spot_img
Homeຂ່າວຕ່າງປະເທດຖ້າຫາກຕິດເຊື້ອໂຄວິດ-19 ໂດຍທີ່ຍັງບໍ່ທັນໄດ້ຮັບການສັກວັກຊີນນັ້ນຈະຕ້ອງໄດ້ຈ່າຍຄ່າປິ່ນປົວເອງ

ຖ້າຫາກຕິດເຊື້ອໂຄວິດ-19 ໂດຍທີ່ຍັງບໍ່ທັນໄດ້ຮັບການສັກວັກຊີນນັ້ນຈະຕ້ອງໄດ້ຈ່າຍຄ່າປິ່ນປົວເອງ

Published on

ທ່າມກາງການລະບາດຂອງພະຍາດຂອງພະຍາດໂຄວິດ-19 ນັ້ນ ໃນປະເທດສິງກະໂປກໍຍັງກວດພົບຜູ້ຕິດເຊື້ອໃໝ່ຫຼາຍພັນຄົນຕໍ່ມື້ ແລະ ລ່າສຸດທາງລັດຖະບານສິງກະໂປໄດ້ປະກາດວ່າ ຈະບໍ່ຈ່າຍເງິນຄ່າປິ່ນປົວໃຫ້ກັບຜູ້ທີ່ຕິດເຊື້ອໂຄວິດ-19 ທີ່ບໍ່ເຂົ້າຮັບການສັກວັກຊີນອີກຕໍ່ໄປ ຖ້າໃຜທີ່ບໍ່ເຂົ້າຮັບການສັກວັກຊີນແລ້ວເກີດມີການຕິດເຊື້ອໂຄວິດ-19 ຈະຕ້ອງໄດ້ຈ່າຍຄ່າປິ່ນປົວເອງທັງໝົດ.

ໃນປັດຈຸບັນລັດຖະບານສິງກະໂປຈະຈ່າຍເງິນຄ່າປິ່ນປົວການຕິດເຊື້ອໂຄວິດ-19 ທັງໝົດໃຫ້ກັບປະຊາຊົນສິງກະໂປທຸກຄົນ ບໍ່ວ່າຈະເປັນຜູ້ທີ່ມີສິດອາໄສຢູ່ຖາວອນ ແລະ ຜູ້ຖືວີຊາໄລຍະຍາວ ເວັ້ນແຕ່ວ່າຈະມີຜົນກວດເປັນບວກຫຼັງຈາກທີ່ກັບຈາກຕ່າງປະເທດ.

ເຖິງຢ່າງໃດກໍຕາມ ລັດຖະບານຂອງສິງກະໂປໄດ້ກ່າວວ່າ ຕັ້ງແຕ່ວັນທີ 8 ທັນວາ 2021 ເປັນຕົ້ນໄປ ຈະເລີ່ມມີການເກັບເງິນຜູ້ຕິດເຊື້ອໂຄວິດ-19 ທີ່ປະຕິເສດການເຂົ້າຮັບການສັກວັກຊີນ.

ນອກຈາກນັ້ນລັດຖະບານຍັງໄດ້ກ່າວອີກວ່າ: “ ຄົນທີ່ບໍ່ໄດ້ຮັບການສັກວັກຊີນຖ້າຫາກວ່າເກີດມີການຕິດໂຄວິດ-19 ສ່ວນໃຫຍ່ປັນຜູ້ທີ່ຕ້ອງຕິດຕາມອາກາດຢ່າງໃກ້ຊິດຖ້ ແລະ ຍັງເປັນສ່ວນໜຶ່ງທີ່ເຮັດໃຫ້ເກີດຄວາມກັງວົນໃນລະບົບສຸຂະພາບຂອງພວກເຮົາ”.

