spot_img
Homeຂ່າວຕ່າງປະເທດກອງທັບສະຫະລັດປະກາດ ເລີ່ມປົດປະຈຳການທະຫານທີ່ບໍ່ສັກວັກຊີນປ້ອງກັນໂຄວິດ-19

ກອງທັບສະຫະລັດປະກາດ ເລີ່ມປົດປະຈຳການທະຫານທີ່ບໍ່ສັກວັກຊີນປ້ອງກັນໂຄວິດ-19

Published on

ກອງທັບສະຫະລັດ ປະກາດຈະເລີ່ມປົດປະຈຳການທະຫານທີ່ບໍ່ປະຕິບັດຕາມຂໍ້ບັງຄັບສັກວັກຊີນປ້ອງກັນໂຄວິດ-19 ຖືໄດ້ວ່າເປັນຄວາມສ່ຽງຕໍ່ກອງທັບ ແລະ ທຳລາຍການກຽມຄວາມພ້ອມໃນການສູ້ຮົບ.

ທ່ານນາງ ຄິສຕິນ ວໍມັດ ເລຂາທິການກອງທັບສະຫະລັດໄດ້ກ່າວວ່າ: ຈະເລີ່ມຂະບວນການຄັດແຍກທະຫານທີ່ປະຕິເສດການສັກວັກຊີນ ແລະ ບໍ່ໄດ້ໄດ້ຢູ່ໃນການພິຈາລະນາເພື່ອຂໍຮັບຂໍ້ຍົກເວັ້ນ ເຊິ່ງທະຫານປະຈຳການປົກກະຕິທັງໝົດ 482.000 ຄົນເມື່ອຊ່ວງທ້າຍປີ 2021 ທີ່ຜ່ານມາ ແລະ ຄາດວ່າຈະຖືກປົດອອກກວ່າ 3000 ຄົນ ເນື່ອງຈາກກ່ອນໜ້ານີ້ກອງທັບສະຫະລັດໄດ້ອອກໜັງສື ຕັກເຕືອນທະຫານທີ່ຍັງປະຕິເສດການສັກວັກຊີນໄປແລ້ວ.

ຕາມຂໍ້ມູນວັນທີ 26 ມັງກອນ ກອງທັບສະຫະລັດໄດ້ສັ່ງປົດນາຍທະຫານລະດັບສູງໄປແລ້ວ 6 ຄົນລວມເຖິງທະຫານລະດັບຜູ້ບັງຄັບກອງພັນ 2 ຄົນ ເຊິ່ງກອງທັບສະຫະລັດໄດ້ເຫັນວ່າການປະຕິເສດການສັກວັກຊີນເປັນເລື່ອງທີ່ລະອຽດອ່ອນ ໃນຊ່ວງທີ່ເກີດໂລກລະບາດເພາະທະຫານທີ່ປ່ວຍພຽງຄົນດຽວສາມາດແພ່ເຊື້ອໄປໃຫ້ທະຫານຄົນອື່ນໃນກອງທັບໄດ້ ແລະ ເປັນເຫດເຮັດໃຫ້ພາລະກິດຕ້ອງຫຼ້າຊ້າໄປອີກ.

ພ້ອມກັນນັ້ນກອງທັບເຮືອສະຫະລັດກໍໄດ້ສັ່ງປົດໄປແລ້ວ 118 ຄົນ ໃນນັ້ນມີທະຫານປະຈຳການແລະກອງກຳລັງເສີມປະມານ 8000 ຄົນທີ່ຍັງບໍ່ໄດ້ສັກວັກຊີນ.

ອ້າງອີງ: AFP

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...