spot_img
Homeຂ່າວການພັດທະນາໃກ້ເປັນຈິງແລ້ວ !! ສໍາລັບວັກຊີນປິ່ນປົວຜູ້ຕິດເຊື້ອ HIV

ໃກ້ເປັນຈິງແລ້ວ !! ສໍາລັບວັກຊີນປິ່ນປົວຜູ້ຕິດເຊື້ອ HIV

Published on

ຂ່າວຕ່າງປະເທດ ໄດ້ລາຍງານເຖິງການປິ່ນປົວຜູ້ຕິດເຊື້ອ HIV ວ່າໃນປັດຈຸບັນຜູ້ຕິດເຊື້ອສາມາດກິນຢາ ຈົນສາມາດໃຊ້ຊີວິດໄດ້ເປັນປົກກະຕິແລ້ວ ແຕ່ກໍຍັງບໍ່ທັນມີວິທີປິ່ນປົວໃຫ້ເຊົາຂາດໄດ້ ຢ່າງໃດກໍຕາມນັກວິໄຈຂອງປະເທດຍີ່ປຸ່ນໄດ້ທົດລອງກໍາຈັດເຊື້ອ HIV ໃນລິງໄດ້ສໍາເລັດ ແລະ ກຽມທົດລອງໃນຄົນໃນຂັ້ນຕໍ່ໄປ.

ເຊື້ອ HIV ມີການເລີ່ມລະບາດເປັນວົງກວ້າງໄປທົ່ວໂລກນັບຕັ້ງແຕ່ປີ 1980 ແລະ ໃນປັດຈຸບັນມີເທັກໂນໂລຊີທາງດ້ານການແພດທີ່ພັດທະນາຂຶ້ນເລື້ອຍໆຈົນສາມາດເຮັດໃຫ້ຜູ້ຕິດເຊື້ອກິນຢາເພື່ອປິ່ນປົວ ແລະ ເຮັດໃຫ້ຈໍານວນເຊື້ອໃນຮ່າງກາຍຫຼຸດໜ້ອຍລົງ ຈົນສາມາດໃຊ້ຊີວິດໄດ້ເປັນປົກກະຕິ.

ແລະ ຕອນນີ້ກໍກໍາລັງຈະມີຂ່າວດີ ເພາະຈາກການທົດລອງມາຕະຫຼອດໄລຍະ 5 ປີ ຂອງນັກວິໄຈຍີ່ປຸ່ນ ສາມາດທົດລອງວັກຊີນໂຕໃໝ່ໄດ້ສໍາເລັດທີ່ສາມາດຂ້າເຊື້ອ HIV ໃນລິງໄດ້ເເປັນຢ່າງດີ. ວັກຊີນຊະນິດນີ້ຜ່ານການພັດທະນາເພື່ອຊ່ວຍເຮັດໃຫ້ລະບົບພູມຄຸ້ມກັນຂອງຜູ້ຕິດເຊື້ອເພີ່ມສູງຂຶ້ນ ແລະ ເຮັດໃຫ້ເຊື້ອ HIV ອ່ອນແອລົງ.

ຈາກການທົດລອງໃນລິງ 7 ໂຕທີ່ຕິດເຊື້ອ HIV ເຫັນວ່າຫຼັງຈາກລິງໄດ້ຮັບການສັກວັກຊີນເຂົ້າໄປ ມັນສາມາດຂ້າເຊື້ອ HIV ຈາກລິງໄດ້ເຖິງ 6 ໂຕ. ນັກວິໄຈຄາດຫວັງວ່າພວກເຂົາຈະສາມາດພັດທະນາວັກຊີນໂຕນີ້ຕໍ່ໄປ ເພື່ອນໍາມາໃຊ້ປິ່ນປົວຜູ້ຕິດເຊື້ອ HIV ທີ່ກໍາລັງຮັບຢາຕ້ານ HIV ຢູ່ໃນປັດຈຸບັນໄດ້.

ນອກຈາກການທົດລອງໃນຄັ້ງນີ້ແລ້ວ ບໍລິສັດ Moderna ທີ່ເປັນບໍລິສັດການຢາຂອງສະຫະລັດອາເມລິກາ ກໍກໍາລັງພັດທະນາວັກຊີນປິ່ນປົວ HIV ດ້ວຍເທັກໂນໂລຊີ mRNA ຄືກັບທີ່ໃຊ້ພັດທະນາວັກຊີນ COVID-19 ແລະ ຖ້າຫາກນັກວິທະຍາສາດສາມາດພັດທະນາວັກຊີນປິ່ນປົວ HIV ໄດ້ສໍາເລັດ ພະຍາດດັ່ງກ່າວອາດບໍ່ໄດ້ເປັນສິ່ງທີ່ເປັນຕາຢ້ານອີກຕໍ່ໄປ.

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...