ວັນທີ 23 ທັນວາ 2021 ສໍານັກຂ່າວ ch3plus ລາຍງານວ່າ ນັກວິທະຍາສາດ ກ່ຽວກັບ ການຄົ້ນພົບໄຂ່ໄດໂນເສົາ ທີ່ມີສະພາບທີ່ສົມບູນ ໂດຍເປັນພັນທີ່ມີອາຍຸ 66 ລ້ານປີ ຢູ່ທີ່ເມືອງກວາງໂຈ ປະເທດຈີນ. ມີສົມມຸດຖານວ່າອາດມີການເຊື່ອມໂຍງ ແລະ ວິວັດທະນາການຮ່ວມກັບສັດປີກໃນຍຸກປັດຈຸບັນ.
ຊາກກະດູກດັ່ງກ່າວ ຖືກຄົ້ນພົບຢູ່ທີ່ເມືອງກວາງໂຈ ທາງພາກໃຕ້ຂອງປະເທດຈີນ ແລະ ເປັນຂອງໄດໂນເສົາສາຍພັນ Theropod ຊະນິດທີ່ບໍ່ມີແຂ້ວ ຫຼື oviratorosaur ເຊິ່ງນັກວິໄຈໄດ້ຕັ້ງຊື່ໃຫ້ວ່າ Baby Yingliang.
ເຊິ່ງຂະໜາດຂອງຕົວອ່ອນດັ່ງກ່າວມີຄວາມປະມານ 27 ຊັງຕີແມັດ ນອນຂົດໂຕຢູ່ໃນໄຂ່ຍາວ 17 ຊັງຕີແມັດ ໂດຍມື ແລະ ຕີນ ຢູ່ດ້ານໜ້າກັບຫົວ ເຊິ່ງຄ້າຍຄືກັບການກຽມຟັກໄຂ່ຂອງສັດປີກ ແລະ ຄ້າຍກັບໂຕອ່ອນຂອງສັດຈໍາພວກນົກໃນຍຸກສະໄໝໃໝ່ ເປັນສິ່ງທີ່ນັກວິໄຈໃໝ່ບໍ່ເຄີຍພົບມາກ່ອນໃນຊາກກະດູກ ຫຼື ຫຼັກຖານກ່ຽວກັບໄດໂນເສົາ.
ນີ້ຄືສິ່ງທີ່ບົ່ງບອກວ່າ ພຶດຕິກໍາແບບນົກສະໄໝໃໝ່ ເກີດຂຶ້ນໃນບັນພະບູລຸດໄດໂນເສົາ, ຄາດເດົາວ່າ ໄຂ່ນ່ວຍນີ້ ອາດຖືກເຫດການດິນຖະຫຼົ່ມົລບກວນ ເຮັດໃຫ້ໄຂ່ຮົ່ວກ່ອນທີ່ໄຂ່ຈະຟັກ ແຕ່ມັນກໍຍັງຢູ່ໃນສະພາບທີ່ສົມບູນ. ຖ້າມີຂໍ້ມູນເພີ່ມຕື່ມ ລາວໂພສຈະແຈ້ງໃຫ້ຊາບໃນພາຍຫຼັງ.