ຢ່າງໃດກໍຕາມຈົນຮອດຕອນນີ້ຍັງບໍ່ມີຫຼັກຖານວ່າສັດສາມາດແຜ່ເຊື້ອໃສ່ຄົນໄດ້ ແຕ່ມີຫຼາຍຕົວຢ່າງທີ່ສັດຕິດເຊື້ອໂຄວິດ-19 ຈາກການໃກ້ຊິດກັບຄົນທີ່ຕິດເຊື້ອ.