spot_img
Homeຂ່າວພາຍ​ໃນລາວຂາດດຸນການຄ້າ 45 ກວ່າລ້ານໂດລາສະຫະລັດໃນເດືອນຕຸລາ

ລາວຂາດດຸນການຄ້າ 45 ກວ່າລ້ານໂດລາສະຫະລັດໃນເດືອນຕຸລາ

Published on

ໃນເດືອນຕຸລາຂອງປີນີ້ ລາວຂາດດຸນການຄ້າ 45 ກວ່າລ້ານໂດລາສະຫະລັດ ຂະນະທີ່ມູນຄ່າການນໍາເຂົ້າ ແລະ ສົ່ງອອກ ບັນລຸໄດ້ປະມານ 819 ລ້ານໂດລາສະຫະລັດ. ໃນນັ້ນ, ມູນຄ່າການສົ່ງອອກ ມີປະມານ 387 ລ້ານໂດລາສະຫະລັດ, ມູນຄ່າການນໍາເຂົ້າ ມີປະມານ 432 ລ້ານໂດລາສະຫະລັດ.

ອີງຕາມສູນຂໍ້ມູນຂ່າວສານທາງດ້ານການຄ້າ ສປປ ລາວ, ສີນຄ້າສົ່ງອອກຫຼັກ ມູນຄ່າ 387 ລ້ານໂດລາສະຫະລັດ ປະກອບມີ: ແຮ່ທອງ, ທອງແດງ ແລະ ເຄື່ອງທີ່ເຮັດດ້ວຍທອງແດງ, ໝາກກ້ວຍ, ຄໍາປະສົມ (ຄຳແທ່ງ), ເຄື່ອງນຸ່ງຫົ່ມ, ກາເຟ, ຢາງພາລາ, ຢາສູບ, ສາລີ ແລະ ໄມ້ແປຮູບ, ເຄິ່ງສຳເລັດຮູບ ແລະ ສຳເລັດຮູບ. ໝວດສີນຄ້ານໍາເຂົ້າຫຼັກ ມູນຄ່າ 432 ລ້ານໂດລາສະຫະລັດ ປະກອບມີ: ພາຫະນະທາງບົກ (ນອກຈາກລົດຈັກ,ລົດໄຖ), ເຄື່ອງໄຟຟ້າ ແລະ ອຸປະກອນໄຟຟ້າ, ນ້ຳມັນກາຊວນ, ອຸປະກອນກົນຈັກ (ນອກຈາກເຄື່ອງກົນຈັກພາຫະນະ), ຊິ້ນສ່ວນອາໄຫຼ່ລົດ (ລວມທັງຢາງ, ແວ່ນ, ໂສ້…), ນ້ຳມັນແອັດຊັງ, ແອັດຊັງພິເສດ, ເຄື່ອງໃຊ້ທີ່ເຮັດດ້ວຍພລາສະຕິກ, ແກ້ວປະເສີດ ຫຼື ເຄິ່ງປະເສີດ, ຝຸ່ນ(ປຸ໋ຍ) ແລະ ເຍື່ອໄມ້ ແລະ ເສດເຈ້ຍ.

ບັນດາປະເທດທີ່ ສົ່ງອອກຫຼັກ ມີ ຈີນ, ຫວຽດນາມ, ໄທ, ອີນເດຍ  ແລະ ເຢຍລະມັນ, ສ່ວນປະເທດນຳເຂົາຫຼັກລວມມີ ໄທ, ຈີນ, ຫວຽດນາມ, ຍີ່ປຸ່ນ ແລະ ສະຫະລັດອາເມລິກາ. ຢ່າງໃດກໍຕາມ, ມູນຄ່າການນໍາເຂົ້າ ແລະ ສົ່ງອອກດັ່ງກ່າວແມ່ນຍັງບໍ່ກວມເອົາມູນຄ່າການສົ່ງອອກໄຟຟ້າ.

ບົດຄວາມຫຼ້າສຸດ

ກັກຕົວເປົ້າໝາຍຄ້າຂາຍຢາເສບຕິດ ພ້ອມຂອງກາງຢາບ້າ ຈຳນວນ 60 ມັດ

ອີງຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັນແລະຕ້ານຢາເສບຕິດ ປກສ ແຂວງຈຳປາສັກ ໃຫ້ຮູ້ວ່າ: ໃນເວລາ 12:00 ໂມງ ຂອງວັນທີ 10 ມັງກອນ 2025 ຜ່ານມາ, ເຈົ້າໜ້າທີ່ວິຊາສະເພາະ ໄດ້ລົງມ້າງຄະດີ...

ນາງ ພອນລິສາ ສິນລະປະກິດ ຍາດໄດ້ຫຼຽນຄໍາ ໃນການແຂ່ງຂັນວິຊາເລກ ທີ່ປະເທດກໍາປູເຈຍ

ຊົມເຊີຍ ນາງ ພອນລິສາ ສິນລະປະກິດ ຍາດໄດ້ຫຼຽນຄໍາ ວິຊາເລກ the Angkor Math Competition (AMC) ທີ່ປະເທດກໍາປູເຈຍ. ດ້ວຍຄວາມພາກພູມໃຈຂອງປະເທດລາວທີ່ ນາງ ພອນລິສາ...

8 ຫົວຂໍ້ສຳຄັນ ຫຼັງຈາກ ໂດໂນ ທຣຳ ຫວນຄືນຕຳແໜ່ງປະທານາທິບໍດີສະຫະລັດ ຄົນທີ 47

ໂດໂນ ທຣຳ ສາບານຕົນຮັບຕຳແໜ່ງປະທານາທິບໍດີຄົນທີ 47 ຂອງສະຫະລັດຢ່າງເປັນທາງການແລ້ວໃນວັນທີ 20 ມັງກອນ 2025 ຜ່ານມາ ພ້ອມກ່າວຄຳປາໄສປະກາດວ່າ ຍຸກທອງຂອງອາເມຣິກາເລີ່ມຂຶ້ນແລ້ວ. ຫຼັງຈາກພິທີສາບານຕົນເຂົ້າຮັບຕຳແໜ່ງ ໂດໂນ ທຣຳ ກໍໄດ້ລົງນາມເຊັນເອກະສານຕ່າງໆໄປຫຼາຍສະບັບ...

ບໍລິສັດ ເບຍລາວ ຈຳກັດໄດ້ປະກອບສ່ວນເສຍພາສີຫຼາຍກວ່າ 5,100 ຕື້ກີບ ໃນປີ 2024

ບໍລິສັດເບຍລາວຈຳກັດມີຄວາມພາກພູມໃຈທີ່ໄດ້ປະກອບສ່ວນຊ່ວຍເຫຼືອປະຊາຊົນລາວໂດຍ ການຈ່າຍພາສີ, ການສົ່ງອອກ ແລະ ວຽກງານກິດຈະກຳເພື່ອສັງຄົມຕ່າງໆ. ໃນຖານະຜູ້ເສຍພາສີອາກອນລາຍໃຫຍ່ທີ່ສຸດຂອງປະເທດ, ບໍລິສັດເບຍລາວໄດ້ປະກອບສ່ວນເສຍພາສີຫຼາຍກວ່າ 5,100 ຕື້ກີບ ໃນປີ 2024, ເຊິ່ງເພິ່ມຂື້ນຫຼາຍກວ່າ 32% ເມື່ອທຽບໃສ່ປີ 2023. ທີ່ນະຄອນຫຼວງວຽງຈັນ,...