ທັງນີ້ສໍາລັບຜູ້ທີ່ມີເງື່ອນໄຂທີ່ບໍ່ສາມາດສັກວັກຊີນໄດ້ນັ້ນ ລັດຖະບານສິງກະໂປຈະຍັງອອກຄ່າປິ່ນປົວໃຫ້ຕາມປົກກະຕິ ສ່ວນຄົນທີ່ຫາກໍສັກວັກຊີນໂຄວິດ-19 ໄດ້ພຽງ 1 ເຂັມ ຫຼື ຍັງບໍ່ທັນຄົບໂດສ ລັດຖະບານຈະໃຫ້ເວລາໄປສັກເຂັມທີສອງຈົນຮອດວັນທີ 31 ທັນວາ 2021.

ແຫຼ່ງຂ່າວ: pptvhd36

ບົດຄວາມຫຼ້າສຸດ

ພະຍາກອນອາກາດ ປະຈຳວັນທີ 18 ມັງກອນ 2026 ໜາວສຸດຢູ່ເຂດພາກເໜືອຕາເວັນອອກ ແລະ ຮ້ອນສຸດຢູ່ເຂດພາກໃຕ້

ຄວາມກົດດົນສູງຂອງອາກາດເຢັນຍັງສືບຕໍ່ປົກຄຸມທົ່ວທຸກພາກຂອງປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນອອກ-ຕາເວັນອອກສ່ຽງເໜືອພັດປົກຄຸມ, ຊຶ່ງຈະເຮັດໃຫ້ອາກາດຍັງເຢັນ ຫາ ໜາວເຢັນໃນຕອນກາງຄືນ ຫາ ຕອນເຊົ້າຢູ່ໃນແຕ່ລະພາກ ພ້ອມມີໝອກບາງປົກຫຸ້ມຢູ່ບາງທ້ອງຖິ່ນໃນຕອນເຊົ້າຢູ່ແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ສ່ວນພາກກາງ ແລະພາກໃຕ້...

ເກີດແຜ່ນດິນໄຫວ ຢູ່ເມືອງນາຊາຍທອງ, ນະຄອນຫຼວງວຽງຈັນ ຂະໜາດ 1.9 ຣິກເຕີ, ຄວາມເລິກ 1 ກິໂລແມັດ ໃນເວລາ 14:20 ນາທີ ວັນທີ 15 ມັງກອນ 2026

ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ລາຍງານເຫດການເກີດແຜ່ນດິນໄຫວ ພາຍໃນປະເທດ ແລະ ບັນດາປະເທດໃກ້ຄຽງ ປະຈຳວັນທີ 15 ມັງກອນ 2026 ເວລາ 7:00 ໂມງເຊົໍ້າ ຫາ ວັນທີ...

ລະງັບແລ້ວ 75 ປະເທດ ອາເມລິກາ ສັ່ງລະງັບວີຊາ 75 ປະເທດ (ມີປະເທດໄທ) ເພື່ອປ້ອງກັນບໍ່ໃຫ້ຜູ້ອົບພະຍົບກາຍເປັນພາລະຂອງລັດ ມີຜົນເລີ່ມແຕ່ ວັນທີ 21 ມັງກອນ 2026 ເປັນຕົ້ນໄປ

ສຳນັກຂ່າວຕ່າງປະເທດລາຍງານວ່າ ເມື່ອບໍ່ດົນມານີ້ ທ່ານ ໂດນັລ ທຣຳ ປະທານາທິບໍດີ ແຫ່ງ ສະຫະລັດ ອາເມລິກາ, ປະກາດລະງັບການພິຈາລະນາວີຊາຜູ້ອົບພະຍົບ (Immigrant Visa) ສໍາລັບປະຊາຊົນຈາກ 75...

ທູດ ອາເມລິກາ ປະຈໍາລາວ ເຂົ້າຢ້ຽມອໍາລາ ລັດຖະມົນຕີກະຊວງການຕ່າງປະເທດ ເນື່ອງໃນໂອກາດສໍາເລັດການປະຕິບັດໜ້າທີ່ການທູດ ຢູ່ ສປປ ລາວ

ໃນຕອນບ່າຍວັນທີ 14 ມັງກອນ 2026 ທີ່ຜ່ານມາ, ທີ່ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງ...